Genesis 9:15 - Mawu a Mulluku

¹⁵ kineerekewuupuwella echipanganwaaka eyo kakeraatthihalleemi ni nyuwaano ni enama ddittheddene wi echigumula ehiwe yoonongattho ddookumi ddittheddene.

Genesis 9:15 ပူးပေါင်းရင်းမြစ်များ

Deuteronomo 7:9

Ekaamba ya yeella upuwellani wi Apwiya Mullukwaanyu tti Mulluku mmoddave nave tti oororomelleya. Olliye aneerosunga echipanganwaaye nave aneerewooniha echikondi yoohisintheya wa athu a mibado ddooheerengeya dda ayo enamukonda olliye ni wiiwellella malamulwaaye.

Ezekiele 16:60

Koma kineerewuupuwella echipangano kakeraatthihalleemi ni weyaano ovenyera enamwanaawo. Kineereweera echipangano emodda, echipangano yoohimalla.

Masalimo 106:45

Yahuupuwella echipanganwiiwa ekaamba yawaakonda athwaayo. Yaakhurumusa murima ekaamba ya wunnuwa wa echikondiiwa yoohisintheya.

1 Mamwene 8:23

Aavekella wi, “Nyu Apwiya Mulluku a Israele, khaavo Mulluku oophwanaphwana ni nyuwaano, oddullu apaalle va ellapo yavatthi. Munnasunga echipangano ni wooniha echikondi yoohisintheya wa oorumeyellaanyu ayo eneeta vamiitthoni vanyu ni murimiiwa muttheene.

Eksodo 28:12

Ohiye malluku meellaalla va malaamba a vamathurini a efodi, wonanko yawuupusella ya Aisraele. Mwa ettilla yeella, Aroni aneerekewaatukhulla manddinaayo vamathurini nave mi Apwiya kineerekowuupuwella.

Luka 1:72

Aaweerella echifundo makhollwaahu nave ahuupuwella echipanganwaaye yaweella.

Yeremiya 14:21

Muhinitathille ekaamba ya nnddina nanyu, Muhivevulle mpandwaanyu woomwene ni wantitimiho. Upuwellani echipanganwaanyu ni hiyaano nave muhiyitathille.

Nehemiya 9:32

Vano sika nyu Mullukwaahu tti Mulluku Amasiva Mattheene ni awoopiha, munnasunga echipangano ekaamba ya echikondaanyu yoohisintheya. Muhivevulle ddoohoosa nnddo ddinimorelle hiyaano, mamwenaahu, enduna ddahu, allupa mukuthwaahu, anamallotellaahu, makhollwaahu ni athwaanyu attheene ovenyera mu enthawi ya mamwene a o Asiriya ophiyera ollello.

Genesis 8:21

Apwiya yiiwalliiwa nthuko nawaaddivella yaallota wi, “Ngiwa kitembelelattho ellapo kaambiiwa koodduwella wi m'murimani mwa muthu tti moonanara ovenyera enamwanaaye. Ngiwa koonongattho erive ello yookumi wonanko mmo keerenlleemi.

Genesis 9:11

Echipanganweeyo tti yawi, ‘Ngiwa koonongattho ddookumi ddittheddene ni echigumula. Kinimallupella wi echigumula khewa yoonongattho ellapo yavatthi.’ ”

Genesis 9:14

Enthawi ddittheddene mwakhalla mirapo muddullu nave wooneya mwiisherima m'miraponi,

Genesis 9:10

ni ddookumi ddittheddene, epallame, eziweto, enama ddamuhakani ni ddimodda ddittheddene ddakhumalle ni nyuwaano muchomboni.