Hoseya 11:11 - Mawu a Mulluku

¹¹ Eneeroowa etthukumellaka wonanko epallame ovenyera o Iguputo. Eneeroowa wonanko manddiya ovenyera o Asiriya. Sika kineerewaahokollosella owaniwa. Mi Apwiya koollota.”

Hoseya 11:11 ပူးပေါင်းရင်းမြစ်များ

Yesaya 11:11

Nllapo nenno Apwiya eneerottaphurusa mattiiwa waneepiilli wi ewoopolle athwiiwa oohalla o Asiriya, o Iguputo, o Patirosi, o Kushi, o Elamu, o Babiloni, o Hamati ni va ezilumba dda mu enyanja.

Yesaya 60:8

Ethiyo nndda tti tini ddinapallalleya wonanko mirapo, ddiri wonanko ekhunda ddoohokollweella omakhollani wiwa?

Zekariya 10:10

Kineerewaakhumiha o Iguputo ni waayaana owaniwa, kineerewaatthukumaniha ovenyera o Asiriya. Kineerewaaphiyana o Giliyadi ni o Lebanoni ophiyera ellapo ettheene eddanlle.

Hoseya 7:11

Aefuremu tti wonanko ekhunda yookarangeya, yoohikhalla ni ezeru. Ennawiithana Aiguputo, ennaveka nikavihero wa Asiriya.

Obadiya 1:17

“Koma va mwaango wa Ziyoni amodda eneerothawellawo nave onaakhalle nipuro naweella. Athu a Yakobo eneerokhalla ni ellapo wi ekhalle yoohallaniiwa

Hoseya 3:5

Vatulli viwa Aisraelaayo eneerohokollowa ni owaashaasha Apwiya Mulluku ni edduullu ya Davide mweniiwa. Enthawi yeeyo Aisraele eneerowoovattho Apwiya nave eneerewaakhella ddaphaama ddiwa.

Ezekiele 37:25

Eneerokhalla mu ellapo eyo kamuvahilleemi oorumeyellaaka Yakobo nko wakhalla makhollwaanyu. Alliwaayo, aniiwa ni edduullu ddiwa eneerokhalla wenko wa enthawi yoohimalla. Nave oorumeyellaaka Davide aneerokhalla oohoollelliwa wa enthawi yoohimalla.

Ezekiele 37:21

Vano waalleelle wi mi Apwiya Mulluku kinallota wi, kineerowiithana Aisraele ovenyera omapuroni wiwa a okaporo variyari va athu a mitundu ddimodda. Kineerewaatthukumaniha ovenyera o embali ddisese ddittheddene ni waahokollosella o ellapo yoowaniwa.

Yeremiya 31:12

Athu eneeroowa yiipaka mookhuwa va miyaango dda Ziyoni, eneerohakallalla wunchichi ekaamba ya ddaphaama ddinchichi ddoovenyera wa Apwiya. Ddaphaamanndda tti tirigu, vinyo anaanweene, makhura owaaka anamwanankhosa ni a asaanaang'ombe. Okumiiwa onaakhalle wonanko emata yoohellella, alliwa khewa emoriwa ethakaraka.

Ezekiele 34:27

Miteekho ddineerewimma nave ethaya eneerokhumiha ddoohata. Vano athu eneerokhalla mwamurendelle mwiillaponi mwiwa. Eneerodduwella wi mi tti Apwiya kinttaka magoliiwa ni waavullusa wa ayo yaaphanre okaporo.

Ezekiele 34:28

Athu a mitundu ddimodda khewa ewaakhattho ddeko ddiwa nave enama ddamuhakani khaddiwa ddaattakhuna. Eneerokhalla mwamurendelle oohikhallavo oowoopiha.

Zekariya 8:7

Mi Apwiya Amasiva Mattheene kineerewaavullusa athwaaka ayo eri wookhuma nndduwa ni woovollowa nndduwa.

Zekariya 8:8

Kineerewaahokollosa wi yakhallettho o Yerusalemu. Sika eneerokhalla athwaaka nave kineerokhalla Mullukwiiwa, moororomelleya ni moolungama.”