Hoseya 12:9 - Mawu a Mulluku

⁹ Koma mi tti Apwiya Mullukwaanyu oyo uukhumihalleni o Iguputo. Kineerewuukhallihanittho m'misasani monga mweerelleenyu mallapo akhalle muchipululuni mulle.

Hoseya 12:9 ပူးပေါင်းရင်းမြစ်များ

Hoseya 13:4

Apwiya enallota wi, ‘Miyaano kookhalla Apwiya Mullukwaanyu ovenyera enthawi elle kuukhumihalleemini mu ellapo ya Iguputo nave khemwaaphwanenlle omudduwella mulluku mmodda koma meeneve nave oovullusaanyu tti meeneve.

2 Samuele 7:2

Vano aallota wa namallotella Natani wi, “Mi kinakhalla mu enyumba yoomwene yoomakiwa ni miteekho ddamukunguza koma nibokosi na echipangano na Apwiya ninakhalla m'musasani.”

Yohane 7:2

Nave enthawi ya Ehakallallo ya Ayuda ya Misasa yahaatamella.

Yeremiya 35:7

Muhiwe mumaka enyumba apaalle omidda mmiddo apaalle ollima emata ddampesa. Ddeko ddenndda muhiwe mukhallana. Munipuroni mwene, mukhalleke m'misasani mu okumaanyu muttheene wi mukhalle enthawi yoorekama mu ellapo munakhalleenyumo.’

Masalimo 81:10

Mi tti Apwiya Mullukwaanyu, oyo uukhumihalleni mu ellapo ya Iguputo, atthamani, miyaano kineerewuuchihani.

Ezara 3:4

Nave yaheera Ehakallallo ya Misasa moollikana ni mmo ddalembelliwiiwa nave yaavelleella mikutho ddooshellelliha ddoopaalleya va nllapo ni nllapo moollikana ni mmo ddalembelliwiiwa.

Numeri 15:41

Mi tti Apwiya ayo yuukhumihalleni mu Iguputo wi kikhalle Mullukwaanyu. Mi tti Apwiya.”

Levitiko 26:13

Mi tti Apwiya Mullukwaanyu oyo uukhumihalleni mu ellapo ya Iguputo wi muhikhalle akaporwiiwa. Koopwesa nigoli* nanyu wi mweeteke mwawookowa.”

Levitiko 19:36

Milingo ddanyu ddittheddene ddikhalleke ddoolungama. Mi tti Apwiya Mullukwaanyu oyo uukhumihalleni mu ellapo ya Iguputo.

Eksodo 20:2

“Mi tti Apwiya Mullukwaawo oyo kuukhumihalle mu okaporo o Iguputo.

Genesis 25:27

Asombwaayo yahunnuwa nave Esau aari oosaya enama, ookonda weeteeta. Koma Yakobo aari oomaalleya, ookonda okhalla vaatte.

Mika 6:4

Valle kahuukhumihani o Iguputo ni owoopollani o ellapo yookaporo. Kaamurumiha Mose wa nyuwaano owaaka Aroni ni Miriyamu wi yuuhoollelleni.

Hoseya 2:15

Wenko kineeromuhokollosella emata ddaye ddittheddene ddampesa. Kineeronitthattusa ntapo na ddookatamiha wi nikhalle mullako wa otiyerella. Wenko aneerekokaakhulla wonanko mmo eerelleeye va enamwanaaye akhumalle o Iguputo.

Hoseya 11:1

Apwiya enallota wi, “Israele aariiye mwaana kaanamukonda, kaamwiithana mwanaka wi akhumewo o Iguputo.”

Masalimo 49:7

Ddawoona, khaavo muthu anaaddoopolle, ovelleella mutengo woovullusella okumaaye wa Mulluku.

Miyambo 30:12

Vookhalla amodda enaddeesa aweella koma khenavenyihe ddoonanara ddiwa.

Yeremiya 5:27

Enyumba ddiwa ddooddalla ni eyuuma yoophwanya mwawoottha wonanko echisangala yooddalla ni epallame. Tti ekaambeene yootthattuwa oovuwa ni eeyuuma.

Zekariya 11:5

Ookulla enkhosa ennaddiipha koma khaavo anawiipa mullatu. Nave vookullihani enameeyo enallota wi, ‘Apwiya etitimiheye! Noophwanya eyuuma!’ Abusa khenamoriwa ethakaraka ni enkhosa.”