Genesis 49:15 - Mawu a Mulluku

¹⁵ Nave ahoona okhalla phaama wa nipuro nawiithuuwellamonno, ahoonattho wi ellapweeyo tti yooreera. Aawaramiha mutthana wi amutukhulle katundwaaye, nave aatthattuwa oophara mutteko wathangata.”

Genesis 49:15 ပူးပေါင်းရင်းမြစ်များ

Mateyu 23:4

Enaawatihera athu wiiwellella malamulo ookatamiha ayo enakhalla wonanko ddeko ddoollemella ni ddookatamiha otukhulla. Koma alliwa khenapaalla naari wookolla eyaalliiwa wi yaakavihere otukhullanko.

Ezekiele 29:18

“We mwaana a muthu, khalle Nebukadinezara mwene a o Babiloni aaphariha mutteko ekhoto voollipanani ni muzinda wa Tiro, ophiyera arive muthu aakhalla ni nttari nave yaaphinyuwa mathuri ekaamba yoomutukhulla katundu. Komathi olliye apaalle mullokwaaye wakhoto kheyaaphurallevo ello va mutteko muttheene yapharilliiwa voollipanani ni muzindooyo.

Masalimo 81:6

“Kahuurullani katundu a m'mathurini mwanyu, mattaanyu kahaavenyihella mutteko wootukhulla madengu.

2 Samuele 7:1

Mwene Davide akeraattheyille mu enyumbaaye yoomwene, Apwiya yaamwiithuuwiha wa adanaaye attheene oowaapheella ellapwaaye.

Oweeruza 3:11

Vano ellapweeyo yaakhalla vamurendelleni wa miyakha 40. Vatulli viwa Otiniyele, mwaana Kenazi, aakhwa.

Yoswa 14:15

Ddihineereye nndda Hebroni aromolliwa wi Kiriyati Araba. Araba aari muthu oovuwa wunchichi variyari va Aanaki. Vatulli viwa ellapo ettheeneeyo yahiithuuwa o ekhoto.

Genesis 49:14

“Isakara ari wonanko bulu amasiva, anakona moottaphuruwa variyari va katundu.

Genesis 49:16

“Dani aneerewaalamulella athwaaye. Athwaayo eneerophwanaphwana ni malloko mamodda a Aisraele.

Miyambo 12:24

Nnatta na oophara mutteko moollipihella nineerolamulella koma oolesi aneerokhalla wonanko kaporo.

Yesaya 31:8

Aasiriya eneerewoonongiwa vakhotoni ohiri ni masiva a muthu nave eneerewoonongiwa ni nsupada ohiri ni nsupada na muthu. Eneerothawa okhotoni nave asombwiiwa enaakhalle akaporo.