Hoseya 13:16 - Mawu a Mulluku

¹⁶ Asamariya eneerollakiwa kaambiiwa yaamuwukila Mullukwiiwa. Eneerewiiphiwa ni nsupada, aniiwa eneerewiiphiwa mowaavaddiha miru ddiwa vatthi nave awariwa ookhalla ni erukullu eneerophulliwa.”

Hoseya 13:16 ပူးပေါင်းရင်းမြစ်များ

2 Mamwene 15:16

Menahemu voolendwaaye ovenyera o Tiriza ahoononga muzinda wa Tapuwa ni athu attheene yaari mwemmo woonjereravo ellapo ettheene yawaapheella vawi alliwa kheyaamugonjenlle. Aawiiphattho ni waaphulla atthiyana eerukullu a m'muzindanimmo.

2 Mamwene 8:12

Vano Hazaele aamukoha wi, “Apwiyaaka, muninllella tini?” Olliye aamwaakhulla wi, “Kaambiiwa kinnadduwella ddoonanara nnddo munaweerelleenyu Aisraele. Muneerohella mipanda ddiwa ddakhoto nave muneerowiipha akhotwiiwa anchichi. Muneerewaanyingallella aniiwa nave muneerewaaphulla awariwa oorupalla.”

Yesaya 13:16

Aniiwa awaamwa eneeronyenyiwa alliwa yoonaka, ddeko dda mpa mwiwa ddineerewaakhiwa nave awariwa eneeropharelliwa.

Amosi 1:13

Apwiya enallota wi, “Ekaamba ya ddoolakwa ddiraru dda Amoni apaalle ddisese, ngihiya omullaka, yahaaphulla atthiyana eerukullu o Giliyadi wi yunnuwihe maliriiwa.

Nahumu 3:10

Komave athu a o Thebesi yaaphariwa okaporo, aniiwa yaanyenyiwa m'misewuni ddittheddene dda m'muzindani. Adani yahaakawana athu oovuwaayo mwawoombesa, attekweene attheene yahaamaka ni onyolo.

Mika 6:16

Moosunga makhallello oonanara a mwene Omuri ni mitteko ddittheddene dda nibanja na Ahabu. Ekaamba yawi moothwara ettilla ddiwa ddittheddene, miyaano kineerewuutthollosani. Mitundu ddimodda dda athu oneerekewuusoonyani nave orive weko athu eneerewuuvevullani.

Mika 1:4

Vano miyaango ddineerottotthowa vatthi va olliye wonanko onyoma vamunlloni, ddineneereweetellella mutapo wonanko maaddi a m'mwaangoni.

Amosi 9:1

Vano kaawoona Apwiya yiimenlle vakhwipi va nikuwa nave yaallota wi, “Morihani muru wa apoto a enyumba ya Apwiya wi matthipellwiiwa etikheye. Mwaamorihelle vamiruni va athu. Attheene ayo enaahalle kineerowiipha ni nsupada, khakhallavo naari mmodda anaathawe, khaphwanyeya naari mmodda anaavulluwe.”

Amosi 3:9

Ollalleye wa athu ookhalla o mipanda ddoollipa dda Ashidodi navettho wa ookhalla mu mipanda ddoollipa dda o Iguputo wi, “Mutthukumane omiyaangoni dda o Samariya, moone ddoovirikana dduullupalli ni ddoonyingallella ddineereya wenko.

Hoseya 11:6

Ekhoto eneerewoononga mizinda ddiwa. Adani eneerewinttaka mikoko ddoollipa dda mipanda ddiwa ni owoononga ekaamba yoothwara malangizo a weekhiiwa.

Hoseya 10:2

Murimiiwa tti wawoottha sika eneerollakiwa ekaamba ya machimwiiwa. Apwiya eneerokumulla makuwiiwa nave eneerowinttaka apoto oopatuleya.

Hoseya 7:14

Winllella wiwa wa miyaano tti wawoottha. Enniirema wonanko athu oohimudduwella Mulluku ekaamba yoopaalla yoocha ni yoowirya koma ennakiwukila.

Yesaya 17:3

O Efuremu khokhallattho mipanda nave o Damasiko khokhallattho omwene. Oohalla a o Asiriya eneerewaakhiwa olemu wonanko athu a o Israele. Mi Apwiya Amasiva Mattheene koollota.”

Yesaya 8:4

Vawi mwaanooyo ahinaambe wiithana wi ‘Attiitthi’ apaalle wi ‘Amoowe’ eyuuma ya Damasiko ni ddawaakha dda Samariya ddineerokusiwa ni mwene a o Asiriya.”

2 Mamwene 17:18

Sika Apwiya yahaashella murima Aisraele nave yaawiikara ohipaalla owoonattho. Khaarivo naari mmodda ahanlle opatula nlloko na Yuda.

2 Mamwene 17:6

M'muyakha waneetthanu ni sese wa omwene wa Hoseya, mwene a o Asiriya aamugonjiha Samariya nave ahaaphara Aisraele aayaana wuukaporoni o Asiriya. Ahaahiya athu amodda mu muzinda wa Hala, amodda vakhuviru ni muhinje wa Habori mu echigawo ya Gozani nave amoddattho mu mizindani dda Amedi.

2 Mamwene 17:5

Enthawi yeeyo Salimanezere, mwene a o Asiriya, aahella ekhoto mu ellapo ya Israele, aya aphiya o Samariya, awaapheella muzindooyo ni ezida ddakhoto miyakha miraru.