Hagai 2:6 - Mawu a Mulluku

⁶ “Nnddo kinallota mi Apwiya Amasiva Mattheene tti ddawi, vavira enthawi vang'ono, kineerotikha oddullu ni ellapo yavatthi, enyanja ni mitunda.

Hagai 2:6 ပူးပေါင်းရင်းမြစ်များ

Yesaya 10:25

Osha murima waka ohanlle vang'ono omalla va nyuwaano koma kineerewaananariwella alliwa ophiyera kiwoonongille.

Mitteko 2:19

Kineerewooniha ddoottikhiniha, oddullu ni ellapo yavatthi, nikhame, munllo ni mwiisi woottikana.

Yowele 3:16

Apwiya enimathuruma ovenyera o mwaango wa Ziyoni, mawiiwa eniiweya wonanko ogugudeya wa murimu ovenyera o Yerusalemu, oddullu ni ellapo yavatthi ddinimatthukumella. Apwiya tti woothawellawo wa athwiiwa, esiri yoollipa ya Aisraele.

Yesaya 29:17

Vavira enthawi yooyeva, otthako wa Lebanoni oneerotthattuwa emata ya ethaya yaphaama nave emata ya ethaya yaphaama eneerotthattuwa otthako.

Aheberi 10:37

Mawu a Mulluku eni, “Enthawi ehanlle vang'ono wi oyo anawa, aphiye khaselliwa iyaayi.

Ezekiele 38:20

Ehomba ni epallame, enama ddamuhakani ni ddawaapadda ddittheddene vamodda ni athu attheene ookhalla mu ellapo yavatthi ddineerotthukumella vamiitthoni vaka. Miyaango ddineeromora, mapuro ooserereya owaaka esiri ddittheddene ddineerokumuwa.

Yeremiya 51:33

Babiloni ari wonanko voomuuputhella tirigu va enthawi yoomuuputha. Nave naanweene vaava enthawi yoohata eneerophiya. Mi Apwiya Amasiva Mattheene, Mulluku a Israele, koollota.”

Yesaya 34:4

Nndduwa, mweeri ni etheneeri ddineeronyenyeya nave oddullu waavenyihiwavo wonanko mwinlli woovillikiwa. Etheneeri ddineerovakareya wonanko makukhu a mpesa apaalle namukuyu.

Masalimo 37:10

Mwa enthawi yooyeva muthu oonanara khakhallawo, naari muwehesese vanipuroni mvo aariiye, khamumphwanyavo.

Yawuupullulla 11:9

Athu oovenyera o ellapo ddittheddene, malloko mattheene ni ellotello dda athu ni mitundu ddittheddene eneerekowehesesa mitembo dda ambonaayo wa mallapo mararu ni hafu nave kheyaakhullella wi ddivitthiwe mu mahame.

Yobu 9:6

Annayitikha ellapo yavatthi, apotwiiwa ennatthukumella.

Masalimo 18:7

Vano ellapo yavatthi yaatthukumella etikheya, matthipello a miyaango yaatikheya ni orindimuwa, kaambiiwa Apwiya yaasha murima.

Yesaya 2:19

Athu eneerothawella m'makhunguni ni m'mallitini voothawani owalli wa Apwiya ni masiva a omweniiwa mvo Apwiyaayo enaaphiyiiwa wi yoopopihe ellapo yavatthi.

Yesaya 13:13

Sika kineerotikha muddullu nave ellapo yavatthi eneerosusa vanipuroni viwa ekaamba ya owalli wa mi Apwiya Amasiva Mattheene va nllapo na osha murima waka wawoopiha.

Yeremiya 33:14

Apwiya enallotattho wi, “Ngoonani, enthawi enimawa mvo kinaakwakhwaniheemi nnddo kaalonjezilleemi athwaaka a o Israele ni a o Yuda.

Ezekiele 38:19

Ekaamba ya osha murima ni owallaaka wookhara oneerokhalla echivomerezi yuullupalli mwiillaponi ettheene ya Israele.