Genesis 9:16 - Mawu a Mulluku

¹⁶ Mwiisherima wooneya m'miraponi, miyaano kineerewoona nave kineerekewuupuwella echipangano yoohimalla ya variyari va miyaano ni ddookumi ddittheddene ddookhalla va ellapo yavatthi.

Genesis 9:16 ပူးပေါင်းရင်းမြစ်များ

Yeremiya 32:40

Kineerokeraatthiha echipangano yoohimalla ni alliwa nave ngihiya oweerella ddaphaama. Kineerewaavaha murima wookova, mwawi ddiiddo khewa ekihiyattho.

2 Samuele 23:5

Vano Mulluku aneerodalisa edduullu ddaka kaambiiwa olliye aheera echipangano yoohimalla ni miyaano. Echipangano yootthopoowa phaama ni yoohimalla. Nndda sika kinakhallelleemi munkhella nave sika ddinaakivulluse, Mulluku sika anaaweere ddenndda.

Genesis 17:19

Koma Mulluku aallota wi, “Iyaayi, mwaariyo Sara sika anuuyarelle mwaana aamullopwana nave aneeromuvaha nnddina nawi Isaki. Kineerokeraatthiha echipanganwaaka ni olliyooyo navettho ni edduullu ddaye muhoollo. Nave echipanganweeyo enaakhalle ya enthawi yoohimalla.

Genesis 17:13

Aphaddiweke arive kaporo ooyariwa mpa mwanyu apaalle kaporo mwamukunlleenyu ni makobiraanyu. Nave yeella ekhalle echizindikiro ya va miilli ddanyu, yawooniha wi echipanganwaaka ni nyuwaano tti ya enthawi yoohimalla.

Aheberi 13:20

Mulluku oovaha murendelle, ahaavenyiha Apwiihu Yesu wa ookhwa. Vano Yesu tti mbusa muullupalli a enkhosa, oyo eerille echipangano yanaanweene yoohimalla oweella mu nikhame naye.

Genesis 17:7

Nave kineerokeraatthiha echipangano variyari va miyaano ni weyaano ni edduullu ddawo muhoollommo nave echipanganweella enaakhalle yoohimalla. Sika miyaano kinaakhalle Mullukwaawo ni Mulluku a edduullu ddawo.

Yesaya 55:3

Apellani maaru nave muwe wa miyaano, kiiwellelle wi mukhalle ni okumi. Kineerokeraatthiha ni nyuwaano echipangano yoohimalla, kineerowoonihani echikondi yoohisintheya ni yoohikayikiha eyo kamulonjezilleemi Davide.

Genesis 9:17

Ella sika echizindikiro ya echipangano eyo kikeraatthihalleemi ni ddookumi ddittheddene dda va ellapo yavatthi.”

Ezekiele 34:26

Kineerewaakeraatthiha athwaaka vakhuviru ni mwaangwaaka nave kineerewaadalisa vawaamorihellani murimu va enthawi yaphaama.

Ezekiele 37:26

Kineerokeraatthihana echipangano yamurendelle. Echipangano yeella eneerokhalla yayiwa wa enthawi yoohimalla. Kineerewaakeraatthiha ni Waaruuwiha nave kineerohiya enyumbaaka variyari viwa wa enthawi yoohimalla.