Hoseya 11:6 - Mawu a Mulluku

⁶ Ekhoto eneerewoononga mizinda ddiwa. Adani eneerewinttaka mikoko ddoollipa dda mipanda ddiwa ni owoononga ekaamba yoothwara malangizo a weekhiiwa.

Hoseya 11:6 ပူးပေါင်းရင်းမြစ်များ

Hoseya 13:16

Asamariya eneerollakiwa kaambiiwa yaamuwukila Mullukwiiwa. Eneerewiiphiwa ni nsupada, aniiwa eneerewiiphiwa mowaavaddiha miru ddiwa vatthi nave awariwa ookhalla ni erukullu eneerophulliwa.”

Hoseya 10:14

Adanaanyu eneerewuuwukilani. Mizinda dda mipanda ddanyu ddineerewoonongiwa monga mwene Shalamani oononngelleeye muzinda wa Betaribeli vakhotoni. Va nllapo na ekhotonno ahaanyenya amoowe ni aniiwa.

Hoseya 10:6

Nifanonno eneeronikusella o Asiriya wi nakhalle emphaso yoovelleella wa mwene muullupalli. Aefuremu ni Aisraele eneerowulliwattho muru ekaamba ya malangizo awoottha yawiiwellelliiwa.

Malaki 4:1

Apwiya Amasiva Mattheene enallota wi, “Ngoonani, nllapo ninimawa mvo athu awiitukhulla ni oonanara enaashellelliiwa wonanko mittatthi. Nllapo nenno eneeroshellella oohihallavo ello.

Mika 5:11

Kineerewoononga mizinda dda mwiillaponi mwanyu ni okumulla mipanda ddoollipa ddanyu.

Ezekiele 20:47

Oyilleelle ellapweeyo wi Apwiya enallota wi, ‘Iwellellani mawiiwa wi eneerokhariha munllo oyo onaashellellihe miteekho ddawo ddittheddene ddawumma ni ddikitthi ddene. Okhara wiwa khothiima nave arive muthu oovenyera omwera ophiyera ompoto aneerewoona oviha.

Yeremiya 5:17

Aneerewuumallihellani ddoohata ddanyu ni ddoocha ddanyu. Eneerowiipha aniinyu aallopwana ni aatthiyana, eneerowiiphellanittho enkhosa ddanyu ni eng'ombe ddanyu. Eneerewoononga mipesa ddanyu ni namukuywaanyu. Eneerokumulla mwakhoto mizinda ddanyu mwaddiroromellaanyu.

Yesaya 30:1

Apwiya enallota wi, “Otulli wa anamwani ookiwukila mi vaweerani ddawiipangella ohiri dda mi. Enakeraatthiha echipangano yayiwayayiwa oohithwara opaalla waka nave ennavirellella ochimwa.

Yesaya 27:10

Muzinda wamipanda wootthattuwa ntepe, nipuro noohiyiwa ni nootiwalliwa wonanko echipululu. Wenko eziweto ddinnachawo enthambi dda miteekho ni wiithuuwawo.

Yesaya 18:5

Athu ehinaambe ohata malluwa evakareyille nave mpesa waambille wiithwa, alliwa eneerophadda enthambi ni mpeni nave enthambi ddoorapa ddineerovenyihiwavo.

Yesaya 9:14

Sika Apwiya aaphadda muru ni mwiilla wa Israele, enthambi ya kanjeza ni mululu va nllapo nimodda.

Masalimo 106:43

Enthawi ddinchichi Apwiya yaanaavullusa koma alliwa yaanavirellella waawukila nave ddoochimwa ddiwa ddaanaavevulla.

Masalimo 106:39

Yahiiripiha ni mitteko ddiwa, ekhalla hule va ddaweera ddiwa.

Deuteronomo 32:25

Otte wa enyumba eneerokhwa ni nsupada, muwari mwa enyumba eneerokhwa ni woova. Asombwe ni anamwalli eenerewoonongeya, Akantchewa ni awuulluvalleene khevulluwa.

Deuteronomo 28:52

Eneerohella ekhoto orive muzinda, mwiillaponi eyo Apwiya Mullukwaanyu enuuvahiiwani. Nave mipanda ddoorekama munaroromelleenyu ddineerokumuwa virive veko. Eneerowaapheellani m'mizindani ddittheddene dda ellapo eyo Apwiya Mullukwaanyu enuuvahiiwani.

Levitiko 26:33

“Kineerowiikarihani ni nsupada. Nave kineerewuupallallesani variyari va mitundu ddimodda nave Ellapwaanyu khekhalla ni athu nave mizinda ddanyu ddineerotthattuwa matepe.

Levitiko 26:31

Kineerotthattusa mizinda ddanyu wi ddikhalle matepe, kineerotthattusattho mapurwaanyu oollapellellamo wi ehikhalle ni athu nave ngaakhullella wi kiiwe nthuko nookiddivella na ddoovelleella ddanyu.

Yeremiya 50:35

Apwiya enallota wi, “Nsupada nakhoto nimmorelle Babiloni, okhwa ophiye va athu a o Babiloni, va enduna ddiwa ni athwiiwa eezeru.

Maliro 2:9

Machiwi a muzindooyo aavuhellelleya, mikoko ddoollipa ddiwa ddookothowa ni omwaramwareya. Mwenaaye ni enduna ddaye eri wuukaporoni variyari va athu amitundu ddimodda. Khaavottho oollalleya malamulo a Mulluku, naari anamallotellaaye khenoonattho masomphenyaaye.

Hoseya 4:16

Aisraele tti eetiyamaaru wonanko asaanaang'ombe. Ethiyo Apwiya ttuuwaachiha wonanko asaanaankhosa va munyepu waphaama?

Hoseya 4:17

Athu a o Efuremu aapataana ni mafano, ddayiwa ddennddo.

Amosi 6:8

Apwiya Mulluku aallupella mu nnddina niwa wi, “Koonanariwa ni ddawiitukhullana dda Aisraele, kinniitanana enyumba ddiwa dduullupalli. Kineerovelleella wa adaniiwa, muzindiiwa muullupalli ni ddittheddene ddiri mwemmo.”

Levitiko 26:25

Kineerewuurumihellani ekhoto eyo enuullakeni ekaamba yootathilla echipanganwaaka. Nave mwathawella m'mizindani mwanyu, kineerorumiha millilli variyari vanyu nave kineeroweeriha adanaanyu wi yuugonjiheni.