Genesis 7:21 - Mawu a Mulluku

²¹ Ddookumi ddittheddene ddookhalla va ellapo yavatthi ddaakhwa, monga epallame, eziweto, enama ddamuhakani, mulloko wa ddawaapadda ddoohiyanahiyana ni athu attheene.

Genesis 7:21 ပူးပေါင်းရင်းမြစ်များ

Genesis 6:13

Sika Mulluku aamulleella Nowa wi, “Koosimikiza ni murima muttheene wi kiwoononge athu attheene. Kineerewaatthollosa ekaamba yawi ellapo yavatthi ettheene yooddalla ni echiwawa.

Genesis 7:4

Vavira mallapo matthanu ni meelli, kineeromurupiha murimu va ellapo yavatthi mallapo 40, otthaana ni mahiiyu wi ddookumi ddittheddene kaddiphatusalleemi dditthollowe.”

Genesis 6:17

Kineeromurupiha murimu a echigumula va ellapo yavatthi wi oononge erive ello yookumi. Ddeko ddittheddene dda va ellapo yavatthi ddineerokhwa,

Aroma 8:20

Vawi erive ello eyo yaphatusiwe yaheerihiwa wi elamulelliweke ni ddeko ddoohikhalla ni mutteko, ohiri ni opaalla wiwa koma kaambiiwa Mulluku aapaalla wi ddikhalle ddiiddo. Koma waakhalla otiyerella

2 Petro 2:5

Mulluku khaawalleville khalle athu a va ellapo yavatthi koma ahaarumiha maaddi eddalla va ellapo yavatthi ya athu oohimullapella Mulluku. Ayo aavullusalleeye tti Nowa, oyo allalleya dda echilungamo ni athu amodda atthanu ni eelli.

Aroma 8:22

Vawi ninnadduwella wi ophiyera vano ddoophatusiwa ddittheddene ddinniipullella ekaamba ya ovoreya, ovoreya wene wonanko mutthiyana aayaraka.

Luka 17:27

Athu yaamoona ocha ni owirya, yaatthella ni otthelliwa, ophiyera nllapo nenno Nowa avollowilleeye mukallawani nave maaddi yaawa ewiipha athu attheene.

Mateyu 24:39

Kheyaadduwenlle ello ophiyera maaddi yaasefukella ni waakusa attheene. Owa wa miyaano, Mwaana a Muthu, onaakhalle wawi ddiidda.

Zefaniya 1:3

Kineerowoononga athu ni enama ddene, kineerowoononga epallame ddamuddullu ni ehomba ddamunyanja, kineerewaatthollosa athu oochimwa, kineerowoononga athu attheene waavenyiha va ellapo yavatthi,” Mi Apwiya koollota

Yowele 2:3

Munllo onnallandda muhoollo mwiwa, mutulli mwiwa, munllo onnaviha, owiitthoni wiwa ellapo tti wonanko emata ya Edeni, otulli wiwa tti wonanko echipululu moohikhalla ello, khaavo anaavulluwe.

Hoseya 4:3

Sika ekaambiiwa ettalla enaamoriiwa mwiillaponi nave attheene ookhallamo eneerokhwa vamodda ni enama ddamuhakani, epallame ddoovava ni ehomba ddamunyanja.

Yesaya 24:19

Ellapo yavatthi eneeronyenyeya, eneerotthaalla wunchichi ni otikheya mwamasiva.

Yesaya 24:6

Sika Apwiya aatembelela ellapo yavatthi nave athu ennahoowa ekaamba ya machimwiiwa. Alliwa yoomallihiwa nave oohalla tti ooyeva.

Genesis 1:25

Sika Mulluku aaphatusa enama ddamuhakani, eziweto ni ddawaapadda, ddittheddenenndda moollikana ni mitundu ddiwa. Nave Mulluku ahoona wi nndda ddaari ddaphaama.

Yobu 34:15

ddaano ddookumi ddittheddene ddonongeyille, ddaano athu attheene ehokollweelle onthupini.