Genesis 47:9 - Mawu a Mulluku

⁹ Yakobo aamwaakhulla wi, “Miyakha dda olendo wa okumaaka ddikwakhwanille 130. Miyakha ddenndda tti ddooyeva ni ddoohoosa, khaddinallikana ni miyakha dda makhollwaaka va enthawi ettheene yakhanlliiwa ni okumi.”

Genesis 47:9 ပူးပေါင်းရင်းမြစ်များ

Masalimo 39:12

Nyu Apwiya iwani winlla waka, muheere ellapo tuu kaawinllellakani, miyaano tti mulleto oohillekella, awaarera wonanko makhollwaaka mattheene.

Genesis 35:28

Isaki akhwille ari ni miyakha 180.

Masalimo 39:5

Ngoonani, mookivaha mallapo ooyeva, enthawi ya okumaaka khe ello vamiitthoni vanyu. Ddawoona, arive muthu tti mpweyave.

Yobu 14:1

Muthu ooyariwa ni mutthiyana tti a mallapo ooyeva, anayarelliwa ohoowa.

Yoswa 24:29

Ddimanlle ddenndda Yoswa, mwaana a Nuni, oorumeyella a Apwiya aakhwa. Aari ni miyakha 110.

Deuteronomo 34:7

Mose akhwille ari ni miyakha 120 koma aakhalla ni masiva nave miitthwaaye yaari yoonaka.

Eksodo 7:7

Enthawi yeeyo yallotiiwa ni Farao, Mose aari ni miyakha 80 nave Aroni aari ni miyakha 83.

Eksodo 6:4

Kaakeraatthihana echipangano waalonjeza wi kineerewaavaha ellapo ya Kanani, mmo yakhanlliiwamo khalle wonanko alleto.

Genesis 50:26

Sika Yosefe akhwille ari ni miyakha 110 nave mutembwaaye yaawupotokosa ni murete wi ohunte nave yaawusunga munibokosini o Iguputo wenko.

1 Petro 2:11

Kinimuuvekani nyuwaano ookondiwaaka wi muhaakhullelleke minkhella dda mwiilli nnddo ddinawana ni Munepa vawi nyuwaano mu ellapweella muri wonanko alleto ni oothawa owaniwa.

Yakobo 4:14

Khamunadduwella wi osiisello okumaanyu onaakhalle mwawiidde! Nyu muri wonanko mwiisi, oyo onooneya enthawi yooyeva nave vano opallalleya.

Masalimo 119:54

Malamulwaanyu aatthattuwa echipwaaka orive weko kinayeemi.

Masalimo 119:19

Mi tti mulleto mu ellapo yavatthi, muhikiipitthihelle malamulwaanyu.

Genesis 47:28

Yakobo aakhalla o Iguputo miyakha 17, miyakha dda okumaaye ddaakwakhwana 147.

Genesis 11:11

Vatulli viwa aakhalla ni okumi miyakha ddimodda 500 nave ahaayarattho anamwani amodda aallopwana ni aatthiyana.

Aheberi 13:14

Valle vatthimva khaninna muzinda woohimalla koma ninnatiyera muzinda woohimalla oyo onawooyo.

1 Epilli 29:15

Vawi hi tti alleto vamiitthoni vanyu, niri wonanko alleto mwiillaponi yaaneena monga makhollwaahu. Mallapwaahu ookhalla va ellapo yavatthi eri wonanko muuthuuchi nave khe voollekelliwa.

Genesis 5:27

Sika Metusela aakhwa ari ni miyakha 969.

2 Akorinto 5:6

Sika ninnallipa murima wunchichi enthawi ddittheddene. Ninnadduwella wi nakhalla owaani m'mwiillini wa ellapo yavattheella ninnarekamellana ni owaani wa Apwiya.

Genesis 47:8

Vatulli viwa Farao aamukoha Yakobo wi, “Muri ni miyakha mikavi?”

Masalimo 39:13

Muhikiweheke moowalli, sika kineerowora ohakallalla, kihinakhwe nave kihinathiime.”