Genesis 48:12 - Mawu a Mulluku

¹² Vano Yosefe ahaavenyihavo anamwanaayo vametoni va Yakobo nave aamukokhorella.

Genesis 48:12 ပူးပေါင်းရင်းမြစ်များ

Genesis 42:6

Nave Yosefe aari enduna yuullupalli yoolamulella ellapo ettheene ya Iguputo nave olliye sika amukulliha tirigu wa athu oovenyera o ezigawo ddittheddene dda ellapo. Nave asinne a Yosefe yaaphiya navettho yaamukokhorella Yosefooyo.

Aefeso 6:1

Anamwaninyu vawi muri mu eyaattano ni Apwiya, muwiiwellellekettho makhollwaanyu. Yeella tti ello yoophwanella weera.

Miyambo 31:28

Anaaye ennavenya enamuromolla olliye oodala nave mamunettho annamutthamalla voollotani wi,

2 Mamwene 4:37

Sika mutthiyanooyo aakokhora vamanyalloni a Elisha, awaramiha ekhovaaye vatthi. Vatulli viwa aamutukhulla mwanayooyo akhumana.

1 Mamwene 2:19

Sika Batesheba aaya wa mwene Solomoni wi allotena munipuroni mwa Adoniya. Mwenooyo ahiimella wi akumanena nave aamukokhorella. Solomoni aakeraatthi va mpandwaaye woomwene nave mpando mmodda waavollochihiwa wi amennyaayo ekeraatthelle. Sika yaakeraatthi onnattanatta waye.

Levitiko 19:32

“Mukhalleke oolemu vamiitthoni va muthu awuulluvalla nave mumooveke Mullukwaanyu. Mi tti Apwiya.

Levitiko 19:3

Arive muthu aavaheke olemu amennya ni attiitthinnya. Musungeke nllapo na Sabata. Mi tti Apwiya Mullukwaanyu.

Eksodo 34:8

Vano Mose ahaakuva, aakokhora, allapella enthawi yeeyo.

Eksodo 20:12

“Waavaheke olemu attiittho ni amaayo wi enthawi ya okumaawo erekame mu ellapo eyo Apwiya Mullukwaawo enuuvahiiwa.

Genesis 33:3

Yakobo aahoolla nave akokhora vatthi otthanu ni opiilli ophiyera aamwaatamella mwanamunne.

Genesis 23:7

Enthawi yeeyo Abrahamu aakokhora vatthi vamiitthoni va athwaayo,

Genesis 19:1

Angelo eellaalle yavollowiiwa mu Sodomu enthawi ya misikuwa, Loti aari akeraatthille vakhuviru ni mullako va muzindooyo. Loti awoonille athwaayo, ahiimella nave aya aallochella. Sika aakokhora vatthi,

Genesis 18:2

Moohitiyerella ello aawoona athu araru yiimellille vakhuviru ni olliye. Awoonille, aatimulla mwawaakuva wi aallochelle. Aakokhora vatthi,

Genesis 48:11

Yakobo aallota ni Yosefe wi, “Ngaaganizera wi ttuuwoonattho weyaano koma vano Mulluku ohaakhullella wi kiwoone vamoddattho ni anaaweene.”

Genesis 48:13

Yosefe ahaaphareella anamwanaayo, Efuremu aamuhiya wuunyotthoni wa Yakobo nave Manase o nnattanatta naye.