Genesis 50:24 - Mawu a Mulluku

²⁴ Nave ahaalleella asinne wi, “Onnoonathi wi kiri vakhuviru okhwa koma Mulluku aneerokhalla ni weyaano nave aneerewuuhokollosella o ellapo allupenlleeye wa makhollwaanyu Abrahamu, Isaki ni Yakobo.”

Genesis 50:24 ပူးပေါင်းရင်းမြစ်များ

Genesis 35:12

Kineerewuuvaha ellapo eyo kamvahilleemi Abrahamu ni Isaki. Ellapo yeella kineeroyivahattho wa edduullu ddawo, weyaano wakhwa.”

Genesis 26:3

Khalla wuno wonanko mulleto nave miyaano kineerokhalla ni weyaano. Kineerewuudalisa voovelleellani ellapo ddittheddenenndda wa weyaano ni edduullu ddawo. Vawi kineerosunga ollupella nko kallupenlleemi ni attiittho Abrahamu.

Genesis 28:13

Nave Apwiya yahiimella vakhwipi ni olliye emulleella wi, “Mi tti Apwiya Mulluku a nikhollo nawo Abrahamu ni attiittho Isaki. Ellapo onakoneewemweella kineerewuuvaha weyaano ni edduullu ddawo.

Genesis 48:21

Vatulli viwa Yakobo aamulleella Yosefe wi, “Onnoonathi wi kiri vakhuviru okhwa koma Mulluku akhalla ni weyaano nave aneerewuuhokollosella o ellapo ya makhollwaawo.

Genesis 46:4

Miyaano kineerooya nimodda ni weyaano o Iguputo nave edduullu ddawonnddo kineeroddihokollosellattho weewuno. Yosefe aneerokhalla ni weyaano va enthawaawo yookhwa.”

Genesis 15:18

Nllapo nenno Apwiya yaapangana ni Abramu. Yaallota wi, “Kinimalonjeza wi kineeroddivaha edduullu ddawo ellapo ettheeneella ovenyera o muhinje wa o Iguputo ophiyera o muhinje muullupalli wa Yufurate.

Genesis 15:7

Sika Apwiya yaamulleella Abramu wi, “Mi tti Apwiya oyo kuukhumihalle o Uri a o Babiloni wi kuuvahe ellapweella wi ekhalle yaawoyaawo.”

Genesis 13:17

Vano timulla ni weetella ellapo ettheeneeyo vawi kineerewuuvaha.

Genesis 13:15

Kineerewuuvaha weyaano ni edduullu ddawo ellapo ettheene onooneeweeyo. Nave enaakhalle yaawoyaawo enthawi ddoohimalla.

Genesis 12:7

Vano Apwiya yaamooneyella Abramu emulleella wi, “Ellapo yeella kineerovaha edduullu ddawo.” Sika va nipuro nenno Abramu ahaamakella nikuwa Apwiya ayo yamooneyelle.

Aheberi 11:22

Ekaamba ya echikhulupililo, Yosefe ari vakhuviru okhwa, aallota dda okhuma wa Aisraele mu Iguputo. Vano ahaalleella wi ekuse makhuvaaye yaakhumaka.

Aheberi 9:27

Arive muthu anakhwa omodda nave vatulli viwa aneeruziwa.

Aroma 5:12

Machimo yaavollowille mu ellapo yavatthi ekaamba ya muthu mmodda, Adamu nave machimo yaalla yaawaana okhwa. Ekaamba ya yeella okhwa woohaphiyera athu attheene kaambiiwa arive muthu aachimwa.

Oollalleya 12:7

Vano mwiilli oneerohokollweella mu ethaya wonanko wakhallelliiwa. Munepa oneerohokollweella wa Mulluku mwaneena oyo awuvelleellille.

Oollalleya 12:5

Oneerekewoova oya mapuro oowella nave weeta onaakhalle wawoopiha. M'muruni mwawo muneeromella embwi nave oneerokolephela wiithunya m'musewuni navettho osilila oneerewuumallella. Attheene nineeroya ninaakhallekeehuwo mallapo oohimalla nave narowa vineerokhalla winlla m'misewuni.

Yobu 30:23

Vawi kinnadduwella wi munakiyaana wuukhwaani, o nipuro wookumanella ookumi attheene.

Deuteronomo 6:10

“Apwiya Mullukwaanyu yallupenlliiwa wa makhollwaanyu, Abrahamu, Isaki ni Yakobo wi eneerewuuvahani nyuwaano ellapo ya mizinda dduullupalli ni ddeeyuuma nnddo nyuwaano mwahimakilleenyu.

Deuteronomo 1:8

Ettheeneella sika ellapo eyo kinayivelleelleemi wa nyuwaano. Muvollowe ni waakha ellapo eyo mi Apwiya Mullukwaanyu kallupenlleemi wi kineerewaavaha makhollwaanyu, Abrahamu, Isaki ni Yakobo ni edduullu ddiwa ddittheddene.’ ”

Numeri 32:11

‘Ddawoona, khaavo naari mmodda mwa athu ookhuma mu Iguputo waambeella a miyakha 20 oya muhoollo oyo anaawoone ellapo eyo kallupenlleemi wi kineeromuvaha Abrahamu, Isaki ni Yakobo kaambiiwa kheyaakiiwellelle.

Eksodo 33:1

Vano Apwiya yaamulleella Mose wi, “Ovenyewo wuno ni athu ayo waakhumihalleewe o Iguputo nave oye o ellapo eyo kallupenlleemi wi kineeromuvaha Abrahamu, Isaki ni Yakobo voollotani wi, ‘Ellapo yeella kineeroyivaha wa edduullu ddanyu.’

Eksodo 4:31

Vano Aisraelaalle yaakhulupilila ddennddo. Sika yiiwalle wi Apwiya yaawa wa alliwa nave yahoona ohoosiwa wiwanko, yaakokhora emullapella Mulluku.

Genesis 50:5

‘Attiitthaaka eri vakhuviru okhwa, yaakillupelliha wi kaavitthe mu mahame ayo yiikatenlliiwa weekhiiwa mu ellapo ya Kanani. Sika kinimuuvekani wi mukaakhullelle wi kaavitthe attiitthaaka, vatulli viwa kineerohokollowattho.’ ”

Genesis 21:1

Apwiya yaamuupuwella Sara voomweerellani nnddo yamulonjezilliiwa.

Genesis 17:8

Ellapo ella onakhalleewemo wonanko mulleto, kineerewuuvaha weyaano ni edduullu ddawo. Ellapo ettheene ya Kanani enaakhalle ya edduullu ddawo wa enthawi yoohimalla nave miyaano kineerokhalla Mullukwiiwa.”

Genesis 3:19

“Onaaphareke mutteko wanikhurumella, ophiyera enthawi yoohokollweella othayani nko wavenyereewewo. Wavenyere othayani, oneerohokollweellattho othayani wenko.”

Genesis 15:8

Koma Abramu aakoha wi, “Apwiya Mulluku, ethiyo kinaadduwelle mwawiidde wi ellapweella enaakhalle yaaka?”

Eksodo 3:8

Kookittha wi kaavulluse wa Aiguputo ni waakhumiha mu ellapo yeeyo wi kaavollochihe mu ellapo yuullupalli ni yaphaama, ellapo yooddalla ni mukaka ni enwi. Enakhallamo tti Akanani, Ahiti, Aamori, Aperezi, Ahivi ni Ayebusi.

Eksodo 13:19

Mose aakusa makhuva a Yosefe, ekaamba yawi Yosefooyo aari aallupellihalle khalle Aisraelaalle voollotani wi, “Ddawoona, Mulluku aneerewuuweherani phaama nave vano muneerotukhulla makhuvaaka mwaatthaamaka wuno.”

Yoswa 24:32

Vano makhuva a Yosefe ayo Aisraele yaakusalliiwa o Iguputo yahaavittha o Shekemu o echigawo eyo Yakobo akullalleeye wa edduullu dda Hamori, attiitthinnya a Shekemu, va mutengo wa makobiri manchichi. Nave ellapweeyo yaatthattuwa yoohallana ya edduullu dda Yosefe.

Genesis 47:29

Vano ari vakhuviru okhwa, aamwiithana Yosefe amulleella wi, “Waarimi okikondaka, okiphare muwari mwa kasambaraakammu nave ollupelle wi oneerokeerella echifundo ni ororomelleya navettho wi mutembwaaka ohivitthiwe o Iguputo wuno.

Eksodo 12:41

Va nllapo nenno mvo miyakha 430 ddamalliiwa, malloko mattheene a athu a Apwiya yaavenyawo o Iguputo.

Eksodo 12:51

Sika nllapo nno Apwiya yaakhumihalliiwa Aisraele o Iguputo m'millokoni mwiwa.