Genesis 49:29 - Mawu a Mulluku

²⁹ Vano Yakobo ahaalamula anaaye wi, “Vawi kiri vakhuviru okhwa, mwakivitthe munikhunguni nno niri m'matani mwa Efuroni Muhiti,

Genesis 49:29 ပူးပေါင်းရင်းမြစ်များ

Genesis 50:13

Nave yahaatukhulla oyaana o Kanani nave yahaavittha munikhunguni nno niri m'matani o Makipera, wookhuma nndduwa wa Mamure. Abrahamu akullalle nikhungunno wa Efuroni Muhiti ni emateeyo wi ekhalle mahame.

Genesis 47:30

Kinapaalla kakone nko okonne makhollwaaka. Mutembwaaka owutukhulle o Iguputo wuno wawuvitthe mu mahame a makhollwaaka.” Yosefe ahaakhulla wi, “Kineereweera wonanko mullotellaanyummo.”

Genesis 15:15

Vano weyaano oneerokhalla ni okumi enthawi yoorekama nave oneerokhwa mwamurendelle. Oneerovitthiwa mu mahame wuulluvanllesese.

Aheberi 12:23

Moophiya o ehakallallello nko otthukumanne anamwani awaamba a Mulluku ayo manddiniiwa yalembiwe oddullu. Moophiya wa Mulluku aweeruza athu attheene nave wa minepa dda athu oolungama, ayo Mulluku aweerilleeye okhalla aphaama wunchichi.

2 Samuele 19:37

Mukaakhullelle mi oorumeyellaanyu wi kihokollowe wi kakhwelle owanihu vakhuviru ni mahame a attiitthaaka ni amoowaaka. Koma mwanakoolla Kimuhamu, akhalle oorumeyellaanyu. Olliyoolla sika anaallapuwe ni nyu apwiyaaka amwene. Nave mumweerelle erive ello enaawuuddivelleni.

Genesis 35:29

Nave aakhwa avitthiwa mu mahame uulluvallille wunchichi. Anaaye, Esau ni Yakobo sika yamuvitthalle mu mahame.

Genesis 23:16

Abrahamu ahaakhullella nave vamiitthoni va athu attheene a o Hiti aheerengella makobiri a siliva 400 ayo Efuroni aromonlleeye moollikana ni makobiri ayo athu amalonda yapharihiiwa mutteko mwiillaponimmo va enthawi yeeyo.

Genesis 23:17

Mmu sika emata ya Efuroni o Makipera, wookhuma nndduwa wa Mamure, yatthattuselliwiiwa ya Abrahamu. Nipuronno naakhalla ni emata ni nikhungu mukhwipi mwa emateeyo, vamoddattho ni miteekho ddittheddene dda mukhwipi mwa emateeyo.

Genesis 49:28

Alla sika attekweene a malloko khumi ni meelli a Israele nave alla sika attiitthiiwa Yakobo aalleelleeye, mvo amudaliseeye arive muthu mwa alliwaayo voollanyanani.

Genesis 49:33

Vano Yakobo amallihalle waalangiza anaaye, aahokollosellattho manyallwaaye vabedini nave aakhwa.

Genesis 23:9

wi akikullihelle nikhungu naye na Makipera. Nikhungunno niri mukhwipi mwa emataaye. Muvekeni wi akikullihelle vamutengoni woophwanellella, nyuwaano moonaka wi nipuronno nikhalle mahame.”

Genesis 23:20

Sika emateeyo ni nikhungu nnddo khalle ddaari dda Ahiti, nipuro nittheenenno naakullihiwa wa Abrahamu wi nikhalle mahame.

Genesis 35:27

Yakobo aaphiya wa attiitthinnya o Mamure, nkottho waromolliwa o Kiriyati Ariba apaalle Hebroni, nko wakhalla Abrahamu ni Isaki wonanko alleto.

Genesis 50:12

Sika anamwani a Yakobo yaheera wonanko mmo attiitthiiwa yaalamulelliiwa.