Genesis 7:1 - Mawu a Mulluku

¹ Apwiya yaamulleella Nowa wi, “Vollowa muchomboni weyaano ni nibanja nawo. Kohoona tti weekhave oolungama variyari va athu attheene a mbadoolla.

Genesis 7:1 ပူးပေါင်းရင်းမြစ်များ

Genesis 6:9

Nna sika ntthopoollo na Nowa. Nowa aari muthu oolungama ni oohichimwa vamiitthoni va Mulluku. Nave mum'badwaaye aari yooyove aattanille ni Mulluku.

Aheberi 11:7

Ekaamba ya echikhulupililo, Mulluku aamuchenjeza Nowa dda ddeko ddamuhoollo nnddo ddaari ddihinooneye. Ahiiwellella nave aamaka ekallawa wi aavullusellemo athu attheene a mu nibanja naye. Sika ahaavaanyiha athu a ellapo yavatthi wi tti oochimwa nave ahaakhella echilungamo yoovenyera o echikhulupililo.

Genesis 7:13

Va nllapo nenno, Nowa ni mwaariye ni anaaye aallopwana, Shemu, Hamu ni Yafeti ni awariwa, yaavollowa muchomboni.

1 Petro 3:20

Ddenndda tti minepa dda ayo yahimwiiwellelle Mulluku atiyereeye mookhurumusa murima m'mallaponi ayo Nowa amakeeye ekallawaaye. Vano athu ooyeva atthanu ni araru, yaavullusiwa m'maaddini.

Mitteko 2:39

Vawi olonjeza wenko tti wa nyuwaano ni wa aniinyu ni athu attheene ayo eri woorekama, attheene ayo Mulluku Apwiihu anaawiithaneeye.”

Luka 17:26

Ddakhallelliiwa enthawi ya Nowa, ddinaakhallettho ddiiddo enthawi ya miyaano, Mwaana a Muthu.

Zefaniya 2:3

Nyu attheene awiiyeviha, waashaasheni Apwiya, nyu muniiwellella malamulwiiwa. Ashaashani echilungamo ni wiiyeviha apaalle ttuuvulluwa va nllapo na osha murima wa Apwiya.

Miyambo 14:26

Muthu anawoova Apwiya ookhalla ni echikhulupililo yoollipa nave anaaye eneerokhalla ni voothawellavo.

Genesis 7:7

Olliye ni mwaariye owaakattho anaaye ni awariwa yaavollowa muchomboni, othawa echigumuleeyo.

Miyambo 18:10

Nnddina na Apwiya niri wonanko nttattha noollipa, oolungama annathamakella athawellamo.

Miyambo 10:9

Aweeta mwawookowa khanoova koma ookhoromaniha ettilla ddaye aneerophariwa.

Luka 1:6

Eellaalla yaari oolungama vamiitthoni va Mulluku nave yahiiwellella phaama malamulo ni ddoolamulella dda Apwiya.

2 Samuele 22:24

Ngaari ni mullatu vamiitthoni vaye kaanaarapa machimo mu okumaaka.

Ezekiele 14:14

Naari athu araru, Nowa, Daniele ni Yobu yaariki wenko yaavulluse okumiiwave ekaamba ya ororomelleya wiwa. Mi Apwiya Mulluku koollota.”

Genesis 6:18

koma kineerokeraatthiha echipangano ni weyaano. Ovollowe muchomboni weyaano ni mwaariyo owaakattho anaawo ni awariwa.