Hagai 1:1 - Mawu a Mulluku

¹ Va nllapo nawaamba na mweeri waneetthanu ni mmodda muyakha waneepiilli wa mwene Dariusi, mawu a Apwiya yaawa wa Zerubabele mwaana a Shealatiele, oolamulella a Ayuda navettho wa Yoswa mwaana a Yehozadaki, mullupa mukutho muullupalli, oweella mwa namallotella Hagai wi,

Hagai 1:1 ပူးပေါင်းရင်းမြစ်များ

Ezara 2:2

Yawiille nimodda ni oohoollella monga Zerubabele, Yeshuwa, Nehemiya, Seraya, Reelaya, Mordekai, Bilishani, Mishipara, Bigivai, Rehumu ni Baana.) Echiwerengero ya allopwana a Aisraele yaari,

Ezara 3:8

Vano m'muyakha waneepiilli ephiyalle onipuroni na enyumba ya Mulluku o Yerusalemu mu mweeri waneepiilli, Zerubabele mwaana a Shealatiele ni Yeshuwa mwaana a Yozadaki yahaamba mutteko vamodda ni abaliiwa amodda, allupa mukutho, Alevi ni athu attheene yawiille o Yerusalemu ovenyera wuukaporoni. Yahaatthoolla Alevi awaambeella miyakha 20 oya muhoollo wi ewehereke mutteko woomakattho enyumba ya Apwiya.

Ezara 3:2

Vano aavenya Yeshuwa mwaana a Yozadaki ni allupa mukutho akhwaaye ni Zerubabele mwaana a Shealatiele ni abalaaye yaamba omakattho nikuwa na Mulluku a Aisraele wi evelleellekevo mikutho ddooshellelliha moollikana ni mmo ddilembelliwiiwa mu malamulo a Mose, muthu a Mulluku.

Hagai 2:10

Va nllapo na 24 na mweeri waneetthanu ni sese muyakha waneepiilli wa omwene wa Dariusi mawu a Apwiya yaawa wa namallotella Hagai wi,

Hagai 1:12

Vaavo Zerubabele mwaana a Shealatiele, Yoswa mwaana a Yehozadaki muullupalli a allupa mukutho ni athu amodda attheene ayo yahokollowille wuukaporoni yaheera nnddo Apwiya Mullukwiiwa ellotilliiwa. Yiiwalliiwa mawu a namallotella Hagai oyo Apwiya yamurumalliiwa navettho yahoova wunchichi.

Nehemiya 7:7

Yawiille nimodda ni oohoollella monga Zerubabele, Yeshuwa, Nehemiya, Azariya, Raamiya, Nahamani, Mordekai, Bilishani, Misipereti, Bigivai, Nehumu ni Baana.

Hagai 1:14

Vano Apwiya yaamullipiha murima Zerubabele mwaana a Shealatiele oolamulella a o Yuda ni Yoswa mwaana a Yehozadaki, muullupalli a allupa mukutho komattho ni athu amodda attheene. Yahaamba ophara mutteko woomakattho enyumba ya Apwiya Mulluku Amasiva Mattheene,

Ezara 6:14

Nave oohoollella a Ayuda yaavirellella omakattho nave ddaaneeta phaama mookaviheriwa ni ollotella wa Hagai namallotella ni Zekariya mwaana a Ido. Yaamalliha muttekwiiwa woomakattho moollikana ni Mulluku a Israele ni olamula wa mamwene a o Persiya Kirusi, Dariusi ni Aritakisereksesi.

Hagai 2:20

Nllapo na 24 na mweeri yooyo, mawu a Apwiya yaawa wa Hagai waneepiilli wi,

Hagai 2:4

Komave mi Apwiya Amasiva Mattheene kinallota wi, we Zerubabele ohinatathilla murima, weyaano Yoswa mwaana a Yehozadaki, muullupalli a mullupa mukutho ohitathille murima, nyu attheene muhitathille murima. Virellellani ni mutteko vawi kiri ni nyuwaano.

Nehemiya 12:10

Yeshuwa aamuyara Yoyakimu, Yoyakimu aamuyara Eliyashibu, Eliyashibu aamuyara Yoyada,

Nehemiya 12:1

Nna sika ntthopoollo na allupa mukutho ni Alevi ayo yawiillewo wuukaporoni nimodda ni Zerubabele mwaana a Sealatiele navettho ni Yeshuwa. Allupa mukutho yaari Seraya, Yeremiya, Ezara,

Nehemiya 8:9

Vano Nehemiya oyo aari enduna, Ezara mullupa mukutho ni namalembella, Alevi ayo yaahuddiha athu yaallota wa athu attheene wi, “Nllapo nenna tti naweella wa Apwiya Mullukwaanyu, sika muhimoriwe ethakaraka ni winlla.” Vawi athu attheene yahinlla mvo yiiwalliiwa mawu a malamulwaayo.

Nehemiya 5:14

Navettho waambeella enthawi eyo katthoolliweemi wi kikhalle enduna mu ellapo ya Yuda ovenyera muyakha wa 20 ophiyera muyakha wa 32 wa omwene wa Aritakisereksesi, sika wi miyakha khumi ni miilli, miyaano naari abalaaka khaarivo oyo achille yoocha yoophwanella enduna.

Ezara 4:24

Vano mutteko wa enyumba ya Mulluku mu Yerusalemu wahiimella ophiyera muyakha waneepiilli wa olamulello wa Dariusi, mwene a o Persiya.

Ezara 4:2

yaawa wa Zerubabele ni wa oohoollella mabanja ellota wi, “Hankoni nimakellettho nimodda vawi ninnamullapella Mullukwaanyu moophwanaphwana ni mmo muneerelleenyu nave nookhalla nivelleellaka mikutho wa olliye waambeella enthawi ya Ezaradoni, mwene a o Asiriya oyo anipharelle wuno.”

Ezara 2:63

Enduna yahaalleella wi ehichekena yoocha yaweellesesa ophiyera mullupa mukutho akohe Urimu ni Tumimu.*

Ezara 1:8

Kirusi mwene a o Persiya aaddikhumiha ddenndda addivelleella m'mattani mwa Metiredati, oosunga eyuuma addeerenga vamiitthoni va Sheshibazara, enduna ya o Yuda.

1 Epilli 3:19

Pedaya aamuyara Zerubabele ni Shimei. Zerubabele aamuyara Meshulamu, Hananiya ni Shelomiti, murokoriwa.

1 Epilli 3:17

Yekoniya ari wuukaporoni aamuyara Shealatiele,

2 Mamwene 14:25

Yerobowamu ahaakhattho mapuro mamodda ayo khalle yaari a Israele, ovenyera va mullako wa Hamati echigawo ya ompoto ophiyera ohito wa enyanja ya Araba. Sika ddaheereya nnddo Apwiya Mulluku a Israele yallotilliiwa oweella mwa oorumeyelliiwa Yona mwaana a Amitai, namallotella a o Gatihefere.

1 Mamwene 14:18

Sika Aisraele attheene yaamuvittha nave yaamwinllella moollikana ni mmo Apwiya yamulleelliiwa oorumeyelliiwa, namallotella Ahiya.

Luka 3:27

Yoanani, Resa, Zerubabele, Shalatiele, Neri,

Eksodo 4:13

Koma Mose aallota wi, “Apwiya, koophara mwetwaanyu nave kinuuvekani wi mumurume muthu mmodda.”

1 Mamwene 10:15

oohimweerengella oyo avenyera wa allupa malonda ni alleto ni oyo avenyerattho wa mamwene mattheene a o Arabiya ni wa enduna dda mu ezigawo.

Ezara 5:1

Vano anamallotella Hagai ni Zekariya mwaana a Ido yaallotella wa Ayuda ookhalla mu ellapo ya Yuda ni Yerusalemu vamiitthoni va Mulluku a Israele oyo aari va anamallotellaayo.

Ezara 5:3

Enthawi yeeyo Tatanai enduna ya echigawo ya vakhopella va muhinje, Shetari Bozenai ni akhwiiwa amodda yaawa wa alliwa yaakoha wi, “Ethiyo ttaani uulamunleni wi mwaambeelle omakattho enyumbeelle ni omalliha esiri ddiwa?”

Ezara 10:18

Nave waaphwanyeya wi amodda mwa allupa mukutho yahaatthella atthiyana eelleto. Ovenyera o edduullu dda Yeshuwa mwaana a Yozadaki ni asinne waari Maaseiya, Eliyezere, Yaribu ni Gedaliya.

Hagai 1:2

“Nnddo kinalloteemi mi Apwiya Amasiva Mattheene tti ddawi athwaalla enallota wi enthawi khenakwakhwane yoomaka enyumba ya Apwiya.”

Hagai 1:3

Vano mawu a Apwiya yaawa oweella mwa namallotella Hagai wi,

Hagai 2:21

“Omulleelle Zerubabele oolamulella a o Yuda wi kineerotikha eddullu ni ellapo yavatthi.

Malaki 1:8

Ethiyo munaganiza wi kheviri yoonanara voovelleellani wa miyaano eziweto ddoohoona, ddoorakalla apaalle ddoovoriiwa? Munaganiza wi endunaanyu ttuuwuuhakallallellani apaalle oweerellani echifundo mwavelleella echiweto yawi ddiidda? Mi Apwiya koollota. Mi Apwiya Amasiva Mattheene koollota

Hagai 1:15

va nllapo na 24 na mweeri waneetthanu ni mmodda wa muyakha waneepiilli enthawi yeeyottho Dariusi aariiye mwene.

Zekariya 1:1

Mu mweeri waneetthanu ni raru wa muyakha waneepiilli wa omwene wa Dariusi, mawu a Apwiya yaawa wa namallotella Zekariya mwaana a Berekiya, edduullu ya Ido wi,

Zekariya 3:1

M'masomphenya mamodda Apwiya yaakooniha mullupa mukutho muullupalli Yoswa iimenlle vamiitthoni va mungelo a Apwiya. Nave vakhuviru ni Yoswa vahiimella Satana, akhozekenlle omuhumullulla.