Hoseya 14:5 - Mawu a Mulluku

⁵ Kinaakhalle wa Israele wonanko nikame, aneerottaphulla malluwa wonanko kakombo, aneeromella misisi wonanko muteekho wa o Lebanoni.

Hoseya 14:5 ပူးပေါင်းရင်းမြစ်များ

Yesaya 35:2

Eneerokhalla ni malluwa manchichi, eneerohakallallattho ni wiipa. Eneerovahiwa oriiheya wonanko wa miyaango dda Lebanoni, eneerewooneya mooreera wonanko miyaango dda Karimele ni Sharoni. Arive muthu aneerewoona ntitimiho na Apwiya, ni ottekweene wa Mullukwaahu.

Yesaya 27:6

Mallapo enawaayo Yakobo aneerotthipella misisi, Israele aneerophuwa ni ottaphulla malluwa. Ellapo ettheene yavatthi eneeroddalla ni ezipaso ddaye.

Aefeso 3:17

Nave kinaveka wi Khrisitu akhalle m'murimani mwanyu oyeella mu echikhulupililo. Kinavekella wi mutthipelle misisi ni ollipa mu echikondi,

Mateyu 6:28

Nave kaambiiwa tini munakhupanyeenyu ekaamba ya ddoowara? Ganizerani wunnuwa wa malluwa a muhakani, khenaphara mutteko apaalle wiisowella weekhiiwa ddoowara.

Masalimo 72:16

Mu ellapo mukhalle yoocha yinchichi, vaddullu va mwaango vikhallettho ddeko. Ezipaso ddaye ddikhalle ddinchichi wonanko dda o Lebanoni. Athwaaye yaate m'mizindanimmo wonanko manasi amuhakani.

Yobu 29:19

Misisi ddaka ddoophiya m'maaddini, nikame nineerewimma va enthambaaka mahiiyu mattheene.

Deuteronomo 32:2

Ddoohuddiha ddaka ddimore wonanko murimu, mawaaka yimme wonanko nikame, wonanko murimu oorupella vamunyepuni, wonanko enyeenye va ddoophuwa.

Mika 5:7

Oohalla a Yakobo enaakhalle variyari va mitundu ddinchichi dda athu wonanko nikame noovenyera wa Apwiya. Enaakhalle wonanko murimu oorupella vamanasini moohiselliwa vawi khanatiyera olamuliwa ni muthu.

Yesaya 44:3

Kineerohella maaddi veellaponi yawumma, kineereweetiha mihinje muchipululuni. Kineerewaarumihella anaawo munepaaka, kineerokitthiha madaliswaaka va edduullu ddawo.

Yesaya 26:19

Athu ookhwa eneerokhallattho ni okumi, miilli ddiwa ddineerovenya. Nyu attheene muri mu mahame, venyani ni wiipa nchipo moohakallalla. Wonanko nikame ninoollowihelliiwa vatthi ohihimulla ddoomella, emoddamoddave yeeyo Apwiya eneerewaavenyiha ookhwa.

Yesaya 18:4

Vawi Apwiya yaakilleella wi, “Ovenyera onipuroni waka kineeroweha vatthi mwawiithaalla wonanko nndduwa ninoopelliiwa enthawi yooviha apaalle mmo nikame ninimmelliiwa mahiiyu va enthawi yoohata.

Masalimo 72:6

Aneerokhalla wonanko murimu oorupella m'matani, enyeenye yoorupella ethaya.

2 Mamwene 19:30

Athu a Yuda ayo enaahalle ddineeroweetella phaama wonanko ddoomella dditthipenlle misisi ddiwa vatthi ni wimma ezipaso.

2 Samuele 23:4

anaaphiyera wonanko owala woohinase, anakhallattho wonanko murimu oyo anamelliha munyepu muthayani.

Luka 12:27

Ganizerani wunnuwa wa malluwa a muhakani, khenaphara mutteko apaalle wiisowella weekhiiwa ddoowara. Nave kinimuulleellani nyuwaano wi mwene Solomoni ni eyuumaaye ettheene ariiyena, khaarina ddoowara ddooreera wonanko nimodda na malluwaalla.

Nchipo na Solomoni 4:5

Mapellaawo tti wonanko amphoyo eelli, wonanko aanapattha a epaalla, enacha variyari va malluwa.

Nchipo na Solomoni 2:16

Ookondiwaaka tti aakaaka nave miyaano tti aayaaye. Anachiha eziweto ddaye variyari va malluwa,

Miyambo 19:12

Osha murima wa mwene tti wonanko othuruma wa mukango koma oreera murima waye tti wonanko nikame vamanasini.

Masalimo 80:9

Mwaawullimella emata mpesooyo omella misisi ddoowallamella, oddalla mu ellapweeyo.

Masalimo 92:12

Athu oolungama eneerophuwa wonanko mikwarangwa, eneerewunnuwa wonanko mikunguza dda o Lebanoni.

Masalimo 133:3

Onakhalla wonanko nikame na o Heremoni, nookitthella o miyaango dda Ziyoni, vawi o Ziyoni Apwiya ennavelleellawo madaliso, okumi wa enthawi yoohimalla.

Yesaya 45:8

We murapo, murupihe murimu ovenyera oddullu, mirapo ddiithe echilungamo. Ellapo yavatthi ehulleye wi vikhume ovullusa, wi vimelle echilungamo. Mi Apwiya sika kinaphatusa ddenndda.”

Masalimo 92:13

Tti wonanko miteekho ddawaalliwa mu enyumba ya Apwiya, ddoohakallalla m'mathatoni a Mullukwaahu.

Yesaya 12:1

Nllapo nenno arive muthu aneerollota wi, “Kinnuuthokozani nyu Apwiya, vawi naari mwakishenlle murima, osha murima wanyu waariirya nave mwaakikhurumusa murima.

Yesaya 57:18

“Kahoona mmo yeerelliiwa komave kineerewaachiriha. Kineerewaahoollella ni waakhurumusa murima nave anaminlla eneerokithokoza ni eyano ddiwa.

Yesaya 57:19

Athu attheene a woorekama ni a vakhuviru kineerewaavaha murendelle ni waachiriha.

Yeremiya 3:22

Nyu athwaaka oohiroromelleya hokollweellani wa miyaano, kineerewuuchirihani wi mukhalle ororomelleya. Nyu munallota wi, “Ninimawa wa Apwiya vawi alliwa tti Mullukwaahu.

Yeremiya 32:41

Kineerohakallalla vooweerellani ddaphaama. Nave kineerewaakeraatthiha mu ellapweella moororomelleya ni murimaaka muttheene ni opaalla wake ottheene.

Hoseya 6:3

Hankoni nillipihelle waadduwella Apwiya. Eneeronihokollweella wonanko waayaaka ni osa, owa wiwa onaakhalle madaliso wonanko murimu, murimwiine ntthokollapallaka oyo anoollowiha ethaya.

Mika 7:18

Ethiyo ttaani ari Mulluku oophwanaphwana ni nyuwaano, oyo anakhululukella machimo ni ovenyiha ddoolakwa dda oohalla a yoohallanaanyu? Khamunasunga m'murimani onanariwa wa enthawi yoohimalla ekaamba ya echikondaanyu yoohisintheya.