Genesis 49:3 - Mawu a Mulluku

³ “Rubeni, mwanaka awaamba, weyaano tti masivaaka, tti echipaso yawaamba ya masivaaka. Mwa anaaka attheene, muullupalli tti weyaano va otitimiheya ni va masiva.

Genesis 49:3 ပူးပေါင်းရင်းမြစ်များ

Masalimo 78:51

Aawiipha anamwani awaamba attheene a Aiguputo, anamwani awaamba a masiviiwa, m'misasani dda edduullu dda Hamu.

Deuteronomo 21:17

Mwanaye awaamba amukawelle ezigawo piilli vawi olliye tti mwaana awaamba, awiimellella masiva a ellopwana ya attiitthinnya vawi tti lamulo na mwaana awaamba.

Masalimo 105:36

Alliwa yaawiipha anamwani attheene aallopwana awaamba mu ellapwiiwa, anamwani awaamba esombwiiwa.

Genesis 29:32

Nave Leya aakusa erukullu nave aamuyara mwaana aamullopwana. Sika aallota wi, “Apwiya ahoona ddookatamiha ddaka. Ddawoona vano mamunaka aneerewaamba okikonda.” Mwawi ddiiddo mwaanooyo aamuvaha nnddina nawi Rubeni.

1 Epilli 5:3

Vano Rubeni mwaana awaamba a Yakobo aamuyara Hanoki, Palu, Hezironi ni Karimi.

1 Epilli 5:1

Alla sika anamwani a Rubeni mwaana awaamba a Yakobo. Rubeni aari mwaana awaamba koma ekaamba yawi aakona ni mmodda mwa awariwa ang'onong'ono a attiitthinnya, ottekweenaaye waavahiwa wa Yosefe mwanamunne. Sika ekaambiiwa ahinaphwanyeyeeye va ntthopoollo na anamwani awaamba.

1 Epilli 2:1

Yakobo aamuyara Rubeni, Simeoni, Levi, Yuda, Isakara, Zebuloni,

Numeri 1:20

Mwa edduullu dda Rubeni, mwaana awaamba a Yakobo yaaweerenga manddina a allopwana oowora owana ekhoto a miyakha 20 oya muhoollo moollikana ni mabanjiiwa nave makhollwiiwa.

Numeri 26:5

Rubeni mwaana awaamba a Israele nave anaaye aallopwana yaari Rubeni Hanoki nikhollo na Ahanoki, Palu nikhollo na Apalu,

Genesis 48:18

Ahaalleella attiitthinnya wi, “Muheere ddiiddo attiitthi. Muullupalli tti olla, sika nnattanatta nanyu nikhalle va yoolla.”

Genesis 46:8

Nave alla sika manddina a Aisraele, ayo ayiilleeyena o Iguputo. Vaari Rubeni, mwaana awaamba a Yakobo,

Yawuupullulla 3:14

“Omulembelle oohoollella a mpingo wa o Laodikeya wi, “Alla sika mawu oovenyera wa muthu oyo aneeriwa Amen, oororomelleya ni mboni awoona oyo arittho awaamba a ddeko ddittheddene ddaphatusiwe ni Mulluku.

Deuteronomo 33:6

Mose aallota dda nlloko na Rubeni wi, “Rubeni ahithiimihiwe, akhallevove naari athwaaye eri ooyeva.”

Genesis 35:22

Yakobo ari mwiillaponimmo, Rubeni aakona ni Biliha, mmodda mwa awariye ang'onong'ono a attiitthinnya nave Yakobo ahiiwa ddenndda. Yakobo aari ni anamwani aallopwana khumi ni eelli.

Genesis 35:23

Anamwani aallopwana a Leya yaari Rubeni mwaana awaamba a Yakobo, Simeoni, Levi, Yuda, Isakara ni Zebuloni.

Deuteronomo 27:13

Nave malloko mamodda ayo eniimelle va mwaango wa Ebala matembelelo yaallotiwaka va Aisraele tti Rubeni, Gadi, Asheri, Zebuloni, Dani ni Nafutali.

Ezekiele 48:6

Echigawo ya Rubeni epange malire ni Efuremu ovenyera wookhuma nndduwa ophiyera woovollowa nndduwa.