Genesis 50:18 - Mawu a Mulluku

¹⁸ Vano asinnaalle yaawa ekokhora vamiitthoni vaye. Yaallota wi, “Hiyaano niri vamiitthoni vanyu wonanko akaporwaanyu.”

Genesis 50:18 ပူးပေါင်းရင်းမြစ်များ

Genesis 45:3

Yosefe ahaalleella asinne wi, “Mi tti Yosefe. Ethiyo attiitthaaka yookhallawove?” Koma asinnaayo yahoova wunchichi vawi kheyaaworille naari omwaakhulla.

Genesis 44:14

Yuda ni asinnaalle ephiyalle o enyumba ya Yosefe, yamuphwanyille ari wenko nave attheene yaamukokhorella vatthi.

Genesis 42:6

Nave Yosefe aari enduna yuullupalli yoolamulella ellapo ettheene ya Iguputo nave olliye sika amukulliha tirigu wa athu oovenyera o ezigawo ddittheddene dda ellapo. Nave asinne a Yosefe yaaphiya navettho yaamukokhorella Yosefooyo.

Genesis 27:29

Athu yuurumeyelleke, mitundu dda athu dduukokhorelleke. Okhalle oolamulella variyari va abalaawo. Navettho edduullu dda amaayo dduukokhorelleke. Etembeleliwe attheene aawuutembelela weyaano nave edalisiwe attheene anuudalisa weyaano.”

Genesis 41:43

Aamuwellihattho va gareta naye naneepiilli noomwene nave akhoto oomuwehera Farao yahaamba okhuwa eri vahoollo va garetanno wi, “Mukokhorelleni.” Sika Yosefe ahaakhella olamulello nave aakhalla enduna yuullupalli ya ellapo ettheene ya Iguputo.

Genesis 50:17

‘Pepaani, khululukellani nichimo nuullupalli nno asinninyu yaweerelliiwani.’ Vano ninimuuvekani wi munikhululukelle nichimo nno hiyaano, oorumeyella a Mulluku a attiitthiinyu, neerilleehu.” Yosefe iiwalle ddenndda ahaamba winlla.

Genesis 50:19

Koma Yosefe ahaalleella wi, “Muhoove iyaayi. Miyaano ngiwora wiihiya munipuroni na Mulluku.