Genesis 50:10 - Mawu a Mulluku

¹⁰ Ephiyalle onipuroni noomuuputhellavo tirigu o Atadi, wookhuma nndduwa wa Yordani, yaheera moollikana ni ehuddiho yoolemu ya minllello nave yahinlla maliro wenko mallapo matthanu ni meelli.

Genesis 50:10 ပူးပေါင်းရင်းမြစ်များ

Mitteko 8:2

Athu amodda oomullapella Mulluku yaavittha mutembo wa Sitefano emwinllellattho wunchichi.

Yobu 2:13

Yaakeraatthi vatthi ni Yobu wa mallapo matthanu ni meelli, otthaana ni mahiiyu. Nave khaavo naari mmodda allotille ello ni Yobu ekaamba yahoona wi Yobu aari mu ddoohoosa ddawoopiha.

2 Samuele 1:17

Davide ahiipa nchipo namaliro noomuupuwellana Saulo ni mwanaye Yonatani

1 Samuele 31:13

Vatulli viwa yaakusa makhuviiwa yaavittha vatthi va muteekho mung'onong'ono wabwemba o Yabeshi nave yaahalla ocha* wa mallapo matthanu ni meelli.

Deuteronomo 34:8

Aisraele yahinlla okhwa waye mallapo 30 mu ntapo na Mowabu moollikana ni mutethwiiwa.

Deuteronomo 1:1

Alla sika mawu ayo Mose aalleelleeye Aisraele mvo yaariiwa muchipululuni wookhuma nndduwa wa muhinje wa Yordani, mu ntapo na Araba owehana ni Sufu, variyari va Parani ekhopella emodda ni Tofele, Labani, Hazeroti ni Dizahabu ekhopella emoddattho.

Numeri 19:11

“Oyo anaattannye mutembo aneerokhalla ooripihiwa mallapo matthanu ni meelli.

Genesis 50:11

Vano Akanani yoonilliiwa minllello awiddiiddwaayo o Atadi wulle, yaallota wi, “Minllello a maliro awi ddiiddaalla tti a o Iguputo.” Sika ekaambiiwa nipuronna naromolliwiiwa Abele Miziraimu nave niri wookhuma nndduwa wa Yordani.

Genesis 50:4

Enthawi yawinlla maliro emallille, Yosefe aaddilleella enduna dda Farao wi, “Pepaani, mukeerelle echifundo, mwamulleelle Farao wi,

Genesis 27:41

Vano Esau aamwiita Yakobo ekaamba yawi munipuroni mwa olliye, attiitthinnya yaamudalisa Yakobo. Nave m'murimanimurimani aallota wi, “Enthawi yawinlla okhwa wa attiitthaaka eri vakhuviru, vatulli viwa kineeromwiipha Yakoboolla.”

Genesis 50:3

Moollikana ni mutetho, mutteko woopotokosa mutembooyo wi ohunte waakusenlle mallapo 40 nave Aiguputo yahinlla maliro a Yakobo mallapo 70.

Genesis 50:9

Akhoto oowella va magareta ni va akavalo alliwattho yaamuvelleella, sika waari mulloko munchichi wa athu.

Numeri 20:29

Vano mullokoolle wiiwalle wi Aroni ookhwa wahinlla maliro a Aroni mallapo 30.

2 Samuele 11:26

Mwaara a Uriya iiwalleeye wi mamune ohiiphiwa aamwinllella.

Oollalleya 12:5

Oneerekewoova oya mapuro oowella nave weeta onaakhalle wawoopiha. M'muruni mwawo muneeromella embwi nave oneerokolephela wiithunya m'musewuni navettho osilila oneerewuumallella. Attheene nineeroya ninaakhallekeehuwo mallapo oohimalla nave narowa vineerokhalla winlla m'misewuni.

1 Epilli 10:12

allopwana attheene oollipa murima yaatimulla eya yakusa mutembo wa Saulo ni mitembo dda anaaye ewaana o Yabeshi. Nave yaavittha makhuviiwa vatthi va muteekho wamuthundu o Yabeshi nave yaahalla ocha* wa mallapo matthanu ni meelli.