Hoseya 12:2 - Mawu a Mulluku

² Apwiya ennawiipa mullatu athu a o Yuda, eneerewaallaka a mu nibanja na Yakobo ekaamba ya makhallellwiiwa nave eneerewaahokollosella moollikana ni mitteko ddiwa.

Hoseya 12:2 ပူးပေါင်းရင်းမြစ်များ

Mika 6:2

Nyu miyaango ni matthipello ookeraattheya a ellapo yavatthi, iwani mullatu wa Apwiya. Apwiya enawiipa mullatu athwiiwa, enaahumullulla Aisraele.

Hoseya 4:1

Nyu Aisraele, iwani mawu a Apwiya vawi aakhalla ni mullatu ni ookhalla mwiillaponi. Mullatweene tti wawi mwiillaponi khamuri ororomelleya apaalle oreera murima nave khenamudduwella Mulluku.

Yesaya 10:6

Kinamuruma wa mutundu woohipwatha dda Mulluku nave kinamulamula wi aye wa athu ayo kaananariwelleemi wi atthukumanihe ni waakha eyuumiiwa ettheene ni waanyingallella wonanko matokwi a m'musewuni.”

Agalatiya 6:7

Muhiilleke weekhiinyu, khaavo muthu anamoottotthe Mulluku. Athu eneerohata ddennddove yamiddalliiwa.

Aroma 2:6

Vawi Mulluku aneeromuthuva arive muthu moollikana ni mitteko ddaye.

Mateyu 16:27

Vawi mi Mwaana a Muthu kiri vakhuviru owa ni ntitimiho na Attiitthaaka ni angelo. Vano kineeromuthuva arive muthu moollikana ni mitteko ddaye.

Hoseya 8:13

Ennavelleella mikutho dda enama wa miyaano enattakhuna enama yamukuthweeyo koma mi Apwiya nginahakallallana naari vang'ono. Ngiwa kitiwalla onanara wiwa nave kineerewaallaka machimwiiwa. Kineerewaahokollosella wuukaporoni o Iguputo.

Hoseya 4:9

Vano allupa mukuthwaayo kineeroweerella nnddo kinaaweerelleemi athu. Kineerewaallaka ekaamba ya makhallellwiiwa oonanara ni waahokollosella mitteko ddiwa ddoonanara.

Hoseya 2:13

Kineeromullaka ekaamba yawoosa lubani* wa mafano a Abaala ni ehakallallo ddiwa. Anniireeriha voowarani emphete ni mikhova ddoowallamella mitengo wi athamakelleke ezibwenzi ddaye akitiwalla miyaano. Mi Apwiya koollota.”

Yeremiya 25:31

Otokollolla wuullupalli oneerewiiweya va ellapo ettheene yavatthi Apwiya voowiipani mullatu athu a mitundu ddittheddene. Alliwa eneeroweeruza athu attheene, oochimwa eneerewiiphiwa ni nsupada. Mi Apwiya koollota.’ ”

Yesaya 59:18

Apwiya eneerewaallaka adaniiwa moollikana ni ddaweera ddiwa. Eneerewooniha owalli wa owaawukila nave eneerewaahokollosella ddoonanara adaniiwa vawi eneerewaallaka naari ookhalla mu ellapo ddawoorekama.

Yesaya 24:21

Nllapo nenno Apwiya eneerewaallaka amasiva ooddullu ni mamwene a va ellapo yavatthi.

Yesaya 10:12

Apwiya yamalliha muttekwiiwa wowaallaka attheene va mwaango wa Ziyoni ni o Yerusalemu, eneeromullakattho mwene a o Asiriya ekaamba ya okota ni wiitukhulla waye.

Yesaya 3:11

Koma otulli wa athu oonanara! Ddeko ddineerewaakatamiha vawi nnddo ekhanlliiwa eweerellaka akhwiiwa ddineerewaahokollweella.

Hoseya 9:9

Athu enimananarave wonanko ddeereyelliiwa o Gibea. Sika ekaambiiwa Mulluku khawa atiwalla onanara wiwa nave aneerollaka machimwiiwa.

Hoseya 7:2

Koma khenaganiza wi kinnuupuwella mitteko ddiwa ddoonanara. Ddoolakwa ddiwa ddohaahuruwella nave kheddinavenyamo m'mwiitthoni mwaka.

Hoseya 9:15

Apwiya enallota wi, “Onanara wiwa otthewene waambeelle o Giligala. Kaambeelle wiitanana wenko. Kineerowiikariha mwiillaponi mwaka kaambiiwa makhallellwiiwa tti oonanara. Ngiwa kaakondattho, oohoollelliiwa attheene aakiwukila.

Amosi 2:4

Apwiya enallota wi, “Ekaamba ya ddoolakwa ddiraru dda athu a o Yuda apaalle ddisese ngihiya waallaka. Aavevulla ohuddiha waka, kheyaawiiwellelle malamulwaaka, milluku ddawoottha nnddo makhollwiiwa yaddillapelliiwa ddohaahollosa.

2 Mamwene 17:4

Koma nllapo nimodda mwene a o Asiriya ahoona wi Hoseya aakhoza echiwembu. Hoseya aari aarumalle amithenga wooveka nikavihero wa So, mwene a o Iguputo, navettho aahiya okhoma musonkho wa mwene a o Asiriya monga eerelleeye orive muyakha. Ekaamba ya yeella mwene a Asiriya aamumaka Hoseya amuhiya mu ndende.

Yobu 15:2

“Ethiyo muthu eezeru ttiwaakhulla ddoohiphara murima ddiidda apaalle ttuuddalla ni mawu shisha wonanko ephevo?

Masalimo 78:36

Koma alliwa yaamoottottha ni vayanoni viwa, yaamulleka ni nllumi niwa.

Oollalleya 5:15

Monga mmo muthu ayarelliweeye ovenyera m'mirimani mwa amennya ahiwanre ello emoddamoddave yeeyo aneerorowa epwillimwinddive. Naari apharille mutteko wunchichi, kheyiivo eyo anaakuseeye.

Yesaya 30:6

Nngu sika ollotella wa dda enama dda mu echipululu yoomwera wi, “Amithenga eneeta mu ellapo yawoopiha mmo muri mikango, evilli ni enowa ddanttipwi ddoovava. Ennaareya abulwiiwa emphaso ddoowallamella mutengo nave eyuumiiwa ennayiwelliha va ekamira* ddiwa oyaana wa mutundu wa athu oyo khowa waakavihera.

Hoseya 7:1

Kaawaachirihaka Aisraele, ochimwa wiwa onnooneyella vaweella nave mitteko ddoonanara dda Asamariya khaddivittheya. Ennaalleka athu, enninttaka enyumba monga allupaawiiya, ennaakha ddeko dda athu vaweella monga anamasikita.

Hoseya 7:11

Aefuremu tti wonanko ekhunda yookarangeya, yoohikhalla ni ezeru. Ennawiithana Aiguputo, ennaveka nikavihero wa Asiriya.

Hoseya 8:9

Yaathawella o Asiriya wonanko embizi yaweeta shisha. Aefuremu yahaallivella athu a mitundu ddimodda wi yaakavihere.

Hoseya 8:10

Ekaamba yawi yahiiwanana ni mitundu ddimodda kineerewaatthukumaniha wi kiwoononge. Naanweene vaava eneerohoowa wunchichi ekaamba ya olamulello wa mwene a o Asiriya.