Hagai 1:4 - Mawu a Mulluku

⁴ “Ethiyo ddenndda tti ddaphaama wi nyuwaano mukhalleke mu enyumba ddoomakiwa phaama, enyumbaaka eri ntepe ddiidda?

Hagai 1:4 ပူးပေါင်းရင်းမြစ်များ

2 Samuele 7:2

Vano aallota wa namallotella Natani wi, “Mi kinakhalla mu enyumba yoomwene yoomakiwa ni miteekho ddamukunguza koma nibokosi na echipangano na Apwiya ninakhalla m'musasani.”

Afilipi 2:21

Amoddaayo attheene enallipihella ddeko ddawaaddivella weekhiiwa ohiri ddeko dda Yesu Khrisitu.

Hagai 1:9

“Mookhalla mutiyerellaka ddoohata ddinchichi koma muhatille vang'ono. Mvo mwahateenyu ddoohata ddanyu, miyaano kaaddivaviha. Vano mi Apwiya Amasiva Mattheene kinnallota wi, keerella tini valle ddenndda? Ekaambiiwa tti yawi miyaano enyumbaaka tti ntepe vawi arive muthu aviheeriwalle ni omaka enyumbaaye.

Mateyu 6:33

Koma yawaamba mwaashaasheke omwene wa Mulluku ni echilungamwaaye nave aneerewuuvahani ddeko ddittheddenenndda.

Yeremiya 52:13

Nave ahoosa enyumba ya Apwiya, enyumba yoomwene ni enyumba ddimodda ddittheddene dda o Yerusalemu, erive enyumba yuullupalli aayoosa.

Mika 3:12

Sika vano ekaamba ya nyuwaano, Ziyoni aneerollimiwa wonanko emata, Yerusalemu aneerotthattuwa ntepe nave mwaango wa enyumba ya Apwiya oneerotthattuwa otthako.

Maliro 4:1

Ha! Golidaahu oowa murawa, golidaahu aphaama ootthattuwa. Malluku a o nipuro naweella aamwareya, aapallalleyella o makhullukana mattheene a misewu.

Maliro 2:7

Apwiya aavevulla naari nikuwa niwa, aanikhoota nipuro niwa naweella. Aavelleella m'mattani mwa adani mipanda dda enyumbiiwa yoomwene. Mu enyumba ya Apwiya adanaayo yaakhuwa ni moohakallalla wonanko va nllapo na ehakallallo.

Yeremiya 33:12

Apwiya Amasiva Mattheene yaallota wi, “Mu ellapo yantepeella, yoohikhalla ni athu naari enama ni o mizinda ddiwa ddittheddene oneerokhallattho mapuro oochihellawo enama nko abusa enaachihekiiwawo eziweto ddiwa.

Yeremiya 33:10

Apwiya enallota wi, “Athu enallota wi nipuronna tti ntepe noohikhalla ni athu naari enama. Komave m'mizindani dda Yuda ni m'misewuni dda Yerusalemu mmo vano muri ellapo tuu, moohikhalla muthu naari enama,

Yeremiya 26:18

“Enthawi eyo Hezekiya aariiye mwene a o Yuda, Mika a o Moresheti aallotella. Nave ahaalleella athu attheene a o Yuda wi Apwiya Amasiva Mattheene enallota wi, ‘Ziyoni aneerollimiwa wonanko emata, Yerusalemu aneerotthattuwa ntepe nave mwaango wa enyumba ya Apwiya oneerotthattuwa otthako.’

Yeremiya 26:6

enyumba ella kineeroyoononga wonanko kamoonongelleemi Shilo. Vano muzindoolla kineerowutthattusa ello yootembeleleya wa mitundu ddittheddene dda va ellapo yavatthi.’ ”

Masalimo 102:14

Oorumeyellaanyu ennahakallallana mallukwaaye, ennamorella ethakaraka nthupi naye.

Masalimo 74:7

Enyumbaanyu yaayihella munllo, nipuro nno mwakhalleenyumo, yaaniripiha voonikumullani.

Ezekiele 24:21

‘Alleelle Aisraele mawaaka awi, kineeronanariha enyumbaaka eyo mukhanlleenyu muyikotellaka wunchichi. Ennuuyaani m'mwiitthoni mwanyu wunchichi nave munnayikonda ni murimaanyu muttheene. Aniinyu aallopwana ni aatthiyana ayo mwaahiyalleenyu mutulli, eneerewiiphiwa ni nsupada.

Yeremiya 22:14

Ootulli tti oyo anallota wi, “Kineerewiimakella enyumba yuullupalli, ya ezipinda ddamuddullu dduullupalli.” Kineerohiyera mawindo, kineeroyikhomella matabwa amukunguza, kineeroyisiringa ni otooto woofiira.

Hagai 1:3

Vano mawu a Apwiya yaawa oweella mwa namallotella Hagai wi,

Hagai 1:5

Ella sika ekaambiiwa mi Apwiya Amasiva Mattheene kinalloteemi wi mupwathe phaama meetellwaanyu.

Levitiko 19:25

Koma va muyakha waneetthanu, muneerewaakhullelliwa oddicha ezipaso ddiwa. Vano mweera ddenndda miteekho ddanyu ddineerekewimma wunchichi. Mi tti Apwiya Mullukwaanyu.

2 Mamwene 5:26

Koma Elisha aamukohattho wi, “Ethiyo munepaaka khawaawuuvelleelle valle muthoolle akittheeye va nigareta wi uuchingamelle? Ethiyo yeella yaari enthawi yawaakhella makobiri ni ddoowara, emata dda olivi ni dda mmiddo wa mpesa, apaalle eziweto, akaporo aallopwana apaalle aatthiyana?

Oollalleya 3:3

Vookhalla enthawi yawiipha ni enthawi yoochiriha, enthawi yookumulla ni enthawi yoomaka.