Genesis 8:21 - Mawu a Mulluku

²¹ Apwiya yiiwalliiwa nthuko nawaaddivella yaallota wi, “Ngiwa kitembelelattho ellapo kaambiiwa koodduwella wi m'murimani mwa muthu tti moonanara ovenyera enamwanaaye. Ngiwa koonongattho erive ello yookumi wonanko mmo keerenlleemi.

Genesis 8:21 ပူးပေါင်းရင်းမြစ်များ

2 Akorinto 2:15

Vawi hiyaano niri wonanko nthuko naphaama phaama noovelleelliwa ni Khrisitu wa Mulluku, nko onavuwihiwa variyari va ayo enaavullusiwe ni ayo ehinaavullusiwe.

Aefeso 5:2

Sika okumaanyu olamulliweke ni echikondi, wonanko mmo Khrisitu ananikondelleeye nave aaheraatthi okumaaye ekaamba ya hiyaano wonanko ya nthuko naphaama yooheraatthiwa ni mukutho woomuhakallalliha Mulluku.

Yeremiya 17:9

“Murima wa muthu tti woolleka okhwaranya ddeko ddittheddene. Tti woonanara moohichiriheya, ttaani anaawore owiiwesesa?

Genesis 6:5

Apwiya vawoonani wi athu a va ellapo yavatthi aananara mwawoopiha navettho wi mirima ddiwa tti ddooddalla ni maganizo oonanara,

Afilipi 4:18

Kookhalla ni erive ello navettho ddawaata. Kookhalla ni ddittheddene kinapaalleemi vawi Epafrodito aawaana wa miyaano emphaso ddanyu ddittheddene. Ddiri wonanko yoovelleelliwa ya nthuko naphaama, yawaakhullelliwa ni yoomuddivella Mulluku.

Aroma 3:23

Arive muthu oochimwa nave oorekamellana ni ntitimiho na Mulluku.

Ezekiele 20:41

Kineerowaakhellani wonanko nthuko naphaama vawuukhumihani variyari va athu a mitundu ddimodda ni wuutthukumanihani ovenyera o ellapo nnddo mwapallalleyelleenyu. Vaavo kineerewooniha weella waka va nyuwaano nave mitundu ddimodda ddineerewoona.

Mateyu 15:19

Vawi m'murimani munnavenyera maganizo oonanara, wiipha, oraruwa, wiiya, omboni wawoottha ni oweerella amodda epewe.

Levitiko 1:13

Koma muthooyo ahuwe marupo ni meto ddene. Nave mullupa mukuthooyo, ayishellellihe enama ettheeneeyo vanikuwani wi okhalle mukutho wooshellelliha, wawoosiwa viikho, wa nthuko nawaaddivella Apwiya.

Oollalleya 7:20

Ddawoona va ellapo yavatthi khaavo muthu aneera ddoolungama woohichimwa naari vang'ono.

Levitiko 1:9

Koma muthooyo ahuwe marupo ni meto ddene. Nave mullupa mukutho ayishellellihe enama ettheeneeyo vanikuwani wi okhalle mukutho wooshellelliha, wawoosiwa viikho, wa nthuko nawaaddivella Apwiya.”

Genesis 3:17

Vatulli viwattho Mulluku aallota ni mullopwanooyo wi, “Ekaamba yawi waamwiiwellella mwaariyo voochani muteekho kuulamulalleemi wi ohiche, ethaya eneerotembeleliwa ekaamba ya weyaano. Onaaphareke mutteko wanikhurumella enthawi ettheene ya okumaawo.

Yohane 3:6

Athu enaayara athu, Munepa Waawella ttuuwora ovaha okumi wa minepa ddiwa.

Yesaya 53:6

Attheene naahollowa wonanko enkhosa, arive muthu mwa hi eetella ddaaye, koma Apwiya yaamureya olliye machimwaahu.

Masalimo 58:3

Athu oonanara tti oohollowa waambeella eri m'murimani mwa ameewa, athu anamullota tti ootathiya waambeella nllapo na oyariwa wiwa.

Masalimo 51:5

Ddawoona, kaayarelliwa mu machimo, kaakhalla mu machimo waambeella mvo amoowaaka yakusalliiwa erukullu ya miyaano.

1 Yohane 5:19

Ninnadduwella wi niri a Mulluku naari ellapo yavatthi ettheene elamuliwaka ni Oonanarooyo.

Aroma 1:21

Vawi naari edduwenlle dda Mulluku, khenamutitimiha moophwanellella naari omuthokoza. Nave maganizwiiwa tti oohikhalla ni mutteko nave mirima ddiwa ddookarangeya ddooddalla ni epiphi.

Yeremiya 18:12

Koma alliwa eneerewaakhulla wi, ‘Ddennddo khaddinna mutteko. Nineereke ddoopaalla ddahu nave arive muthu anaathwareke ddoonanara dda murimaaye wawumma.’ ”

Miyambo 20:9

Ttaani anaallote wi, “Kooweelliha murimaaka nave nginna nichimo?”

Yobu 14:4

Ethiyo ttaani anaakhumihe yaphaama mu yoonanara? Khaavo naari mmodda.

Levitiko 1:17

Vatulli viwa ayitthalle variyari, nuuphello nimodda nngu, nimodda nngu koma woohivenyihavo muuphellwaayo. Nave eyishellellihe epallame ettheeneeyo vanikuwani wi okhalle mukutho wooshellelliha, wawoosiwa viikho, wa nthuko nawaaddivella Apwiya.”

Eksodo 29:25

Sika oddikuse nndde ovenyera m'mattani mwiwa nave oddishellellihe va nikuwa ni mukutho wooshellelliha wi ddikhalle mukutho wa nthuko nawaaddivella Apwiya, mukutho wawoosiwa viikho woovelleelliwa wa Apwiya.

Eksodo 29:18

Nave oshellellihe enkhosa ettheeneeyo va nikuwamvo. Yooyo onaakhalle mukutho wooshellelliha woovelleella wa Apwiya, mukutho wa nthuko nawaaddivella, wawoosiwa viikho.

Genesis 6:17

Kineeromurupiha murimu a echigumula va ellapo yavatthi wi oononge erive ello yookumi. Ddeko ddittheddene dda va ellapo yavatthi ddineerokhwa,

Yeremiya 8:6

Kahaapella maaru nave kahiiwa koma kheyaallotillevo ddawoona. Khaavo arive oochimwa oyo oonihalle wi oolapa anallota wi, ‘Kenre tini mi?’ Koma arive muthu anathwara ettilla ddaye wonanko kavalo oothamakella ekhoto.

Yesaya 65:6

Ngeera ellapo tuu, mullatwiiwa koowulemba khalle. Ddawoona, kineerewaahokollosella ddoonanara ddiwa.

Yesaya 48:8

Koma eyariwellwaawo khonaddiiweke, eyariwellwaawo khawaaddidduwenlle, waambeella khalle maarwaawo kheyaahulliwe, vawi kaadduwella wi ori namasikita, wi waambeella enamwanaawo yahuuromolla oohiroromelleya.

Yesaya 47:15

Mmo sika enuukaviherelliiwa athu ayo waphareewena mutteko, weetiheewena malonda waambeella enamwanaawo. Attheenaayo eneeropallalleya, khavihalla naari mmodda wi uuvulluse.”

Yesaya 47:12

Halla ni manyakaawo ni masengaawo vawi wookhalla opharihaka mutteko waambeella enamwanaawo. Apaalle ttuuwuukavihera, apaalle ttuuwoopopihana adanaawo.

Levitiko 26:31

Kineerotthattusa mizinda ddanyu wi ddikhalle matepe, kineerotthattusattho mapurwaanyu oollapellellamo wi ehikhalle ni athu nave ngaakhullella wi kiiwe nthuko nookiddivella na ddoovelleella ddanyu.

Genesis 5:29

nave aallota wi, “Mwaana yoolla aneeronivevulla o mitteko ddahu ddoovoreyanndda ddoollima ethaya eyo yatembeleliwe ni Apwiya.” Sika mwaanooyo yaamuvaha nnddina nawi Nowa.

Genesis 4:12

Weesa ollima mmiddo, ethayeeyo kheyimmihaka nave onaakhalle muthu aweeteeta va ellapo yavatthi, aweeteeta shisha nave oohikeraattheya nipuro nimodda.”

Genesis 6:7

vano Apwiyaayo yaallota wi, “Athu attheene kaaphatusalleemi kineerewaatthollosa. Kineerewoonongattho enama ddittheddene ni ddawaapadda ddene ni epallame kaambiiwa kinnamoriwa ethakaraka wi kaaphatusa ddenndda.”

Genesis 6:13

Sika Mulluku aamulleella Nowa wi, “Koosimikiza ni murima muttheene wi kiwoononge athu attheene. Kineerewaatthollosa ekaamba yawi ellapo yavatthi ettheene yooddalla ni echiwawa.

Levitiko 4:31

Vano avenyihe makhuriiwa mattheene, wonanko mmo enaavenyihelliiwa makhura a mukutho wa eyaattano nave mullupa mukutho ashellellihe vanikuwaninno wi ekhumihe nthuko nawaaddivella Apwiya. Mwawi ddiidda aheraatthi mukutho woopepesella machimo ekaamba ya nichimo na muthu shisha nave aneerokhululukelliwa.

Levitiko 8:28

Vatulli viwa Mose aakusamo m'mattani mwiwammo aaddishellelliha vanikuwani ni mukutho wooshellellihoolle wi okhalle mukutho woomuzozella mullupa mukutho, wawoosiwa viikho, wa nthuko nawaaddivella Apwiya.

Numeri 15:3

mwavelleelleke wa Apwiya mukutho wa eng'ombe, enkhosa apaalle epuri, wawoosiwa viikho apaalle wooshellelliha apaalle woollupella apaalle wa opaalla wanyu va enthawi ya ehakallallo ddootthoolliwa wi ddikhalle mukutho wa nthuko nawaaddivella Apwiya.

1 Samuele 26:19

Nyu apwiyaaka amwene, apellani maaru nnddo kinaallote mi mullupa muttekwaanyu. Yaarimi eri Apwiya eweerihalleni wi mukiwukile onapaalleya waapepesa ni mukutho. Koma yaarimi eri athu, Apwiya yaatembelele vawi aakiikariha wi kihikhallekena mu yoohallana ya Apwiya koma wi kallapelleke milluku ddimodda.

Masalimo 58:4

Aakhalla ni nttipwi wonanko na enowa, tti wonanko namarawe oohiiwa, eyo ewanlle maarwiiwa.