Hagai 2:23 - Mawu a Mulluku

²³ Mi Apwiya Amasiva Mattheene koollota wi, ‘Va nllapo nenno we Zerubabele oorumeyellaaka, mwaana a Shealatiele, kineerewuukusa navettho kineerewuutthattusa oolamulella nnddina naka vawi tti weyaano kimutthoonlleemi. Mi Apwiya Amasiva Mattheene koollota.’ ”

Hagai 2:23 ပူးပေါင်းရင်းမြစ်များ

Yesaya 43:10

Nyu Aisraele, muri ambonaaka, muri oorumeyellaaka ayo kuutthoollilleemini wi mukidduwelle ni okiroromella, mwiiwesese wi meekhave sika Mulluku. Kihinakhallewo khavaari mulluku mmodda, vatulli vaka khaviwa vikhallattho mmodda.

Yesaya 42:1

Apwiya enallota wi, “Olla tti oorumeyellaaka oyo kamuthoollilleemi, kinamukondeemi ni ohakallallana wunchichi. Kineeromwinnya munepaaka aneeroweeruza athu a mitundu ddittheddene mweechilungamo.

Yeremiya 22:24

Apwiya enallota wi, “Kinallupella vamiitthoni vaka wi we Yehoyakini mwaana a Yehoyakimu mwene a o Yuda naari waariki wonanko emphete ya onnattanatta waka, keerewuurulla kuutathille.

Nchipo na Solomoni 8:6

Okiwanddeellelle enthawi ddittheddene, wonanko ebangili m'muwononi mwawo. Vawi echikondi tti yamasiva wonanko okhwa, ehache tti yawoopiha wonanko mahame. Echikondi ennasherima wonanko munllo, ennaviha wunchichi wonanko munllo wawoopiha.

1 Petro 2:4

Waani wa Apwiya, nlluku nookumi nno naakhootiwe ni athu wonanko noohikhalla ni mutteko koma naatthoolliwa ni Mulluku wonanko nookhalla ni mutteko.

2 Timoteo 2:19

Koma matthipello oollipa ayo yatthipelliwe ni Mulluku khewora otikhiwa. Nave va matthipellellwaayo voolembiwa mawu awi, “Apwiya ennaadduwella ayo eri ayiwa” navettho “Arive muthu anaromolla nnddina na Apwiya ahiye ddoonanara.”

Yohane 6:27

Muhiphareke mutteko wi muphwanye yoocha eyo enoonongeya koma muphareke mutteko wi muphwanye yoochave eyo enavaha okumi woohimalla. Ella sika yoocha eyo mi Mwaana a Muthu kinuuvaheemini nyuwaano kaambiiwa Mulluku, Attiitthaaka, yaakiiyaatthi echizindikiro yoosimikiza dda miyaano.”

Mateyu 12:18

“Olla tti oorumeyellaaka oyo kamuthoollilleemi, kinamukondeemi ni ohakallallana wunchichi. Kineeromwinnya munepaaka, nave aneerollalleya dda echilungamwaaka wa athu a mitundu ddittheddene a ellapo yavatthi.

Yesaya 49:16

We Yerusalemu, kohuulemba m'mattani mwaka, esiri ddawo kinnaddoona erive enthawi.

Masalimo 65:5

Nyu Mulluku, oonivullusaahu, munnanaakhulla voonivullusani ni mitteko ddanyu ddoottikhiniha. Athu a va ellapo yavatthi ettheene vakhopella va enyanja ya woorekamella attheenaayo ennuuroromellani.