Hagai 1:5 - Mawu a Mulluku

⁵ Ella sika ekaambiiwa mi Apwiya Amasiva Mattheene kinalloteemi wi mupwathe phaama meetellwaanyu.

Hagai 1:5 ပူးပေါင်းရင်းမြစ်များ

Maliro 3:40

Hankoni niwoone ni oweesa makhallellwaahu nave nihokollweelle wa Apwiya.

2 Akorinto 13:5

Muddeeseke ni oddeeruza weekhiinyu wi moone mwaarimi mukhallaka mu echikhulupililo. Ddawoona munnadduwella wi Khrisitu Yesu ari mwa nyuwaano koma mwaari muhiri ddiiddo sika moolephela.

Hagai 1:7

“Ella sika ekaambiiwa mi Apwiyaanyu Amasiva Mattheene kinalloteemi wi mupwathe phaama meetellwaanyu.

Luka 15:17

“Vano aadduwella olakwa waye allota m'murimani mwaye wi, ‘Allupa mutteko oowanihu aakhalla ni ddoocha ddinchichi ddawi khenawora oddimalliha koma miyaano wuno kinimakhwa ni ettalla!

Agalatiya 6:4

Arive muthu anaphwanella eeseke makhallellwaaye. Yakhalla aphaama sika akotelleke mitteko aphanreeye yeekha, voohiphwanaphwanihani ni mitteko aphanre mmodda.

Eksodo 9:21

Koma enduna ddimodda kheddaapwathille mawu a Apwiya nave yaarimoona waahiya akaporwiiwa vaatte ni eziweto ddiwa ddene.

Daniele 10:12

Koma olliye aallota wi, “We Daniele, ohoove vawi ovenyera nllapo nawaamba mvo wahiyalleewe murimaawo va odduwella ni wiiyeviha vamiitthoni va Mullukwaawo, nivekello nawo nahiiweya mwawi kiwiille wi kaakhulle.

Daniele 6:14

Mwene iiwalleeye ddenndda, murima waamuvoreya wunchichi. Ahaamba oganiza ddoomuvullusa Daniele wawi aheeseesa ophiyera ovollowa wa nndduwa.

Ezekiele 40:4

Muthooyo aakilleella wi, “We mwaana a muthu, wehesesa nave apella maaru phaama. Ohiyevo murima va ddittheddene kinaawoonihelleemi vawi yeella sika ekaambiiwa kuuwiihelleemi wuno. Vano waatthopoollelle Aisraele ddittheddene nnddo kinuulleelleemi nave onooneewe.”

Ezekiele 18:28

Vawi aadduwella onanara wa machimwaaye, aahiya, aneerokhalla ni okumi nave khakhwa.

Masalimo 48:13

Wehesesani phaama esiri ddiwa ddoollipa, onesesani phaama mpandiiwa, wi muwore otthopoollella mbado wamuhoollo wi,

Eksodo 7:23

Sika Farao aahokollweella o enyumba waye ohiddipwathattho ddennddo.

Hagai 1:4

“Ethiyo ddenndda tti ddaphaama wi nyuwaano mukhalleke mu enyumba ddoomakiwa phaama, enyumbaaka eri ntepe ddiidda?

Hagai 1:6

Moomidda ddinchichi koma muhatille ddooyeva. Ocha munnacha koma khamunavona. Munnawirya koma nthona khaninamalla. Munnawara koma khamuniiwa oviha. Mallivello a allupa mutteko enaakhellella mu nthumba noophovowa.