Hoseya 13:13 - Mawu a Mulluku

¹³ Ddoovoreya wonanko dda mutthiyana aamuyaraka mwaana ddineerewaamorella. Koma tti wonanko mwaana oohikhalla ni ezeru, ookhoota okhumella otte va enthawaaye yooyariwa.

Hoseya 13:13 ပူးပေါင်းရင်းမြစ်များ

Yesaya 37:3

Alliwaayo yaamulleella Yesaya mawu a Hezekiya awi, “Ollello tti nllapo na ddoohoosa na ollaka ni noowulliwa muru. Niri wonanko mutthiyana eerukullu oyo ari vakhuviru omuyara mwaana koma khanna masiva ooyarella.

Yesaya 13:8

Attheene eneerotathilla murima ni wiiwa ovoreya wonanko wa mutthiyana aayaraka. Eneerekowehana mwawoova nave ekhove ddiwa ddineerewooniha woova.

Yesaya 26:17

Nyu Apwiya, mooninlliha wunchichi wonanko mutthiyana vooyarani.

Masalimo 48:6

Yaatthukumella ni woona ovoreya wunchichi wonanko mutthiyana enthawi yooyara.

2 Mamwene 19:3

Alliwaayo yaamulleella Yesaya mawu a Hezekiya awi, “Ollello tti nllapo na ddoohoosa na ollaka ni noowulliwa muru. Niri wonanko mutthiyana eerukullu oyo ari vakhuviru omuyara mwaana koma khanna masiva ooyarella.

1 Atesalonika 5:3

Athu yaallotaka wi, “Vookhalla murendelle navettho nookhalla vaphaama,” vano yawoononga eneerewaamorella moorurumusa! Enaaphiye moorurumusa wonanko ovoreya onamphiyera mutthiyana aamuyaraka mwaana nave athu khewora othawa.

Miyambo 22:3

Muthu oochenjera oona ello yawoopiha anniipittha koma eenamwani annayithwara ophiyera annallivihiwa.

2 Akorinto 6:2

Vawi Mulluku anallota wi, “Enthawi kaganizalleemi ddawuukondella, kaawaakhullella, nllapo naphiyalliiwa wi kuuvulluse, kahuukavihera.” Ngiiwani! Ella sika enthawi yaphaama, ollello sika nllapo noovullusiwa!

Mitteko 24:25

Nave Paulo aakambirana ni Felike dda echilungamo wiihiiha weekhaawo ni dda owa wa nllapo na echiweruzo. Felike ahoova nave allota wi, “Khawe vano, kineerowiithanattho kakhalla ni mpata.”

Yeremiya 49:24

Damasiko ootathilla murima, anapaalla othawa ekaamba yawi animoova wunchichi. Anniiwa ovoreya wonanko mutthiyana vooyarani.

Yeremiya 30:6

Kohani wi mudduwelle. Ethiyo mullopwana ttuumuyara mwaana? Kaambiiwa tini kinamooneemi arive mullopwana aphanre veerukulluni wonanko mutthiyana va enthawi yooyara? Kaambiiwa tini ekhove ddittheddene ddimorilliiwa?

Yeremiya 22:23

Nyu mwakhalla o Lebanoni, mwamakille enyumba ddamikunguza, muneerewiipullella wunchichi vawuumorellani ddoovoreya wonanko mutthiyana vooyarani.”

Yeremiya 13:21

Ethiyo muneere tini ddakeraatthihiwa wi mulamulelliweke ni ayo mwaweesaanyu akhwiinyu? Ethiyo khamoona ddoovoreya wonanko dda mutthiyana vooyarani?

Yeremiya 4:31

Kahiiwa winlla wonanko wa mutthiyana vooyarani, wiipullella wonanko wa mutthiyana va oyepella waye wawaamba. Wenko waari winlla wa athu a mu Ziyoni, weeseesa okoka mpweya, etukhullelle muddullu mattiiwa ellotaka wi, “Otulli hiyaano, ninimangomowa, okumaahu woovelleelliwa wa ooniipha!”

Yesaya 66:9

Ethiyo mi ttuuwaaphiyiha athwaaka enthawi yooyara koma oohiwiithuuwiha?” Apwiya sika enallota. “Ethiyo mi kinayariha ttuuwalla erukullu?” Mullukwaawo sika anallota.

Yesaya 21:3

Ekaamba ya yeella, nnddo koonilleemi ni wiiwa m'masomphenya ddookoopiha ni okivoreya wonanko mutthiyana aayaraka.

Yohane 16:21

Mutthiyana akhalla vakhuviru oyara annakhupanya kaambiiwa enthawaaye yawiiwa ovoreya yoophiya. Koma mwaanooyo ayariwa annatiwalla ovoreya wayenko kaambiiwa annahakallalla wi mwaana ooyariwa.

Deuteronomo 32:6

Ethiyo ttuuwaahokollosella ddawi ddiidda Apwiya, nyu athu ookarangeya ni ohikhalla ni ezeru? Ethiyo alliwa khe attiitthaanyu ayo yuuphatusalleni, ayo yuupangilleni ni wuukeraatthihani?”

Hoseya 5:4

Mitteko ddiwa ddoonanara ddoowalla ettilla ddiwa ddoohokollweella wa Mullukwiiwa vawi munepa wooraruwa ori mwa alliwa nave khenadduwella dda Apwiya.