Hoseya 13:7 - Mawu a Mulluku

⁷ Sika kineerewaalluphella wonanko mukango, kineerowiipitthella mu ettilla ddiwa wonanko nanthavi.

Hoseya 13:7 ပူးပေါင်းရင်းမြစ်များ

Hoseya 5:14

Kineerewaalluphella Aefuremu nave kineerewaapuramella Ayuda wonanko mukango. Kineerewaakhaddulla nave kineerovenyavo, khaavo anaawore waavullusa.”

Yeremiya 5:6

Sika ekaambiiwa mukango wamuutthakoni onaawiiphiiwa, mumbulu woohakani onaawoonongiiwa. Nanthavi anaakhalleke vakhuviru ni mizinda ddiwa, aneeromukhaddulla arive muthu ookhuma vawi ddoochimwa ddiwa tti ddinchichi, omuhiya wiwa Mulluku wohaata.”

Maliro 3:10

Aakiwukila wonanko echimbalangondo apaalle wonanko mukango okiipitthenlle.

Amosi 3:8

Ethiyo mukango wathuruma ttaani ahinoova? Ethiyo Apwiya Mulluku yallota, ttaani ahinaallotelle?”

Amosi 3:4

Ethiyo mukango ttuuthuruma muutthakoni ohinaphare enama, apaalle ttuuwinlla munikhunguni mwiwa ohinaphare ello?

Amosi 1:2

Amosi aallota wi, “Apwiya enimathuruma ovenyera o mwaango wa Ziyoni, mawiiwa eniiweya wonanko ogugudeya wa murimu ovenyera o Yerusalemu. Munyepu onimanyaalla, manasi a vamwaangoni wa Karimele enimumma.”

Yesaya 42:13

Apwiya enaya okhotoni wonanko amasiva, ennanyanyulla owalliiwa wonanko muthu akhoto Ennakhuwa, ennakhuwa mwakhoto, ennooniha masiviiwa vawaakhwaranyani adaniiwa.

Yawuupullulla 13:2

Enama yuullupalli yawoopiheeyo yooneya wonanko nanthavi, manyallwaaye yooneya wonanko echimbalangondo navettho eyanwiiwa yooneya wonanko ya mukango. Enowa yuullupalleeyo yaavaha enama yuullupalli yawoopiheeyo masivaaye, mpandwaaye woomwene, owaakattho olamulellwaaye wuullupalli.

Yobu 10:16

Naari vawiillipihani meekha, munnakisaya wonanko mukango, munnakoopopiha ni masivaanyu.

Yeremiya 25:38

Apwiya ahaahiya athwiiwa wonanko mukango woohiya nikhungu niwa nave ellapwiiwa yootthattuwa ntepe ekaamba ya ddoohoosa dda ekhoto ni osha murima wawoopiha wa Apwiya.