Hoseya 14:7 - Mawu a Mulluku

⁷ Israele aneerokhalla m'muuthuuchini waphaama, aneerokhalla ni ddawimma ddinchichi. Aneerewaata wonanko mpesa, eneerovuwa wonanko vinyo a o Lebanoni.

Hoseya 14:7 ပူးပေါင်းရင်းမြစ်များ

Masalimo 91:1

Muthu ookhalla mu mpanda wa Amasiva Mattheene, oyo anakhalla m'muuthuuchinaaya,

Yohane 11:25

Yesu aamulleella wi, “Mi tti oyo anaavenyiha athu wa ookhwa ni waavaha okumi. Ayo enakikhulupilila miyaano aneerokhalla ni okumi woohimalla naari ekhwille.

Zekariya 8:12

Eneerekomidda mwamurendelle, mpesa oneerewimma ezipaso, ethaya eneerekewimmiha wunchichi nave oddullu khowumma. Madaliso mattheenaalla kineerewaavelleella wa oohalla mwa athu.

Hoseya 14:5

Kinaakhalle wa Israele wonanko nikame, aneerottaphulla malluwa wonanko kakombo, aneeromella misisi wonanko muteekho wa o Lebanoni.

Hoseya 6:2

Vamalla mallapo meelli eneeronihihimulla. Va nllapo naneeraru eneeronivenyiha wi nikhalle ni okumi vamiitthoni viwa.

Hoseya 2:22

Ethaya eneerewaakhulla tirigu, vinyo ni makhura nave ddenndda ddineeromwaakhulla Yezireele.

Ezekiele 17:23

Kineerowaalla vamwaangoni woorekamesesa wa o Israele. Oneerophuwa ni wimma ezipaso. Sika oneerotthattuwa mukunguza waphaama. Epallame dda mitundu ddittheddene ddineerokhalla mu muuthuuchi ni enthambi dda muteekhooyo.

Yesaya 61:11

Wonanko mmo ethaya enamellihelliiwa mmiddo navettho wonanko mmo emata enunnuwihelliiwa ddawaalla, emoddamoddave yeeyo Apwiya Mulluku eneereweera echilungamo ni ntitimiho niwa vamiitthoni va athu attheene.

Nchipo na Solomoni 6:11

Kaakitthella o emata ya muteza wa alimondi, wi koone munyepu wa otapo, wi koone mipesa ddaarimi ddiphuwalle, ezipaso ddamakangaza ddaarimi ddittaphunlle malluwa.

Nchipo na Solomoni 2:3

Wonanko mapulosi variyari va miteekho dda muutthakoni, sikattho ookondiwaaka variyari va asombwe. Kinnahakallallesesa vawiithuuwani va muuthuuchaaye, ddinnanang'aneya muwanommu ezipaso ddaye.

Masalimo 138:7

Naari keete variyari va ddookatamiha, nyu, munnasunga okumaaka. Munnattaphurusa nnatta nanyu waahiiha adanaaka oosha murima, nnattanatta nanyu ninnakivullusa.

Masalimo 85:6

Ethiyo khamunivahattho okumi wi hiyaano athwaanyu nihakallalle ni nyuwaano?

Yohane 12:24

Ddawoona, kinimuulleellani wi, mmiddo wa tirigu waahimora muthayani, okhwa, yooyo onakhalla va weekhiiwa. Koma wakhwa onimma ezipaso ddinchichi.

Hoseya 2:21

Apwiya enallota wi, “Nllapo nenno kineerewaakhulla oddullu.” “Nave oddullu oneerewaakhulla ellapo yavatthi.

Nchipo na Solomoni 4:11

Eyanwaawo tti yoonang'aneya wonanko enwi, we mwaaraka. Maaddi a enwi ni mukaka ddiri vatthi va nllumi nawo. Wunkhella wa ddoowara ddawo ori wonanko wunkhella wa o Lebanoni.