Hoseya 14:9 - Mawu a Mulluku

⁹ “Oyo aniiwesese addisunge. Vawi ettilla dda Apwiya tti ddoolungama nave oolungama enneetamo koma oochimwa ennakwakwatuwamo.”

Hoseya 14:9 ပူးပေါင်းရင်းမြစ်များ

Miyambo 10:29

Apwiya tti mpanda woomuteteza muthu ooreera murima koma tti woonongeya wa muthu oochimwa.

Masalimo 107:43

Oyo ari ni ezeru iiwesese ddenndda, athu eganizelle dda echikondi yoohisintheya ya Apwiya.

Yohane 8:47

Oyo anavenyera wa Mulluku anniiwa mawu a Mulluku. Koma nyuwaano khe oovenyera wa Mulluku sika ekaambiiwa muhiniiweenyu.

Daniele 12:10

Anchichi eneeroddeelliha nave eneereweella, oohikhalla ni yooripiha. Koma oonanara eneerovirellella onanara. Khaavo naari mmodda mwa alliwa aniiwesese ddenndda koma yaayove eri ni ezeru eneerewiisesesa.

Zefaniya 3:5

Koma Apwiya tti oolungama m'muzindanimmo, tti a echiweruzo yaphaama. Enneeruza moolungama nllapo ni nllapo, enthawi ettheene khenalephela, koma athu oohilungama khenawulliwa muru.

Yeremiya 9:12

Mi kaakoha wi, “Ethiyo eezeru ttaani oyo aniiwesese ddenndda? Nave Apwiya yamutthopoollelle aani wi aatthopoollelle amodda? Kaambiiwa tinittho ellapo yoonongeyelliiwa ni otthattuwa echipululu mmo muhinavira athu?”

Deuteronomo 32:4

“Olliye tti nlluku nahu, mitteko ddaye tti ddaphaama, ettilla ddaye ddittheddene tti ddoolungama, Mulluku oororomelleya ni awoona, olliye tti oolungama ni oohilakwiha.

Yohane 18:37

Sika Pilato amukoha wi, “Vano weyaano tti mwene?” Yesu ahaakhulla wi, “Nyu sika munallota wi miyaano tti mwene. Kaayariwa nave kaawa mu ellapo yavatthi wi kivelleelle omboni dda yawoona. Muthu oyo anakhalla mu yawoona anniiwa mawaaka.”

Yesaya 26:7

Nyu Apwiya, munnallima musewu wa oolungama, munnookolla ettilla ya ooreera murima.

Masalimo 119:128

Malamulwaanyu mattheene ennookollella meetellwaaka, kinniitana ni erive ettilla yoolleka.

Masalimo 119:75

Nyu Apwiya kinnadduwella wi echiweruzwaanyu tti yoolungama moollikana ni ororomelleya wanyu.

Genesis 18:25

Ddawoona, khamuwiipha athu oolungama ni oohilungama. Yeella tti yooheereya! Ethiyo aweeruza a ellapo yavatthi ettheene khanaphwanella weera echilungamo?”

Aroma 7:12

Vano malamulo mattheene tti aweella, awoona navettho aphaama.

Yohane 15:24

Kaheerilleke mitteko nnddo mmodda aheerilleeye wa alliwaayo vano kheyaakhalle ni mullatu woochimwana. Koma yahoona nnddo keerilleemi naari yakiitalle miyaano ni Attiitthaaka.

Yohane 9:39

Yesu aallota wi, “Kaawa mu ellapo yavattheella wi keeruze wi ayo ehinoona yoone nave ayo enoona ekhalle oohoona.”

Luka 7:23

Nave oodalisiwa tti ayo ehinakhumuwa ni dda miyaano!”

Luka 2:34

Vano Simiyoni ahaadalisa nave allota wa Mariya amennyaayo wi, “Mwaanoolla ootthoolliwa ni Mulluku wi akhalle ollakiwa ni ovullusiwa wa athu anchichi a o Israele. Aneerokhalla echizindikiro yoovenyera wa Mulluku, eyo athu anchichi eneeriiwa yiitanena.

Mateyu 11:19

Mi, Mwaana a Muthu, kiwiille kaacha ni omuwirya vinyo nave athu yaallota wi, ‘Ngamooneni, muthoolla tti oottutthuwa, oolezela, akhwaayettho tti ookhomiha misonkho ni amodda oochimwa!’ Komave ezeru dda Mulluku ddinooneya wi tti ddawoona oweella m'mittekoni ddiwa.”

Ezekiele 18:25

Koma nyuwaano munallota wi, Haa! Apwiya eneeriiwanndda khe ddoolungama.” Nyu Aisraele, ngiiwani vano. Ethiyo ddaweera ddaka sika ddihiri ddoolungama? Ohikhalla ddaweera ddanyu sika ddihiri ddoolungama?

Yesaya 1:28

Koma oowukila ni oochimwa enaawoonongelle nimodda. Athu owaahiya Apwiya eneerotthollosiwa.

Miyambo 4:18

Koma ettilla ya athu oolungama tti wonanko owala wa ohinase nko onaanjerereya vang'ono vang'ono ophiyera otthaana.

Masalimo 84:7

Masiviiwa ennavirellella waata, Mulluku a milluku awooneya mu Ziyoni.

Masalimo 84:5

Oodala tti athu ayo masiviiwa enavenyera wa nyuwaano, ayo m'murimani mwiwa enapaallesesa oweella m'misewuni ddooya o Ziyoni.

Yobu 17:9

Komave oolungama ennumellella ettilliiwa, oohilakwa ennallipihella okhalla aweella.

Mitteko 13:10

Nave allota wi, “Mwaana a Satana we! Nave mudani a ddeko ddittheddene dda echilungamo, ooddalliwa ni ddeko ddittheddene ddawoottha. Ethiyo khohiya orukunusa yawoona ya Apwiya wi ekhalle yoolleka?

Yawuupullulla 15:3

nave yaaniipa nchipo na Mose, oorumeyella a Mulluku ni nchipo na mwaanaankhosa wi, “Apwiya Mulluku Amasiva Mattheene, mitteko ddanyu tti dduullupalli navettho ddoottikhiniha! Mwene a mitundu ddittheddene, ettilla ddanyu tti ddawoona navettho ddoolungama.

Miyambo 16:21

Muthu eezeru anneeriwa awiiwesesa nave ollota waye wooddiva onnaakhullelliwa.

Yesaya 17:8

Nave kheroromella makuwa yaamakilliiwa weekhiiwa apaalle yaapotokosilliiwa ni mattiiwa naari mafanwiiwa a Asherimu apaalle makuwa awoosellavo lubani.*

Yeremiya 29:12

Enthawi yeeyo muneerokiithana wi mukillapelleke nave kineerowaakhullani.

Ezekiele 11:18

Yavollowa mwiillaponimmo eneerovenyihamo mafano mattheene oonanara.

Ezekiele 36:25

Kineerewuumiddani maaddi aphaama wi mweelle o ddittheddene ddawuuripihani. Navettho kineeroweellihani voovenyihani mafanwaanyu mattheene.

Zekariya 10:6

“Nibanja na Yuda kineeronillipiha, edduullu dda Israele kineeroddaakiha. Athwaayo kineerewaahokollosella owaniwa kaambiiwa kooweerella echifundo. Sika enaakhalle wonanko ngaatathinlle vawi mi tti Apwiya Mullukwiiwa, kineerowaakhulla ddooveka ddiwa.