Genesis 50:19 - Mawu a Mulluku

¹⁹ Koma Yosefe ahaalleella wi, “Muhoove iyaayi. Miyaano ngiwora wiihiya munipuroni na Mulluku.

Genesis 50:19 ပူးပေါင်းရင်းမြစ်များ

Aroma 12:19

Ookondiwaaka, muhihokolloselleke yoonanara koma m'muhiyere Mulluku ahokolloselle moollikana ni osha murima waye. Vawi aallota mu mawaaye wi, “Ohokollosella ddoonanara tti waaka, miyaano sika kinallaka.”

Genesis 45:5

Koma vano muhitathille murima apaalle wiishella murima nyookha ekaamba yawi mwaakikulliha vawi Mulluku mwaneena sika akirumihalle khalle wuno wi vawi ddiiddo avulluse okumaanyu.

Genesis 30:2

Yakobo aamushella murima Rakele voomulleellani wi, “Ngiwora ovollowa munipuroni mwa Mulluku. Olliyooyo sika anulepheliha waayara anamwani.”

Aheberi 10:30

Vawi ninnadduwella wi Mulluku aallota wi awaallaka ni waahokollosella. Mawu a Mulluku yaallotattho wi Apwiya eneeroweeruza athwiiwa.

2 Mamwene 5:7

Nave mwene a o Israele amweelengilleeye kalatooyo, ahaahulla ddoowara ddaye ekaamba ya ethakaraka allota wi, “Ethiyo mi tti Mulluku awiipha ni ohokollosella okumi wi muthu yoolla akilembelle mawu awi kichirihe makate a muthu? Tti yoodduwanyeya wi olliye anamwaasha namullota wi aambane ni mi.”

Mateyu 14:27

Enthawi yeeyo Yesu aallota wa alliwaayo wi, “Llipani murima! Tti miyaano, muhoove.”

Deuteronomo 32:35

Ollaka ni ohokollosella ddoonanara tti ddaaka, enthawi ya oserenguwa wiwa eneerophiya, vawi enthawi ya otulliiwa yohaatamella, woonongiwa wiwa onnaakuva.

Genesis 50:18

Vano asinnaalle yaawa ekokhora vamiitthoni vaye. Yaallota wi, “Hiyaano niri vamiitthoni vanyu wonanko akaporwaanyu.”

Genesis 50:20

Nyuwaano mwahiiwanana okeerella yoonanara koma Mulluku aatthattusa okhalla yaphaama wi athu anchichi evullusiwe. Sika ekaamba yawi ollello athu anchichi aavullusiwa.