Hagai 1:9 - Mawu a Mulluku

⁹ “Mookhalla mutiyerellaka ddoohata ddinchichi koma muhatille vang'ono. Mvo mwahateenyu ddoohata ddanyu, miyaano kaaddivaviha. Vano mi Apwiya Amasiva Mattheene kinnallota wi, keerella tini valle ddenndda? Ekaambiiwa tti yawi miyaano enyumbaaka tti ntepe vawi arive muthu aviheeriwalle ni omaka enyumbaaye.

Hagai 1:9 ပူးပေါင်းရင်းမြစ်များ

Hagai 1:4

“Ethiyo ddenndda tti ddaphaama wi nyuwaano mukhalleke mu enyumba ddoomakiwa phaama, enyumbaaka eri ntepe ddiidda?

Yawuupullulla 3:19

Kinnaahumullulla ni waallaka attheene kinaakondeemi. Vano llipihellani wi murukunuwe murima.

Malaki 2:2

Apwiya Amasiva Mattheene enallota wi, “Mwaahikiiwellellaka, mwaahivahaka olemu ni murimaanyu muttheene nnddina naka, kineerotembelela madaliswaanyu. Kahaatembelela khalle kaambiiwa khamwiiwellelle lamulo naka ni murimaanyu muttheene.

Hagai 1:6

Moomidda ddinchichi koma muhatille ddooyeva. Ocha munnacha koma khamunavona. Munnawirya koma nthona khaninamalla. Munnawara koma khamuniiwa oviha. Mallivello a allupa mutteko enaakhellella mu nthumba noophovowa.

Yesaya 40:7

Manasi ennumma, malluwa ennanyaalla, Apwiya yaviddellella mpweyiiwa. Ddawoona, athu ennaphwanaphwana ni manasi.

Yawuupullulla 2:4

Koma kookhalla ni ello yawuuvaanyihani, khamunakikonda wonanko vawaamba valle.

Yobu 10:2

Nyu Mulluku, muhikeeruze oolakwami, mukilleelle eyo munallipanelleenyu ni mi.

2 Mamwene 19:7

Kineerohiya m'murimani mwa mwene maganizo mamodda awi iiwa ephevove aneerowatiheriwa ohokollweella o ellapwaaye nave mi kineeromwiiphiha owaniwa wenko.’ ”

2 Samuele 22:16

Mitthipidda dda enyanja yoowallamella ddahooneya, matthipello a ellapo yavatthi yaakhalla vaweella, Apwiya yasimwalliiwa moowalli, yavumalliiwa mpweya mwamasiva ovenyera mphunani mwiwa.

2 Samuele 21:1

Enthawi ya omwene wa Davide waakhalla ettalla wa miyakha miraru ddoothwarana. Nave Davide aaveka ezeru wa Apwiya nave Apwiya yaamulleella wi, “Saulo ni nibanja naye aakhalla ni mullatu woowiipha Agibiyoni.”

Miyambo 27:20

O ellapo ya ookhwa ni woonongeya khonavona nave miittho a muthu khenavona.

Oollalleya 1:8

Ddittheddenenndda tti ddootopiha, ollemella wiwa tti woohilloteya. Miittho khenakholliwa ni oweha, maaru khenakholliwa ni wiiwa.

Ezekiele 21:31

Kineerewuunanariwellani nave owallaaka oneerokhara va nyuwaano. Kineerewuuhiyani m'mattani mwa athu eekuku, oodduwella woononga.

Levitiko 19:25

Koma va muyakha waneetthanu, muneerewaakhullelliwa oddicha ezipaso ddiwa. Vano mweera ddenndda miteekho ddanyu ddineerekewimma wunchichi. Mi tti Apwiya Mullukwaanyu.

Deuteronomo 28:38

Muneerewaalla ddinchichi koma munaahateke vang'ono kaambiiwa middope sika ddinaacheke.

Miyambo 11:24

Ookhallavo ookawa mwawoollowa matta nave annavirellellave otukhuwa. Ookhallavo awiimana nnddo ariiyena nave annavirellellave ohoowa.

Yesaya 5:10

Emata yampesa ya mahekitala khumi, vinywaaye anaaddalle muno mmoddave. Nave omidda mitaanga khumi a mmiddo, ddoohata ddene ddinaaddalle nidengu nimoddave.”

Yeremiya 12:13

Athu yaammidda tirigu koma yahatille miiwa. Yahiitopiha voopharani mutteko koma kheyaaphunrevo ello naari vang'ono. Ddoohata ddiwa tti ddoowulliha muru ekaamba ya owalli wawoopiha wa Apwiya.”