Hagai 2:22 - Mawu a Mulluku

²² Kineeromalliha moomwene mattheene ni woononga masiva a mitundu dda athu ddittheddene. Kineerophikirisa magareta ni oowellavweene. Akavalo eneerokhwa nave oowellavo eneerewiiphanana.

Hagai 2:22 ပူးပေါင်းရင်းမြစ်များ

Mika 5:10

Komave Apwiya enaalleella Aisraele wi, “Va nllapo nenno kineerowoononga akavalwaanyu attheene ni kineerewinttaka magaretaanyu.

Oweeruza 7:22

Akhoto 300 a Agidiyonaalle yiipalle mapallapata, Apwiya yaaweeriha Amidiyanaalle wi ewaneke anayaayove. Attheenaalle yahaapheella miru wawi yawana anayaayove. Akhotwaayo yaathawa yaphiya o Beteshita Zerera, ophiyera omalireni a etawoni ya Abele Mehola vakhuviru ni Tabati.

Mateyu 24:7

Mutundu ni mutundu mmodda oneerekowana navettho omwene ni omwene omodda oneerekowana. Navettho oneerokhalla ettalla ni echivomerezi virive veko.

Zekariya 10:11

Voollapuwani enyanja ya ddoohoosa, kineeromaalliha mafunde a va enyanjeeyo, maaddi mattheene a mu Nailo eneerowelleella. Wiitukhulla wa Asiriya oneeromalla, ekopo yoomwene ya Iguputo eneerokothowa.

Zekariya 4:6

Vano olliye aakilleella wi kimulleelle Zerubabele mawu a Apwiya awi, “Ddawoona, oneeropambana koma ohiri ni ekhoto apaalle ni masivaawo koma ni munepaaka. Mi Apwiya Amasiva Mattheene koollota.

Zefaniya 3:8

Apwiya enallota wi “Ekaamba ya yeella kitiyereni, mutiyere nllapo nno kinaawiipeemini mullatu vawi kooganiza ddootthukumaniha mitundu dda athu ni moomweniiwa mattheene wi kiwoonihelle onanariwa waka, yiiwe ovoreya wa owallaaka. Ellapo ettheene yavatthi eneeroosha ni munllo wa osha murima waka.”

Mika 5:15

Moowalli ni moonanariwa kineerollaka mitundu ddittheddene dda athu nnddo ddihinakiiwellella.”

Ezekiele 39:20

Ddawoona o tebulwaaka muneerovona vawaattakhunani akavalo ni oowellavwiiwa, akhoto amasiva ni akhoto oohiyanahiyana’ Mi Apwiya Mulluku koollota.”

Masalimo 46:9

Ennamalliha ekhoto va ellapo yavatthi ettheene. Enninttaka muura, ennakotholla nivaka, ennaahella munllo magareta akhoto.

Daniele 8:25

Ekaamba ya ochenjeresesa waye aneereweera ddoolleka nave murimaaye oneerewiitukhulla. Aneerewoononga athu anchichi moohaachenjeza. Aneeromuwukila mwene a mamwene koma aneerewoonongeya woohikhalla ni nnatta na muthu

Masalimo 76:6

Nyu Mulluku a Yakobo, mwaahumullullalleenyu attheene oowella va akavalo ni akavalwiiweene yaakhwa.

Yawuupullulla 11:15

Nave mungelo aneetthanu ni piilli ahoopa nipallapata naye. Nave kahiiwa mawu oowella ovenyera oddullu oollota wi, “Omwene wa ellapo yavattheella tti wa Apwiihu ni wa Mesiyaaye.* Nave Apwiihu eneerolamulella wa enthawi ddoohimalla!”

Zekariya 14:3

Vatulli viwa Apwiya eneeroowa wi ewane ni adanaayo wonanko yeerelliiwa nllapo na ekhoto.

Zekariya 9:10

Apwiya enallota wi, “Kinerewaavenyihawo magareta akhoto o Efuremu, kineerewaakusawo akavalo o Yerusalemu, miira ddakhoto ddineerokotholliwa. Mwenaawo eneerokeraatthiha murendelle variyari va mitundu dda athu. Aneerekolamulella ovenyera o enyanja emodda ophiya o enyanja emodda, ovenyerattho o muhinje wa Yufurate ophiya o makomello a ellapo yavatthi.”

Mika 5:8

Oohalla a Yakobo enaakhalle variyari va mitundu ddinchichi dda athu wonanko mukango variyari va enama ddamuhakani. Anaakhalle wonanko mukango onavira variyari va mulloko wa enkhosa oyo onnaddiphara ni oddikhaddulla, oohikhallavo ooddivullusa.

Ezekiele 21:27

Woonongeya! Woonongeya! Muzinda oneerewoonongeya koma kheddeereya ophiyera oowaakhella aphiyalle.’ Vano kineerovelleella wa olliye.”

Yesaya 60:12

Koma ellapo ni moomwene ayo ehinuurumeyella eneerotthollowa, athu a mitundu ddenndda eneerewoonongeya.

Yesaya 19:2

Apwiya enallota wi, “Vano kineeroweeriha Aiguputo wi ewaneke anayaayove. Mmbale anaawaneke ni mbalaaye, muzinda onaawaneke ni muzinda mukhwiiwa navettho omwene onaawaneke ni omwene okhwiiwa.

Yesaya 9:19

Ekaamba ya yeella, osha murima wa Apwiya Amasiva Mattheene wohoosa ellapo nave athu tti wonanko ekhuni vawi khaavo muthu anammoriwella ethakaraka mukhwaaye.

2 Epilli 20:22

Yaambille wiipa ni ollapella, Apwiya yahaareya musampha Aamoni, Amowabu ni athu a o mwaango wa Seiri ayo yawiille wi ellipane ni Ayuda mwawi yahaagonjiha athu attheene.

1 Samuele 14:16

Alonda a Saulo a o Gibea, echigawo ya Benjamini yahoona mulloko wa adanaalle opallalleyellaka nngu ni nngu.

Eksodo 15:19

Mvo akavalo a Farao ni magareta ni oowella va akavalo yavollowilliiwa mu enyanja, Apwiya yahaahokollosella maaddaayo nave yaaweeriha attheenaayo wi epwine. Koma Aisraele yaheeta vawumma muwari mwa enyanjeeyo.

Eksodo 14:28

Nave maaddaayo yaakumanella, emirya magaretaalle ni oowella va akavalwaayo, mulloko muttheene wa akhoto a Farao olle waathwara Aisraele. Khaarivo naari mmodda avulluwalle.

Eksodo 14:17

Kineerewummiha murima Aiguputwaayo, sika wi eneerewaathwara Aisraele. Nave vaweerani ddiiddo kineeromugonjiha Farao ni akhotwaaye, magaretaaye ni oowella va akavalo wi kititimihiwe.

Eksodo 15:4

“Apwiya yaavokhella mu enyanja magareta ni akhoto a Farao, yahaapwiniha oohoollellaaye aphaama wunchichi mu Enyanja Yoofiira.

2 Epilli 20:23

Aamoni ni Amowabu yahaawukila athu a o mwaango wa Seiri nave yahaagonjiha. Vatulli viwa yahaamba wiiphana anayaayove.

Ezekiele 26:16

Vano mamwene mattheene a o enyanja eneerokittha m'mipandoni ddiwa ddoomwene. Mikanjo ddiwa eneeroddihiya vakhwipi nave eneerorulla ddoowara ddiwa ddoopeta. Eneerokeraatthi vatthi etthukumellaka ekaamba yawoova nave ekaamba ya nnddo enaaddooniiwa enaakhulle owanoni kakalla’

Ezekiele 38:21

Kineeromuwiihella ekhoto Gogi ovenyera o miyaango ddaka ddittheddene. Mi Apwiya Mulluku koollota. Athu a Gogooyo eneerewiiphanana ni masupada.

Amosi 2:15

Amiira khawa allipattho, oothamakesesa khavulluwa, oowella va akavalo khavullusa okumaaye.

Mika 7:16

Mitundu dda athu vawoonani ddenndda ddineerowulliwa muru naari ddikhalleve ni masiva awiidde. Eneeromaalla nave eneerokhoowa owaruni mootathilla murima.

Zekariya 10:5

Ayuda attheene vamodda enaakhalle wonanko akhoto amasiva awaanyingallella adani m'musewuni enthawi yakhoto. Eneerowana ekhoto ekaamba yawi Apwiya eri ni alliwa nave eneerewaagonjiha adani oowella va akavalo.

2 Epilli 15:6

Athwaayo yaakawaneya, mutundu mmodda waawukilana ni mmodda nave muzinda mmodda ni mmodda vawi Mulluku ahaahoosa moohiyanahiyana.

Mika 5:9

Nyu Aisraele, muneerewaagonjiha adanaanyu nave attheene eneerewoonongeya.

Zekariya 12:9

Nllapo nenno kineerewoononga athu mitundu ddittheddene ddoopaalla ohella ekhoto Yerusalemu.