Hoseya 13:6 - Mawu a Mulluku

⁶ Kahaachiha evona koma evonille yahiitukhulla nave yaakitiwalla.

Hoseya 13:6 ပူးပေါင်းရင်းမြစ်များ

Masalimo 10:4

Ekaamba ya wiitukhulla waye, muthu oonanara khanapwatha dda Mulluku, m'murimani mwaye anaganiza wi Mulluku khaawo.

Nehemiya 9:35

Mwahaavaha ellapo yuullupalli ni ya ethaya yaphaama ekaamba ya ddaphaama ddanyu dduullupalli kheyaawuurumeyelleni nave kheyaahiyalle ddoonanara ddiwa.

Deuteronomo 32:18

Yaatiwalla nlluku niwa oyo aaphatusalle, Mulluku oyo aavahille okumi.”

Hoseya 10:1

Aisraele tti wonanko muteekho wa mpesa woohakallalla oyo onimma ezipaso ddinchichi. Mmo eyuumiiwa enavirellelliiwa waata tti mmo enavirellelliiwa omaka mapuro oollapellamo. Mmo munaatella makuwiiwa tti mmo mwiillaponi mwiwa munaatelliiwa apoto oopatuleya.

Hoseya 8:4

Enniitthoollella mwene moohithwara opaalla waka. Enniikeraatthihella oohoollelliiwa kihiwaakhullelle. Ahiipangella mafano asiliva ni agolide koma aaddoonongana.

Hoseya 2:13

Kineeromullaka ekaamba yawoosa lubani* wa mafano a Abaala ni ehakallallo ddiwa. Anniireeriha voowarani emphete ni mikhova ddoowallamella mitengo wi athamakelleke ezibwenzi ddaye akitiwalla miyaano. Mi Apwiya koollota.”

Yesaya 17:10

Nyu Aisraele, moomutiwalla Mulluku Oovullusaanyu, khemwaaroromenlle nlluku na woothawella wanyu. Munipuroni mwaye mwaallimella emata ddoopatuleya milluku ddeelleto.

Miyambo 30:9

Kinoova wi kavona Kineerewuukhootani voollotani wi, “Apwiya ttaani?” Apaalle kahoowa kineerewiiya ni oripiha nnddina na Mullukwaaka.

Yeremiya 5:7

Apwiya enallota wi, “Kinuukhululukelleni mwawiidde? Aniinyu yookihiya miyaano, enallepella wa milluku ddawoottha. Miyaano kahaavaha ddoopaalla ddiwa ddittheddene komave yaaddivelliwa oraruwa, yatthukumana mu enyumba dda mahule.

Ezekiele 23:35

“Sika ekaambiiwa mi Apwiya Mulluku kinalloteemi wi, ‘Vawi wookitiwalla nave wookireya etulli oneerollakiwa ekaamba ya ddoonanara ddawo ni oraruwa wawo.’ ”

Ezekiele 28:5

Waaruuwiha eyuumaawo ekaamba ya ezeru ddawo ddooweetihella malonda nave oniitukhulla ekaamba ya eyuumaaweeyo.

Hoseya 2:7

Aneerothamakella ezibwenzi ddaye koma khaddiphwanya. Vano aneerollota wi, ‘Kihokollweelle wa mamunaka vawi khalle kaanakhalla phaama ohiyana ni muttano.’

Hoseya 4:6

Athwaaka ennoonongeya ekaamba ya ohidduwella. Kineerewuukhootani wi muhikirumeyelle wonanko allupa mukutho ekaamba yawi mookhoota ohuddera dda miyaano. Mootiwalla malamulo a Mullukwaanyu vano miyaanottho kineerewaatiwalla aniinyu.

Hoseya 4:7

Mmo allupa mukutho yaatelliiwa tti mmottho yattepelliiwa ochimwa. Kineerotthattusa oriiheya wiwa wi okhalle owulliwa muru.

Hoseya 7:14

Winllella wiwa wa miyaano tti wawoottha. Enniirema wonanko athu oohimudduwella Mulluku ekaamba yoopaalla yoocha ni yoowirya koma ennakiwukila.

Hoseya 8:14

“Aisraele ahiimakella enyumba dduullupalli omutiwalla owaaphatusiiwa. Ayuda ahoonjerera mizinda ddampanda. Koma miyaano kineerewoosa mizindannddo nave munllooyo oneerohella enyumba ddiwa dduullupallinnddo.”

Hoseya 12:8

Efuremu aallota wi, ‘Kootukhuwa, kookhalla ni eyuuma yinchichi, khaphwanya mullatu mwa miyaano va eyuumaaka.’

Hoseya 5:14

Kineerewaalluphella Aefuremu nave kineerewaapuramella Ayuda wonanko mukango. Kineerewaakhaddulla nave kineerovenyavo, khaavo anaawore waavullusa.”