Hoseya 12:4 - Mawu a Mulluku

⁴ Yakobooyo aallipana ni mungelo nave aapambana. Ahinlla mooveka madaliso. Akumana ni Mulluku o Betele nave wenko oweella mwa olliye aallota ni hiyaano.

Hoseya 12:4 ပူးပေါင်းရင်းမြစ်များ

Malaki 3:1

Apwiya Amasiva Mattheene enallota wi, “Ngoonani, kineeromuruma amithengaaka wi akipotokoselle ettilla. Sika Apwiya munawaashaasheenyu eneerophiya o enyumbiiwa moorurumusa. Amithenga a echipangano oyo munahakallalleenyuna aneeroowa. Mi Apwiya Amasiva Mattheene koollota.

Genesis 35:15

Yakobo aaniromolla nipuronno Betele.

Aheberi 5:7

Mu okumaaye va ellapo yavatthimva, Yesu m'mavekelloni mwaye ahinlla mookhuwa nave moomoriha miitthori wa Mulluku, oyo aarina masiva oomuvullusa wuukhwaani. Kaambiiwa ahiivelleella ni wiiyeviha, Mulluku ahiiwa mavekellwaaye.

1 Atesalonika 4:17

Vano hiyaano niri ookumi nineerotthukumanihiwa ni alliwaayo nave nineerotukhullelliwa m'miraponi wi nakumane ni Apwiya muddullu. Nave vawiddiidda nineerokhalla ni Apwiya wa enthawi yoohimalla.

Yesaya 63:9

Mu ddoohoosa ddiwa ddittheddene alliwa aahoowa. Mungelo oovenyera wa alliwa ahaavullusa nave aawoopolla mwa echikondiiwa ni echifundwiiwa. Sika Apwiya ennaapwatha wonanko anamwani ovenyera khalle.

Masalimo 66:6

Aatthattusa enyanja wi ekhalle yawumma navettho Athu yaallapuwa muhinje yeetaka vatthi, sika ekaambiiwa nahakallanlleehuna olliye.

Genesis 48:15

Nave aamudalisa Yosefe voollotani wi, “Mullukwaaka oyo makhollwaaka Abrahamu ni Isaki yamurumeyelliiwa, Mulluku oyo akihoollelle mu okumaaka muttheene ophiyera ollello,

Genesis 32:29

Vano Yakobo aallota wi, “Nanyeenettho mukilleelle nnddina nanyu.” Koma muthooyo ahaakhulla wi, “Onakikohera tini nnddina naka?” Nave muthooyo aamudalisa Yakobo.

Genesis 32:24

Olliye ahallille mutulli, yeekha. Vano vaaphiya muthu oyo allipanilleeyena ophiyera otte waambeellaka osa.

Genesis 32:26

Vano muthooyo aallota wi, “Kihiye kiroweke kaambiiwa otte onimasa.” Koma Yakobo ahaakhulla wi, “Nguuhiya wi oroweke ophiyera okidalisalle.”

Genesis 25:26

Vooyariwani mung'onong'onwaaye, nnatta naye napharille etotopwa ya Esau. Sika yaamuvaha nnddina nawi Yakobo. Anamwanaalla yayariwe Isaki ari ni miyakha 60.

Genesis 32:25

Muthooyo oonilleeye wi khapambana, aamukurukunyulla Yakobo voomellella kasambara sika kasambarooyo aakurukunyuwa yallipaniiwa.