Hoseya 14:1 - Mawu a Mulluku

¹ Nyu Aisraele, hokollweellani wa Apwiya vawi mwaamora ekaamba ya machimwaanyu.

Hoseya 14:1 ပူးပေါင်းရင်းမြစ်များ

Hoseya 6:1

“Hankoni nihokollweelle wa Apwiya, aanikhaddulla koma eneeronichiriha. Aaniphoriiha koma eneeromaka makhwataahu

Hoseya 12:6

Vano nyu attheene hokollweellani wa Mullukwaanyu. Mukhalle a echikondi ni oolungama. Nave mumuroromelleke Mullukwaanyu enthawi ddittheddene.

Yeremiya 4:1

Apwiya enallota wi, “Mwapaalla ohokollowa, nyu Aisraele, hokollweellani wa miyaano nave muvenyihevo mafanwaanyu vamiitthoni vaka nave muhiwe muhollowattho.

Hoseya 13:9

Kineerowoonongani Aisraele. Ethiyo ttaani anaawukavihereni?’

Maliro 5:16

Enduwiraahu yoomora omuruni, ootulli hiyaano vawi noochimwa.

Hoseya 5:5

Wiitukhulla wa Israele tti omboni woomuvaanyiha. Ddawoona, Efuremu aneerokwakwatuwa ni omora ni machimwaaye. Nayeenettho Yuda aneereweera emoddamoddave.

Yeremiya 2:19

Muneerollakiwa ni machimwaayu vawi mookikhoota kineerowiipani mullatu. Muganizere phaama dda onanara wa okihiya, Apwiya Mullukwaanyu. Muganizere phaama dda ovoreya wa ohikoova, mi Apwiya Mulluku Amasiva Mattheene koollota.”

Yesaya 19:22

Apwiya eneerewaallaka Aiguputo koma vatulli viwa eneerewaachiriha. Ddawoona, eneerewiiwa ni waachiriha yarukunuwella wa alliwa.

Ezekiele 33:11

Waalleelle wi mi Apwiya Mulluku kinallota wi kinimallupella vaka wi nginahakallalla ni okhwa wa muthu oonanara akhwaka. Ddeerokiddivella oochimooyo ahiyalleke makhallellwaaye wi ekhalle ni okumi. Nyu Aisraele munakhwella tini? Rukunuwani, muhiye ettilla ddanyu ddoonanara.

Ezekiele 33:14

Emoddamoddave yeeyo kamuchenjeza muthu oochimwa wi aneerokhwa, vano olliye ahiya ochimwanko aneera ddoolungama ni ddaphaama,

Hoseya 4:8

Ennaphwanyavo eyuuma yinchichi va ochimwa wa athwaaka nave ennapaalla wi athu echimwekeve.

Hoseya 9:7

Enthawi yoollakiwa yoophiya, mallapo oohokolloselliwa ddoonanara ahaamorella. Vano eneerodduwella wi ddenndda tti ddawoona. Enallota wi, “Namallotelloolla tti ookarangeya, muthu eezeru dda wa Mullukoolla tti mullupaanepa!” Eneera ddiiddo kaambiiwa ddoolakwa ddiwa tti ddawaata nave wiitanana wiwa tti wuullupalli.

Hoseya 10:12

Mumidde echilungamo nave muneerohata echikondaaka yoohisintheya. Tipulani ntthalla nanyu vawi enthawi yoowaashaasha Apwiya yookwakhwana. Waashaasheni Apwiya ophiyera ewiille wi emurupihe murimu amadaliso.

Hoseya 12:8

Efuremu aallota wi, ‘Kootukhuwa, kookhalla ni eyuuma yinchichi, khaphwanya mullatu mwa miyaano va eyuumaaka.’

2 Mamwene 8:12

Vano Hazaele aamukoha wi, “Apwiyaaka, muninllella tini?” Olliye aamwaakhulla wi, “Kaambiiwa kinnadduwella ddoonanara nnddo munaweerelleenyu Aisraele. Muneerohella mipanda ddiwa ddakhoto nave muneerowiipha akhotwiiwa anchichi. Muneerewaanyingallella aniiwa nave muneerewaaphulla awariwa oorupalla.”

Ezekiele 16:46

Muullupallaawo tti Samariya oyo akhalla ompoto ni mizi ddaye. Mung'onong'onwaawo tti Sodomu oyo akhalla omwera ni mizi ddaye.

Hoseya 9:13

“Nyu Apwiya mmo kinoonelleemi, anamwani a Aefuremu eneerokhalla wonanko enama ddoottakhuniwa. Aefuremu eneerewaahoollella aniiwa okhotoni nko eneeriiwa yiiphiwe.

Amosi 1:13

Apwiya enallota wi, “Ekaamba ya ddoolakwa ddiraru dda Amoni apaalle ddisese, ngihiya omullaka, yahaaphulla atthiyana eerukullu o Giliyadi wi yunnuwihe maliriiwa.