Hoseya 11:5 - Mawu a Mulluku

⁵ “Koma aakhoota ohokollweella wa miyaano sika eneerohokollweella wuukaporoni o Iguputo nave Asiriya aneerokhalla mweniiwa.

Hoseya 11:5 ပူးပေါင်းရင်းမြစ်များ

Hoseya 7:16

Ennarukunuwella wa mulluku oohikhalla ni mutteko woohikhalla wa Mulluku ookhwaranya ddittheddene. Tti wonanko muura woollova. Owaahoollelliiwa eneerewiiphiwa ni nsupada ekaamba yawi ennakillotella ddeepewe. Sika a o Iguputo eneerewaattheya wunchichi.”

Hoseya 8:13

Ennavelleella mikutho dda enama wa miyaano enattakhuna enama yamukuthweeyo koma mi Apwiya nginahakallallana naari vang'ono. Ngiwa kitiwalla onanara wiwa nave kineerewaallaka machimwiiwa. Kineerewaahokollosella wuukaporoni o Iguputo.

Hoseya 10:6

Nifanonno eneeronikusella o Asiriya wi nakhalle emphaso yoovelleella wa mwene muullupalli. Aefuremu ni Aisraele eneerowulliwattho muru ekaamba ya malangizo awoottha yawiiwellelliiwa.

Hoseya 9:3

Khemukhallakattho mu ellapo ya Apwiya. Nyu Aefuremu, muneerohokollweella wuukaporoni o Iguputo. Muneerocha yoocha yooripihiwa mu ellapo ya Asiriya.

Amosi 5:27

Vano kineerewuurumihani wuukaporoni wuuteete ni muzinda wa Damasiko.” Mi Apwiya Mulluku Amasiva Mattheene koollota.

Amosi 4:6

“Tti miyaano kuurumihelleni ettalla m'mizindani ddanyu ddittheddene ni orama wa ddoocha m'mapuroni mwanyu mutthemwene koma khemwaahokollweelle wa miyaano. Mi Apwiya koollota.

Hoseya 9:6

Enthawi yoollakiwa yaphiya, alliwa yapallalleya, Aiguputo eneerewaatthukumaniha wi yaavitthe mu mahame o Memfisi. Ekhwiya ddineeromella va eziwiya ddasiliva. Mpa mwiwa muneeromella miiwa.

Hoseya 6:1

“Hankoni nihokollweelle wa Apwiya, aanikhaddulla koma eneeronichiriha. Aaniphoriiha koma eneeromaka makhwataahu

Hoseya 5:13

“Vano Aefuremu yoonilliiwa wi enimavoriiwa nave Ayuda yoonilliiwa wi aakhalla ni makhwata, Aefuremwaayo yaaya wa Asiriya nave Ayuda yaarumiha othenga wa mwene muullupalli wi aakavihere. Koma khawora waachiriha apaalle ovolliha makhwatiiwa.

2 Mamwene 15:29

Enthawi ya Peka mwene a o Israele, Tigilati Pilesere mwene a o Asiriya aagonjiha mizinda dda Iyoni, Abele Beti Maaka, Yanowa, Kedeshi, ni Hazori navettho ellapo dda Giliyadi, Galileya ni ellapo ettheene ya Nafutali. Nave ahaaphara athu attheene aayaana o Asiriya wuukaporoni.

2 Mamwene 15:19

Vatulli viwa Pulo mwene a o Asiriya aahella ekhoto ellapo ya Israele. Nave Menahemu aavelleella siliva oollemella makilogaramu 34,000 wa Pulo wi olliye amukavihere okeraatthiha omwenaaye.

Deuteronomo 17:16

Mwenooyo ahiddoonjerere akavalo nave ahaarumiheke athu a o Iguputo wi yaakulle akavalo vawi Apwiya yahuulleellani wi muhiwe muhokollweellawo.

Amosi 4:11

“Kaawoononga amodda a nyuwaano wonanko mmo koonongelleemi Sodomu ni Gomora. Amodda mwavulluwalle mwaari wonanko ekhuni ddoothumulliwa viikho komave khamwaahokollweelle wa miyaano. Mi Apwiya koollota.”