Genesis 49:8 - Mawu a Mulluku

⁸ “Yuda, asinno eneerewuuthokoza, nave adanaawo oneerewaagonjiha, navettho abalaawo eneerewuukokhorella.

Genesis 49:8 ပူးပေါင်းရင်းမြစ်များ

Aheberi 7:14

Tti ddoodduwanyeya phaama wi yayariwelle o nlloko na Yuda. Nave Mose khaaromonlle dda nlloko nenna ovenyera khalle voollotani dda allupa mukutho.

Genesis 27:29

Athu yuurumeyelleke, mitundu dda athu dduukokhorelleke. Okhalle oolamulella variyari va abalaawo. Navettho edduullu dda amaayo dduukokhorelleke. Etembeleliwe attheene aawuutembelela weyaano nave edalisiwe attheene anuudalisa weyaano.”

1 Epilli 5:2

Koma a nlloko na Yuda yaari amasiva variyari va malloko a Israele nave mwene avenyenre wa alliwa naari ottekweene waari wa Yosefe.

Yoswa 10:24

Ewiillena mamwene yaalla wa Yoswa, olliye aawiithana Aisraele attheene. Vano ahaalamula oohoollella ekhoto ayo athaananeeyena wi, “Waawoni wuno mwaanyingalle vanikohini mamwene yaalla.” Yahaatamella yaanyingalla makohiiwa.

Deuteronomo 33:7

Aallota dda nlloko na Yuda wi, Apwiya, mwaapelle maaru winlla wiwa, mwaakavihere, mwaallundellelle ni malloko mamodda. Apwiya, mwaallipihe wi yiiteteze, mwakavihere wa adaniiwa.

Genesis 29:35

Aakusattho erukullu emodda, amuyara mwaana mmodda aamullopwana nave aallota wi, “Vano kineerewaatitimiha Apwiya.” Mwawi ddiiddo aamuvaha nnddina nawi Yuda. Vano ahiithuuwella oyara.

Yawuupullulla 11:15

Nave mungelo aneetthanu ni piilli ahoopa nipallapata naye. Nave kahiiwa mawu oowella ovenyera oddullu oollota wi, “Omwene wa ellapo yavattheella tti wa Apwiihu ni wa Mesiyaaye.* Nave Apwiihu eneerolamulella wa enthawi ddoohimalla!”

Yawuupullulla 5:5

Vano mmodda a attekweene aallota ni miyaano wi, “Ohinlle. Ngoona, edduullu ya Davide, mukango woovenyera o mulloko wa Yuda, oopambana nave aneerowora omarulla ddoomarella dditthanu ni piilli navettho okhunuulla nibukhunno.”

Aheberi 10:13

Nave anatiyerella wenko ophiyera aatthattusalle adanaaye wi ekhalle voonyingallavo manyallwaaye.

Ezekiele 21:29

“Nnddo enaddooniiwa m'masomphenya tti ddawoottha navettho makhanga enoombesiiwa tti oolleka. Muneerokhalla nimodda ni athu oonanara ayo nllapo niwa niphiyalle, ollakiwa wiwa woomallihella.

Yesaya 9:7

Olamulello ni murendellaaye ddineerovirellella waata, aneerokhalla va mpando wa mwene Davide, aneerokeraatthiha ni ollipiha omwenaaye, vaweerani ddoolungama ni ddaphaama waambeella enthawi yeeyo wa enthawi yoohimalla. Ni murimiiwa muttheene Apwiya Amasiva Mattheene yoosimikiza okwakhwanihella ddenndda.

Masalimo 76:1

Mulluku tti oodduwanyeya mu Yuda, nnddina naye tti nuullupalli mu Israele.

2 Epilli 30:11

Athu vang'ono a o Ashere, Manase ni a o Zebuloni yahiiyeviha eya o Yerusalemu.

2 Epilli 17:2

Aahiya milloko dda ekhoto mu mizinda dda mipanda ddittheddene dda Yuda nave aatthipella misasa ddakhoto mu ellapo ya Yuda ni o mizinda dda Efuremu nnddo attiitthinnya yaakhilliiwa.

2 Epilli 15:9

Nave ahaatthukumaniha Ayuda attheene ni Abenjamini navettho athu anchichi a o Efuremu, Manase ni Simeoni ayo yakhalliiwana wonanko alleto vawi yaathawella wa olliye ovenyera o Israele yoonilliiwa wi Apwiya Mullukwaaye yaari ni olliye.

2 Epilli 14:8

Mwene Asa aakhalla ni akhoto 300,000 ovenyera o Yuda ookhalla ni ddawiitetezellana ni mavaka nave athu 280,000 oovenyera o Benjamini ayo yaari ni ddawiitetezellana ni miira. Attheenaalla yaari akhoto amasiva.

2 Samuele 24:9

Vano Yowabu aavelleella echiwerengero ya athu attheene wa Davide. Mu Israele mutthemwene mwaari athu 800,000 oowora owana ekhoto nave mu Yuda mwaari athu 500,000.

2 Samuele 22:41

Nyu sika mwawiikanre adanaaka wi ethawe, ayo yiitana ni miyaano kaawoononga.

2 Samuele 5:3

Sika oohoollella attheene a Aisraele yaawa o Hebroni nave Davide aakeraatthihana echipangano wenko vamiitthoni va Apwiya. Nave yaamuzoza Davide wi akhalle mwene a Aisraele.

Oweeruza 20:18

Aisraele yaatimulla eya o Betele yakoha wa Mulluku wi, “Ttaani mwa hiyaano anaawaambe owana ekhoto ni Abenjamini?” Apwiya yaawaakhulla wi, “Nlloko na Yuda sika ninaawaambe.”

Numeri 26:22

Vano eweerengille allopwana attheene a nlloko na Yuda yaaphwanya wi yaari 76,500.

Numeri 10:14

Oothwara embendela dda misasa dda nlloko na Yuda sika yaambille otimulla m'millokoni mwiwa nave oohoollella a nlloko niwa aari Nashoni, mwaana a Aminadabu.

Numeri 1:27

Vano eweerengille allopwana attheene a nlloko na Yuda yaaphwanya wi yaari 74,000.

Genesis 46:12

Anamwani a Yuda yaari Ere, Onani, Shela, Perezi ni Zera (koma Ere ni Onani yakhwille eri o Kanani.) Anamwani a Perezi yaari Hezironi ni Hamuli.

Genesis 42:6

Nave Yosefe aari enduna yuullupalli yoolamulella ellapo ettheene ya Iguputo nave olliye sika amukulliha tirigu wa athu oovenyera o ezigawo ddittheddene dda ellapo. Nave asinne a Yosefe yaaphiya navettho yaamukokhorella Yosefooyo.

Numeri 26:20

Anamwani aallopwana a Yuda amodda moollikana ni mabanjiiwa yaari Shela nikhollo na Ashela, Perezi nikhollo na Aperezi ni Zera nikhollo na Azera.

1 Epilli 28:4

Koma Apwiya Mulluku a Israele aakitthoolla variyari va attheene a mu nibanja mwahu wi kikhalle mwene a Israele wa enthawi yoohimalla vawi yaamutthoolla Yuda wi akhalle oohoollella a malloko mattheene nave ovenyera o nlloko na Yuda yaatthoollawo nibanja na attiitthaaka. Nave variyari va anamwani a attiitthaakaayo ddaamuhakallalliha Mulluku okitthoolla wi kikhalle mwene a Israele muttheene.

Yoswa 15:20

Ella tti yoohallana eyo mabanja a nlloko na Yuda yaakhenlliiwa.