Hoseya 10:14 - Mawu a Mulluku

¹⁴ Adanaanyu eneerewuuwukilani. Mizinda dda mipanda ddanyu ddineerewoonongiwa monga mwene Shalamani oononngelleeye muzinda wa Betaribeli vakhotoni. Va nllapo na ekhotonno ahaanyenya amoowe ni aniiwa.

Hoseya 10:14 ပူးပေါင်းရင်းမြစ်များ

Hoseya 13:16

Asamariya eneerollakiwa kaambiiwa yaamuwukila Mullukwiiwa. Eneerewiiphiwa ni nsupada, aniiwa eneerewiiphiwa mowaavaddiha miru ddiwa vatthi nave awariwa ookhalla ni erukullu eneerophulliwa.”

Habakuku 1:10

Ennaavevulla mamwene, ennaattheelliha oohoollella. Ennanyaambusa orive mpanda vawi enuukellella ethaya yoowellavo wi yaakhe muzindiiwa.

Nahumu 3:12

Mipanda ddawo ddittheddene ddinaakhalle wonanko namukuyu aambille wiithwa, atikhiwa ezipaso ddaye ddinnamorella muwano mwa oyo anapaalla oddicha.

Nahumu 3:10

Komave athu a o Thebesi yaaphariwa okaporo, aniiwa yaanyenyiwa m'misewuni ddittheddene dda m'muzindani. Adani yahaakawana athu oovuwaayo mwawoombesa, attekweene attheene yahaamaka ni onyolo.

Amosi 9:5

“Apwiya Mulluku Amasiva Mattheene yattannya ellapo, ennattotthowa, ddittheddene ddookhalla mwemmo ddininlla, ellapo ettheene ennanyaruwa wonanko muhinje wa Nailo ennawelleella wonanko muhinje wa o Iguputo,

Amosi 3:8

Ethiyo mukango wathuruma ttaani ahinoova? Ethiyo Apwiya Mulluku yallota, ttaani ahinaallotelle?”

Yeremiya 48:41

Mizinda ddineerophariwa nave mipanda ddineerewaakhiwa. Nllapo nenno mirima ddoollipa o Mowabu ddineerotthukumella wonanko mutthiyana vooyarani.

Yesaya 33:14

Athu oochimwa a mu Ziyoni enimoova nave oohipwatha dda Mulluku enimatthukumella. Ennallota wi, “Ethiyo ttaani mwa hi anaawore ovillella ni munllo wawoonongoolla? Ethiyo ttaani mwa hi anaawore okhalla mu munllo woohimalla?”

Yesaya 17:3

O Efuremu khokhallattho mipanda nave o Damasiko khokhallattho omwene. Oohalla a o Asiriya eneerewaakhiwa olemu wonanko athu a o Israele. Mi Apwiya Amasiva Mattheene koollota.”

2 Mamwene 18:33

Mwa milluku dda athu a mitundu ddimodda, ethiyo ookhallavo naari mmodda oyo avullusallevo ellapwaaye wa mwene a o Asiriya?

2 Mamwene 17:16

Yaatathilla malamulo mattheene a Apwiya Mullukwiiwa, yiipangella mafano meelli, asaana amukoko eeng'ombe eelli. Yaapangattho mafano mamodda a Asherimu enallapella ddeko ddamuddullu owaakattho Baala.

Genesis 32:11

Kinimuuvekani, kivulluseni o masiva a mwanamunnaka Esau. Kinoova wi apaalle anaweella okihella ekhoto nave attheenehi aneeroniipha ni atthiyana ni anamwanaalla.

Yeremiya 13:14

Kineerowoopaniha miru wi enyenyane amoddamoddave, attiitthi ni aniiwa. Ngiweerella echifundo apaalle waamoriwella ethakaraka apaalle waakhululukella ophiyera kiwoonongille.”

2 Mamwene 17:3

Shalimanazere mwene a o Asiriya aamuhella ekhoto nave Hoseya aagonja, anakhoma musonkho wa olliye orive muyakha.

Hoseya 10:15

Nyu athu a o Betele emoddamoddave yeeyo eneeroweereyellani ekaamba ya ochimwa wanyu wuullupalli. Ekhoto yaamba ohinase, mwenaanyu aneerewiiphiwa.”

Amosi 3:14

“Nllapo kinaamullakeemi Israele ekaamba ya machimwaaye, kineerokumulla makuwa a Betele, manyakiiwa eneerokothowa ni omorella vatthi.

Mika 5:11

Kineerewoononga mizinda dda mwiillaponi mwanyu ni okumulla mipanda ddoollipa ddanyu.