Hagai 2:5 - Mawu a Mulluku

⁵ Nndda sika kuulonjezilleemini mukhumaka mu Iguputo. Munepaaka orive ni nyuwaano sika muhoove.

Hagai 2:5 ပူးပေါင်းရင်းမြစ်များ

Eksodo 34:10

Vatulli viwa Apwiya yaallota wi, “Kineerokeraatthiha echipangano ni nyuwaano. Kineereweera ddoottikhiniha dduullupalli variyari va athu attheene, nnddo ddihineereyekevo khalle va ellapo yavatthi ettheene variyari va mitundu ddimodda ddittheddene. Athu attheene ayo eri ni weyaano eneerewoona nnddo mi Apwiya kineereemi, kaambiiwa nnddo kineereemi oweella mwa weyaano tti ddoottikhiniha.

Nehemiya 9:20

Mwahaavaha munepaanyu waphaama wi waalangizeke. Khemwaawiimanille yoochaanyu ya mana nave mwahaavaha maaddi oowirya wi emallihe nthona niwa.

Yesaya 41:13

Mi Apwiya Mullukwaawo kinnuuphara nnatta, kinuulleella wi, ‘Ohoopopiheye, kineerewuukavihera.’ ”

Zekariya 8:13

Nyu mabanja a Yuda ni Israele, khalle mwaari echizindikiro ya matembelelo variyari va mitundu ddimodda dda athu. Koma vano kineerewuuvullusani wi mukhalle echizindikiro ya madaliso. Muhoove, llipani murima.”

Zekariya 8:15

Koma vano koosintha maganizo koosimikiza wi kimweerelle ddaphaama Yerusalemu ni nibanja na Yuda. Sika muhoove!

Mitteko 27:24

allota wi, ‘Ohoove, Paulo! Onaphwanella wi wiimelle vamiitthoni va Kaisara. Mulluku voowoonihellani oreera murima waye wa weyaano oopaalla wi ohikhwe vamodda ni ayo oriiwena.’

Yesaya 41:10

Ohoove kaambiiwa mi kiri ni weyaano, ohitathille murima vawi mi tti Mullukwaawo. Kineerewuuvaha masiva, kineerewuukavihera, kineerewuuteteza ni nnattanatta naka noogonjiha.

Yawuupullulla 1:17

Kamoonilleemi, kahiivokhella vatthi vahoollo vaye wonanko muthu ookhwa. Koma olliyooyo ahookolla nnattanatta naye akiphara nave allota wi, “Ohoove! Mi tti awaambeella ni oomallihella.

Mateyu 28:5

Mungeloolle aallota ni atthiyanaalle wi, “Muhoove vawi kinnadduwella wi munamwaasha Yesu oyo aatthomeyiwe vamutandani.

Zekariya 4:6

Vano olliye aakilleella wi kimulleelle Zerubabele mawu a Apwiya awi, “Ddawoona, oneeropambana koma ohiri ni ekhoto apaalle ni masivaawo koma ni munepaaka. Mi Apwiya Amasiva Mattheene koollota.

Nehemiya 9:30

Orive muyakha mwaanaavillella nave mwaanaachenjeza ni munepaanyu oweella mwa anamallotellaanyu komave kheyaapella maaru. Sika ekaambiiwa mwaavelleelleenyu m'mattani mwa athu a mu ellapo ddimodda.

2 Epilli 20:17

Khewupaalleyattho owanana ekhoto koma nyu mukhulle moona wiimella m'mapuroni mwanyu. Nave muwoonelleke Apwiya epambanaka ekhoto munipuroni mwanyu, nyu athu a o Yuda ni Yerusalemu.’ Muhoove nave muhitathille murima, osiisello khaweni mwawanena nave Apwiya enorokhalla ni nyu.”

Yoswa 8:1

Apwiya yaamulleella Yoswa wi, “Ohoove apaalle otathilla murima. Akuse akhoto attheene ethaanane ni weyaano, venya oye o Ai. Kineeroweerihani wi mumugonjihe mwene a o Ai ni athwaaye attheene. Muzindooyo ni ellapweeyo, ddittheddene ddinaakhalle ddaanyu.

Eksodo 34:8

Vano Mose ahaakuva, aakokhora, allapella enthawi yeeyo.

Eksodo 19:4

‘Mwahoona nnddo kaweerelleemi Aiguputo navettho mmo kuutukhullalleemini wonanko epallame ya mpungu enaatukhullelliiwa aniiwa m'muuphelloni mwiwa nave kahuuphiyihani wa miyaano.

Eksodo 19:6

Nave nyuwaano muneerokhalla omwene wa allupa mukutho navettho mutundu woopatuleya.’ Sika waalleelle Aisraele mawu yaalla.”

Eksodo 24:3

Mose aaya aalleella athu mawu ni malamulo mattheene ayo Apwiya yamulleelliiwa. Nave athwaayo yahaakhulla vamodda wi, “Nineereweera ddittheddene nnddo Apwiya ellotilliiwa.”

Eksodo 24:8

Vano Mose aakusa nikhame na m'mbaleninne aamiddana athwaayo nave aallota wi, “Nikhame nenna sika ninasimikiza echipangano eyo Apwiya ekeraatthihalliiwa ni nyuwaano vawuuvahani mawu mattheenaalla.”

Yoswa 1:9

Valle kahuulamula wi okhalle amasiva. Ohooveke apaalle otathilla murima vawi mi Apwiya Mullukwaawo, kineerokhalla ni weyaano orive weko onaayeekeewewo.”

1 Samuele 12:20

Samuele ahaalleella wi, “Muhoove, ochimwa moochimwa koma muhinahiya waathwara Apwiya. Mwaarumeyelleke ni murimaanyu muttheene.