Hagai 1:6 - Mawu a Mulluku

⁶ Moomidda ddinchichi koma muhatille ddooyeva. Ocha munnacha koma khamunavona. Munnawirya koma nthona khaninamalla. Munnawara koma khamuniiwa oviha. Mallivello a allupa mutteko enaakhellella mu nthumba noophovowa.

Hagai 1:6 ပူးပေါင်းရင်းမြစ်များ

Hagai 1:9

“Mookhalla mutiyerellaka ddoohata ddinchichi koma muhatille vang'ono. Mvo mwahateenyu ddoohata ddanyu, miyaano kaaddivaviha. Vano mi Apwiya Amasiva Mattheene kinnallota wi, keerella tini valle ddenndda? Ekaambiiwa tti yawi miyaano enyumbaaka tti ntepe vawi arive muthu aviheeriwalle ni omaka enyumbaaye.

Hoseya 4:10

Eneerekoocha koma khevonaka, eneerekoraruwa koma kheyaataka vawi ahaahiya Apwiya yiivelleella o ddooraruwa.”

Hagai 2:16

Muthu oyo atiyerella ophwanya ddoolingella dda tirigu makhumi meelli aphwanyathi nikhumi nimodda. Yawa wi erike ddoolingella 50 mu muno wa vinyo, yaphwanyamo ddoolingella 20.

Hoseya 8:7

Aisraele ennamidda ephevo nave enamuhata namangalle. Tirigu khanna makalla, khakhalla ni yoocha. Akhanllekena, alleto sika yaache yoocheeyo.

Malaki 2:2

Apwiya Amasiva Mattheene enallota wi, “Mwaahikiiwellellaka, mwaahivahaka olemu ni murimaanyu muttheene nnddina naka, kineerotembelela madaliswaanyu. Kahaatembelela khalle kaambiiwa khamwiiwellelle lamulo naka ni murimaanyu muttheene.

Yesaya 5:10

Emata yampesa ya mahekitala khumi, vinywaaye anaaddalle muno mmoddave. Nave omidda mitaanga khumi a mmiddo, ddoohata ddene ddinaaddalle nidengu nimoddave.”

Zekariya 8:10

Vawi ehinaphiye enthawi yeeyo khevaari ollivella wa muthu apaalle enama. Khevaari muthu aweeta mwamurendelle ekaamba ya adani vawi athu attheene kaawoopaniha miru mmodda ni mukhwaaye.

Zekariya 5:4

Apwiya Amasiva Mattheene eni, ‘Tembelelo nenno kineeronirumiha mpa mwa mullupaawiiya ni mpa mwa muthu oollupella mwawoottha vooromollani nnddina naka. Nineerokhalla mpammo ophiyera yoonongeyille ettheene, matabwiiwa ni mallukwiiweene.’ ”

Yeremiya 44:18

Koma ovenyera enthawi nahiyalleehu omoosella lubani mwenaamutthiyana ooddullu ni omuheraatthella mikutho ddaddoowirya, khaninna erive ello nave nohoonongeya ni ekhoto ni ettalla.”

Yeremiya 14:4

Vatthi vookhalla mitthari vawi khewuri murimu, Oollima ennawulliwa muru, aawaaramella vatthi.

Masalimo 107:34

Yaayitthattusa ethaya yaphaama ekhalla yooguga ekaamba ya onanara wa athu ookhalla mwemmo.

Yobu 20:28

Dda mpa mwaye ddittheddene ddineerovenyihiwa, ddineeropurulliwa va nllapo na osha murima wa Mulluku.

Yobu 20:22

Naari ari eeyuuma aneerohoowa, otulli wawoopiha oneerommorella.

1 Mamwene 17:12

Vaavo mutthiyanooyo ahaakhulla wi, “Kinimallupella vamiitthoni va Apwiya Mullukwaanyu, miyaano ngaapeyille erive ello koma kookhalla ni othu vang'ono mwiipalleni owaakattho makhura vang'ono munibotoloni. Kinatota ekhuni piilli wi kaddaapeyelle meekha ni mwanaka niche nave nikhwe.”

2 Samuele 21:1

Enthawi ya omwene wa Davide waakhalla ettalla wa miyakha miraru ddoothwarana. Nave Davide aaveka ezeru wa Apwiya nave Apwiya yaamulleella wi, “Saulo ni nibanja naye aakhalla ni mullatu woowiipha Agibiyoni.”

Levitiko 26:26

Kineeromuyeviha buledaanyu a nllapo ni nllapo ophiyera atthiyana khumi eneerekomwaapeya buledi mu ufuni mmodda. Nave eneerewuukawellani buledooyo vang'ono vang'ono. Sika muneerekoocha koma woohivona.

Levitiko 26:20

Ollipihella mutteko wanyu khophuraka ello vawi khamuhataka ello nave miteekho ddanyu khaddiimmaka ezipaso.

Nehemiya 5:2

Vawi yaallota wi, “Hi ni aniihu aallopwana ni aatthiyana nirivo anchichi mwawi ninapaalla yoocha wi nikhalle ni okumi.”

Yeremiya 12:13

Athu yaammidda tirigu koma yahatille miiwa. Yahiitopiha voopharani mutteko koma kheyaaphunrevo ello naari vang'ono. Ddoohata ddiwa tti ddoowulliha muru ekaamba ya owalli wawoopiha wa Apwiya.”

Hagai 1:5

Ella sika ekaambiiwa mi Apwiya Amasiva Mattheene kinalloteemi wi mupwathe phaama meetellwaanyu.

Hagai 1:7

“Ella sika ekaambiiwa mi Apwiyaanyu Amasiva Mattheene kinalloteemi wi mupwathe phaama meetellwaanyu.

Hagai 1:10

Ella sika ekaambiiwa oddullu wummalliiwa nave ethaya enawatteelliiwa ezipaso.

Hagai 2:17

Kahoononga mmiddo ddaanyu ddittheddene ni ephevo, nkhuwawe ni marallalla komave khamwaaganizalle ddoorukunuwa murima, Mi Apwiya koollota.

Deuteronomo 28:17

“Apwiya eneerotembelela ddoohata ddanyu navettho ddoocha ddoovenyera mu ddoohatannddo ddineeroyeva.

Miyambo 11:24

Ookhallavo ookawa mwawoollowa matta nave annavirellellave otukhuwa. Ookhallavo awiimana nnddo ariiyena nave annavirellellave ohoowa.