Hoseya 14:6 - Mawu a Mulluku

⁶ Enthambi ddaye ddineerorapella wuuteete, aneerokhalla ooreera wonanko muteekho wa olivi, aneerewunkhella wonanko mukunguza wa o Lebanoni.

Hoseya 14:6 ပူးပေါင်းရင်းမြစ်များ

Masalimo 52:8

Koma miyaano kiri wonanko muteekho mukitthi wa olivi mu enyumba ya Mulluku. Murimaaka onakhalla va echikondaaye yoohisintheya enthawi ettheene.

Afilipi 4:18

Kookhalla ni erive ello navettho ddawaata. Kookhalla ni ddittheddene kinapaalleemi vawi Epafrodito aawaana wa miyaano emphaso ddanyu ddittheddene. Ddiri wonanko yoovelleelliwa ya nthuko naphaama, yawaakhullelliwa ni yoomuddivella Mulluku.

Yohane 15:1

“Mi tti muteekho wa mpesa wawoona nave Attiitthaaka sika mwaneena a emata.

Mateyu 13:31

Yesu ahaalleella niphwanaphwaniho nimodda wi, “Omwene wa Mulluku tti wonanko mmiddo wa muteekho wa masitadi oyo muthu awumiddalleeye m'matani mwaye.

Yeremiya 11:16

Khalle Apwiya yuuphwanaphwanihellani ni muteekho wa olivi wookhalla ni makukhu oobiliwila ni ezipaso ddooreera. Koma vano eneerowoosa ni munllo woonyakulla wonanko ettari nave enthambi ddene ddineeroshellella.

Masalimo 128:3

Mwaariyo anaakhalle wonanko muteekho wa mpesa wawimma muwari mwa enyumbaawo. Anaawo enaakhalle wonanko ddoophuwa dda muteekho wa olivi voomwaapheellani tebulwaawo.

Genesis 27:27

Asuserille vakhuviru ni olliye amukhupaarella nave Isaki ahunkha ddoowara nnddo awarille Yakobo nave vaavo aamudalisa. Aallota wi, “Wunkhella wa mwanaka tti wonanko wunkhella wa emata yoodalisiwa ni Apwiya.

Masalimo 92:12

Athu oolungama eneerophuwa wonanko mikwarangwa, eneerewunnuwa wonanko mikunguza dda o Lebanoni.

Yesaya 27:6

Mallapo enawaayo Yakobo aneerotthipella misisi, Israele aneerophuwa ni ottaphulla malluwa. Ellapo ettheene yavatthi eneeroddalla ni ezipaso ddaye.

Yesaya 35:2

Eneerokhalla ni malluwa manchichi, eneerohakallallattho ni wiipa. Eneerovahiwa oriiheya wonanko wa miyaango dda Lebanoni, eneerewooneya mooreera wonanko miyaango dda Karimele ni Sharoni. Arive muthu aneerewoona ntitimiho na Apwiya, ni ottekweene wa Mullukwaahu.

Yesaya 66:14

Muneerohakallalla vawoonani ddenndda vawi makhuvaanyu eneerewunnuwa wonanko munyepu. Sika muneerodduwella wi mi Apwiya kinnaakavihera oorumeyellaaka nave kinnaananariwella adanaaka.”

Hoseya 6:3

Hankoni nillipihelle waadduwella Apwiya. Eneeronihokollweella wonanko waayaaka ni osa, owa wiwa onaakhalle madaliso wonanko murimu, murimwiine ntthokollapallaka oyo anoollowiha ethaya.