Hagai 1:8 - Mawu a Mulluku

⁸ Wellani omwaangoni, mwakakathe muteekho, mukimakelle enyumba yooreera wi kihakallallena ni waakhellamo ntitimiho. Mi Apwiya koollota.”

Hagai 1:8 ပူးပေါင်းရင်းမြစ်များ

Ezara 3:7

Athu yaavelleella makobiri wa athu eeruso yoosema malluku ni oopala matabwa. Yaarumiha ddoocha, ddoowirya ni makhura wa Asidoni ni Atiro wi eweena miteekho ddamukunguza ovenyera o Lebanoni oyaana o enyanja, o Yopa moollikana ni waakhullelliwa wiwa ni Kirusi mwene a o Persiya.

2 Epilli 7:16

Vawi vano kootthoolla ni opatula enyumbeella wi nnddina naka nititimihiwekemo wa enthawi yoohimalla. Miitthwaaka ni murimaaka ddinaakhalleke mwemmo enthawi ddittheddene.

Hagai 2:7

Kineerotikha mitundu ddittheddene dda athu nave eyuumiiwa ettheene eneeroowa wuno sika enyumba yeella kineeroyiddalliha ni eyuuma yinchichi. Mi Apwiya Amasiva Mattheene koollota.

1 Mamwene 9:3

Vano Apwiya yaamulleella wi, “Kohiiwa nivekello nawo ni okhuwa wawo weerilleewe vamiitthoni vaka. Kooyipatula enyumba oyimakilleeweella nave koohiyamo nnddina naka wi athu ekillapellekemo wa enthawi yoohimalla. Miitthwaaka ni murimaaka ddinaakhalle mwemmo enthawi ddittheddene.

Eksodo 29:43

Wenko sika kinaakumanekeemi ni Aisraele nave nipuro nenno nineerokhalla naweella ekaamba ya ntitimiho naka.

Hagai 2:9

Sika ntitimiho na enyumba yaneepiilleella eneerokhwaranya ntitimiho na enyumba yawaambeelle. Navettho vineerokhalla murendelle va nipuro nenno. Mi Apwiya Amasiva Mattheene koollota.”

Yesaya 66:11

Muneerewaamwa ni ovona ni mapelle a ddookhurumusa murima ddaye, muneerowamulla mukaka ni ohakallalla ni waata wa oriiheya waye.

Yesaya 60:13

Oriiheya wa otthako wa Lebanoni oneerewuuweella, wa mitundu miraru dda paini, eneerowaana wi ereerihelle enyumbaaka wi vaatte vaka viriiheye.

Yesaya 60:7

Eziweto ddittheddene dda o Kedara eneerewuutthukumanihella, anankhoro ankhosa a o Nabayoti eneerewuurumeyella, eneerovelleelliwa vanikuwani na mukutho. Sika mi Apwiya kineeroyivaha enyumbaaka ntitimiho nuullupalli okhwaranya khalle.

Ezara 6:4

Esiri ddiwa ddimakiwettho ni malluku muullupalli mizere miraru ni muzere mmodda wa matabwa. Makobiri oollivella vamuttekonooyo enaavenyere mu nthumba na mwene.

1 Mamwene 6:1

Vimanlle miyakha 480 Aisraele ekhumalle o Iguputo, muyakha waneesese wa omwene wa Solomoni mu Israele va mweeri wa Zivi oyo ori mweeri waneepiilli Solomoni ahaamba omaka enyumba ya Apwiya.

Hagai 1:7

“Ella sika ekaambiiwa mi Apwiyaanyu Amasiva Mattheene kinalloteemi wi mupwathe phaama meetellwaanyu.

1 Epilli 22:19

Sika waashaashekeni Apwiya Mullukwaanyu ni murimaanyu muttheene. Vano venyani mwaambe omaka enyumba ya Apwiya Mulluku wi muhiyemo nibokosi na echipangano na Apwiya ni eziwiya ddittheddene ddaweella ddoopharihiwa mutteko vawaallapellani.”