Genesis 6:13 - Mawu a Mulluku

¹³ Sika Mulluku aamulleella Nowa wi, “Koosimikiza ni murima muttheene wi kiwoononge athu attheene. Kineerewaatthollosa ekaamba yawi ellapo yavatthi ettheene yooddalla ni echiwawa.

Genesis 6:13 ပူးပေါင်းရင်းမြစ်များ

1 Petro 4:7

Omalla wa ddeko ddittheddene wohaatamella. Munaphwanella mwiihiiheeke nave muchenjere sika wi muworeke ovekella.

Amosi 8:2

Apwiya yaakikoha wi, “We Amosi, ethiyo onooneeweeyo tti tini?” Nave kahaakhulla wi, “Mutaanga wa ezipaso ddawiithwa.” Vano Apwiya yaakilleella wi, Enthawi ya mamallihello a Aisraele, athwaaka yoophiya, nave ngaamorellattho ethakaraka.

Genesis 7:23

Apwiya yahoononga ddookumi ddittheddene dda va ellapo, athu, enama, ddawaapadda ni epallame. Nowa yeekhave aavulluwa ni attheene aariiyena muchomboni.

Genesis 6:4

Va mallapo yaayo naari vatulli viwattho vaakhalla athu amasiva ni oorekama va ellapo yavatthi ayo yaari edduullu dda atthiyana alle yatthelliwe ni anamwani aallopwana a Mullukwaalle. Alliwaalla yaari anamwani oodduwelliwa navettho athu oovuwa va mallapo akhallaayo.

Aheberi 11:7

Ekaamba ya echikhulupililo, Mulluku aamuchenjeza Nowa dda ddeko ddamuhoollo nnddo ddaari ddihinooneye. Ahiiwellella nave aamaka ekallawa wi aavullusellemo athu attheene a mu nibanja naye. Sika ahaavaanyiha athu a ellapo yavatthi wi tti oochimwa nave ahaakhella echilungamo yoovenyera o echikhulupililo.

Yeremiya 51:13

Nyu mookhalla ni mihinje ddinchichi nave mookhalla ni eyuuma koma enthawi yohuumallellani, okumaanyu woomalla.

Genesis 49:5

“Simeoni ni Levi tti amoddamoddave. Enaphariha mutteko ezida ddiwa dda ekhoto vaweerani echiwawa.

Genesis 6:14

Omake echombo ni matabwa a muteekho wa nnjalle. Okawe ezipinda muwarimmo nave oyimare ni onyoma otte ni muwari mwene.

Genesis 7:4

Vavira mallapo matthanu ni meelli, kineeromurupiha murimu va ellapo yavatthi mallapo 40, otthaana ni mahiiyu wi ddookumi ddittheddene kaddiphatusalleemi dditthollowe.”

Genesis 7:21

Ddookumi ddittheddene ddookhalla va ellapo yavatthi ddaakhwa, monga epallame, eziweto, enama ddamuhakani, mulloko wa ddawaapadda ddoohiyanahiyana ni athu attheene.

Genesis 8:21

Apwiya yiiwalliiwa nthuko nawaaddivella yaallota wi, “Ngiwa kitembelelattho ellapo kaambiiwa koodduwella wi m'murimani mwa muthu tti moonanara ovenyera enamwanaaye. Ngiwa koonongattho erive ello yookumi wonanko mmo keerenlleemi.

Yesaya 34:1

Nyu athu a mitundu ddittheddene, waani vakhuviru wi mwiiwe! Nyu athu, ellapo ni ddittheddene ddookhalla mwemmo, iwani!

Amosi 3:7

Ddawoona, Apwiya Mulluku kheneera ello ehinaawululelle owaarumeyelliiwa, anamallotella.