Hoseya 13:14 - Mawu a Mulluku

¹⁴ Ethiyo kaavulluse wa ookhwa, kiwoopolla wuukhwaani? We okhwa, mullillaawo ori wuuwi? Ethiyo mahame, woononga wawo ori wuuwi? Athu yaalla ngiweerellattho echifundo.

Hoseya 13:14 ပူးပေါင်းရင်းမြစ်များ

Yesaya 25:8

Apwiya Mulluku eneeromirya okhwa ophiyera wa enthawi yoohimalla, eneerovutta miitthori m'mwiitthoni mwa arive muthu nave eneeromalliha owulliwa muru wa athwiiwa va ellapo yavatthi ettheene. Mi Apwiya koollota.

Yawuupullulla 21:4

Olliye aneerewaavutta miitthori m'miitthoni mwiwa. Khowattho okhalla okhwa winlla wiiwa ovoreya naari ekutho. Ddeko ddakhalle ddoovira.”

Yakobo 1:17

Erive emphaso yaphaama ni yooreera wunchichi enavenyera oddullu, ddinakittha wa Attiitthiihu ayo yaphatusalle ddoowala ddittheddene ddooddullu, oyo ahinatthattuwa nave owala wiwa khonatiithiwa.

Yesaya 26:19

Athu ookhwa eneerokhallattho ni okumi, miilli ddiwa ddineerovenya. Nyu attheene muri mu mahame, venyani ni wiipa nchipo moohakallalla. Wonanko nikame ninoollowihelliiwa vatthi ohihimulla ddoomella, emoddamoddave yeeyo Apwiya eneerewaavenyiha ookhwa.

Masalimo 49:15

Koma Mulluku aneerewoopolla okumaaka o olamulello wa mahame, ngiwa koova vawi aneerokaakhella.

Masalimo 30:3

Nyu Apwiya, mookikhumiha mu ellapo ya ookhwa, mookihokollosella okumi wi kihikitthelle o mahame.

Yobu 33:24

Mweechifundo mungelooyo ttuullota wi, Muttaphulleni wi ahimorelle munllitini, koophwanya yoomoopollella olliye.

Aroma 11:29

Vawi Mulluku khanasintha maganizwaaye aawiithanaka athu apaalle aawaavahaka emphaso.

Masalimo 86:13

Vawi echikondaanyu yoohisintheya va miyaano tti yuullupalli nave mwahaakihera okumaaka o woowallamella wa ellapo ya ookhwa.

Masalimo 16:10

Miyaano oororomelleyaanyu, khamukihiya o ellapo ya ookhwa, khamwaakhullella wi kuntelle mu mahame.

1 Samuele 15:29

Mulluku antitimiho a Aisraele, khanoottha apaalle osintha maganizo. Vawi olliye khe muthu wi ttuusintha maganizo.”

Yawuupullulla 20:13

Nave enyanja yahaavelleella athu yakhwenlle mwemmo. Okhwa ni ellapo ya ookhwa ddahaavelleellattho ookhwiiwa yaari wenko. Attheenaayo yaheeruziwa moollikana ni mitteko ddiwa.

1 Atesalonika 4:14

Vawi ninnakhulupilila wi Yesu aakhwa nave aavenyattho. Mwawi ddiiddattho ninnakhulupilila wi athu ayo yakhwille ekhulupililaka mwa yooyo, Mulluku aneerewaavenyiha nave aneerewaakusa vamodda ni Yesu wa olliye.

2 Akorinto 5:4

Ninakhalleehu m'misasani dda ellapo yavattheella, ninniipullella ni okhupanya, khe wi ninapaalla ohiya mwiillaahu wa ellapo yavattheella koma ninapaalla wi niwarihiwe mwiilli wooddullu wi okhwa emiryiwe ni okumi.

Aroma 11:15

Vawi Aisraele yakhootiwiiwa ni Mulluku athu a va ellapo yavatthi yahaattanihiwa ni olliye. Onaakhalle wawiidde Aisraele yaakhullella! Onaakhalle wonanko ovenyihiwa wa ookhwa okhalla akumi.

Malaki 3:6

“Mi tti Apwiya nave nginasintheya. Sika ekaambiiwa nyu edduullu dda Yakobo khemwaatthollosiwe.

Hoseya 6:2

Vamalla mallapo meelli eneeronihihimulla. Va nllapo naneeraru eneeronivenyiha wi nikhalle ni okumi vamiitthoni viwa.

Masalimo 71:20

Nyu mwanoonihalle ddookatamiha ddoovoreya muneeronivenyiha, muneerokikhumihattho mu nlliti noowallamella na vatthi va ellapo.

Numeri 23:19

Mulluku khari wonanko muthu wi ttuuwoottha, khahiyo muthu wi ttuusintha maganizwaaye. Ethiyo kheera nnddo allotilleeye, khakwakhwaniha nnddo alonjezilleeye?

Afilipi 3:21

Olliye aneerotthattusa miilli ddahu ddoofookanndda nave aneeroddiphwanaphwaniha ni mwiillaaye wa ntitimiho, voopharihani masiva ayo anaworeeyena olamulella ddeko ddittheddene.

Yeremiya 15:6

Mi mwaakihiya, munnavirellellave okireya etulli. Sika kahuullakani ni owoonongani ni muwonwaaka ekaamba yawi kaatopa ni okhululuka.

Yawuupullulla 6:8

Kaaweha nave kaamoona kavalo awooneya wonanko ntuura. Oomuwellooyo nnddina naye naari Okhwa nave athwariwa ni ellapo ya ookhwa. Yaavahiwa olamulello va emodda ya ezigawo ddisese dda ellapo yavatthi wi ewiiphe athu ni ekhoto, ettalla, ereta ni enama ddoosavuwa.

Yeremiya 20:16

Muthu yooyo akhalle wonanko mizinda nndde Apwiya yoonongilliiwa moohimoriwa ethakaraka. Iiwe winlla wa ovoreya ohinase, onyakulla wa akhoto otthaana

Yeremiya 31:35

Apwiya ennoopiha nndduwa otthaana, ennawalihattho mweeri ni etheneeri mahiiyu. Ennaviddulla enyanja, wi mafundiiwa enyakulle, nnddina niwa tti Apwiya Amasiva Mattheene.

Ezekiele 37:9

“Vano Apwiya yaakilleella wi, ‘We mwaana a muthu, llotella nave olleelle mpweya mawu a mi Apwiya Mulluku wi we mpweya, ngawa wuno ovenyera o embali ddisese ddittheddene, ovollowe mwa athu awiiphiwaalla wi ekhallettho akumi.’

Yobu 41:22

Nikohi naye tti namasiva manchichi, arive muthu ookumanana annatthukumella ni woova.

Masalimo 49:16

Ddihuuvoreyeke muthu mmodda aakhallaka ni eyuuma, eyuuma ya mpa mwaye yaawoonjerereyaka.

Hoseya 7:10

Aisraele ennavaanyihiwa ni wiitukhulla wiwa. Koma va ddittheddenenndda khenahokollweella wa Apwiya Mullukwiiwa, khenawaashaasha.