Genesis 6:9 - Mawu a Mulluku

⁹ Nna sika ntthopoollo na Nowa. Nowa aari muthu oolungama ni oohichimwa vamiitthoni va Mulluku. Nave mum'badwaaye aari yooyove aattanille ni Mulluku.

Genesis 6:9 ပူးပေါင်းရင်းမြစ်များ

Luka 1:6

Eellaalla yaari oolungama vamiitthoni va Mulluku nave yahiiwellella phaama malamulo ni ddoolamulella dda Apwiya.

Aheberi 11:7

Ekaamba ya echikhulupililo, Mulluku aamuchenjeza Nowa dda ddeko ddamuhoollo nnddo ddaari ddihinooneye. Ahiiwellella nave aamaka ekallawa wi aavullusellemo athu attheene a mu nibanja naye. Sika ahaavaanyiha athu a ellapo yavatthi wi tti oochimwa nave ahaakhella echilungamo yoovenyera o echikhulupililo.

2 Petro 2:5

Mulluku khaawalleville khalle athu a va ellapo yavatthi koma ahaarumiha maaddi eddalla va ellapo yavatthi ya athu oohimullapella Mulluku. Ayo aavullusalleeye tti Nowa, oyo allalleya dda echilungamo ni athu amodda atthanu ni eelli.

Genesis 7:1

Apwiya yaamulleella Nowa wi, “Vollowa muchomboni weyaano ni nibanja nawo. Kohoona tti weekhave oolungama variyari va athu attheene a mbadoolla.

Genesis 5:24

Olliye ahaattana ni Mulluku mu okumaaye muttheene. Nave Enoki khaawooneyillettho, ekaamba yawi Mulluku aamukusa.

Agalatiya 3:11

Vano, onnadduwanyeya wi khaavo muthu aneeriwa oolungama ni Mulluku vawiiwellellani malamulo kaambiiwa mawu a Mulluku eni, “Muthu oyo alungamihiwe ni Mulluku oweella mu echikhulupililo aneerokhalla ni okumi.”

Genesis 17:1

Abramu ari ni miyakha 99 Apwiya yaamooneyella emulleella wi, “Mi tti Mulluku Amasiva Mattheene. Vano wiiwellelleke enthawi ddittheddene nave ohichimweke

Genesis 5:22

Enoki ahaattana ni Mulluku nave aakhalla ni okumi miyakha ddimodda 300. Ahaayarattho anamwani amodda aallopwana ni aatthiyana.

Ezekiele 14:14

Naari athu araru, Nowa, Daniele ni Yobu yaariki wenko yaavulluse okumiiwave ekaamba ya ororomelleya wiwa. Mi Apwiya Mulluku koollota.”

Yobu 1:1

Vaakhalla muthu mmodda mu ellapo ya Uzi nnddina naye Yobu. Muthoolla aari oohichimwa, oolungama, ooheera ddoonanara ni oomoova Mulluku.

Genesis 2:4

Ella sika epilli yakhalle ya ophatusiwa wa ellapo yavatthi ni ddittheddene ddooddullu. Va enthawi eyo Apwiya Mulluku yaphatusiiwa ellapo yavatthi ni ddeko ddittheddene ddooddullu,

1 Petro 2:5

Waani wonanko malluku ookumi wi nyuwaano mupharihiwe mutteko voomakani enyumba ya Munepa, nko munaarumeyelleke wonanko allupa mukutho aweella oheraatthi wa Mulluku mukutho wa Munepa ni wawaakhelliwa oweella mwa Yesu Khrisitu.

Oollalleya 7:20

Ddawoona va ellapo yavatthi khaavo muthu aneera ddoolungama woohichimwa naari vang'ono.

Mitteko 10:22

Alliwaayo yahaakhulla wi, “Korineliyo, akhoto muullupalli a o Roma a mulloko wa akhoto 100 sika anirumalle. Olliyoolla tti muthu oolungama ni oomoova Mulluku nave Ayuda attheene ennamuvaha olemu. Mungelo a Mulluku sika amulleelle wi awiithaneni muye onyumbani waye wi iiwe eyo munaalloteenyu.”

Ezekiele 14:20

Naari athu araru Nowa, Daniele ni Yobu yaariki wenko akumi kheyaawore waavullusa aniiwa. Yaavulluse okumiiwave ekaamba ya echilungamwiiwa.”

Yobu 1:8

Apwiya yaamukohattho Satana wi, “Ethiyo woomoonesesa oorumeyellaaka Yobu? Khaavo mmodda wonanko olliyooyo veellaponi yavatthi. Olliye tti oohichimwa, oolungama, ooheera ddoonanara ni oomoova Mulluku.”

Aroma 1:17

Vawi othengoolla onuupullulla wi echilungamo eneeriiwa ni Mulluku oweella mu echikhulupililove. Mawu a Mulluku eni, “Muthu oyo alungamihiwe ni Mulluku oweella mu echikhulupililo aneerokhalla ni okumi.”

Luka 23:50

Waakhalla muthu mmodda nnddina naye Yosefe oovenyera o Arimateya, etawoni ya Ayuda. Aari muthu aphaama ni oolungama. Nave aari oodduwanyeya a attekweene a millatu a Ayuda* nave aanatiyerattho owa wa omwene wa Mulluku. Nave muthoolla khaawiiwanane ni attekweene a millatu a Ayuda ddawi Yesu iiphiwe.

Luka 2:25

Mallapo yaayo waakhalla mullopwana o Yerusalemunko nnddina naye Simiyoni. Aari muthu oolungama, oomwiiwellella Mulluku, atiyera enthawi yawi Mulluku aavulluse a Israele nave Munepa Waweella aari va olliyooyo.

Habakuku 2:4

Ngoonani, oyo ahinna murima woolungama khavulluwa koma oolungama eneerokhalla ni okumi ekaamba ya echikhulupililwiiwa.”

Miyambo 4:18

Koma ettilla ya athu oolungama tti wonanko owala wa ohinase nko onaanjerereya vang'ono vang'ono ophiyera otthaana.

Masalimo 37:37

Ngoona, muthu oohilakwa nave oolungama, amurendelle ookhalla ni edduullu ddinchichi.

2 Epilli 15:17

Olliye khaavenyihalle mapuro oollapellamo mafano o Israele komave Asa aari oororomelleyesesa mu enthawi ettheene ya okumaaye.

Genesis 48:15

Nave aamudalisa Yosefe voollotani wi, “Mullukwaaka oyo makhollwaaka Abrahamu ni Isaki yamurumeyelliiwa, Mulluku oyo akihoollelle mu okumaaka muttheene ophiyera ollello,

Yobu 12:4

Kinnattheyiwa ni akhwaaka, miyaano oyo kaveka wa Mulluku, aanakaakhulla, muthu oolungama ni oohichimwa, koma ollello kiri oottheyiwa.

1 Mamwene 3:6

Nave Solomoni ahaakhulla wi, “Mwaahooniha echikondi yuullupalli ni yoohisintheya wa attiitthaaka Davide, oorumeyellaanyu kaambiiwa yaari oororomelleya, eechilungamo ni aphaama vamiitthoni vanyu. Nave mwaavirellella owooniha echikondi yuullupalli ni yoohisintheya vawaavahani mwaana oyo vano akeraatthille va mpandwiiwa woomwene.

2 Epilli 25:2

Vano aheera ddoolungama vamiitthoni va Apwiya koma ohiri ni murima woororomelleya.

Genesis 10:1

Nna sika ntthopoollo na edduullu dda Nowa, Shemu, Hamu ni Yafeti. Mwa anamwani ararwaalla mwaayariwa allopwana eviralle echigumuleelle.

Genesis 5:1

Nna sika ntthopoollo ya edduullu dda Adamu. (Mulluku voomuphatusani muthu, amuphatusalle moophwanaphwana ni olliyooyo.

Genesis 6:10

Aari ni anamwani aallopwana araru, Shemu, Hamu ni Yafeti.

Deuteronomo 18:13

Nyuwaano mukhalle oororomelleya wunchichi vamiitthoni va Apwiya Mullukwaanyu.

2 Samuele 22:24

Ngaari ni mullatu vamiitthoni vaye kaanaarapa machimo mu okumaaka.

Masalimo 37:39

Ovullusiwa wa oolungama onavenyera wa Apwiya. Apwiya sika woothawellawo wiwa va enthawi ya ddookatamiha.