Genesis 47:6 - Mawu a Mulluku

⁶ Ellapo ya Iguputo eri m'mattani mwawo. Sika waakeraatthihe attiittho ni asinno mu ellapo ya ethaya yaphaama, yakhalle o Gosheni. Nave waarimi waadduwenlle oororomelleya variyari viwamvo, owinnye okapitawo woochiha eziweto ddaka.”

Genesis 47:6 ပူးပေါင်းရင်းမြစ်များ

Eksodo 18:21

Komattho munaphwanella wi ovenyera mwa athu attheenaalla, mwaatthoolle allopwana eezeru, oomoova Mulluku, oororomelleya ni oohaakhella ddamukaphwani nave mwaakeraatthihe yaalla wi ekhalle amodda oohoollella athu 1,000, amodda a athu 100, amodda a athu 50 ni amodda a athu khumive.

Genesis 47:11

Yosefe ahaakeraatthiha mu ellapo ya Iguputo attiitthinnyaalle ni asinne attheenaalle nave ahaavaha nipuro na ethaya yaphaama, o echigawo yooromolliwa Ramsesi, wonanko mmo Farao alamulalleeye.

Miyambo 22:29

Ethiyo woomoona muthu eeruso ni muttekwaaye? Olliye aneerewiimella vamiitthoni va mamwene oohikhalla va athu shisha.

2 Epilli 26:10

Nave aamaka mattattha muchipululuni nave aakata ehime ddinchichi vawi aakhalla ni eziweto ddinchichi omapuroni oochihellawo eziweto ni omataponi. Aakhallattho ni athu oollima m'matani ni athu oowehera mpesa omiyaangoni navettho o ellapo dda ethaya yaphaama vawi aanakonda ollima.

Eksodo 18:25

Ahaatthoolla allopwana eezeru variyari va Aisraelaayo ni waakeraatthiha wi ekhalle amodda oohoollella a athu 1,000, amodda a athu 100, amodda a athu 50, amodda a athu khumive

Genesis 47:4

Nave yaallota wa Farao wi, “Niwiille wi nikhallena mwiillaponimmu ekaamba yawi o Kanani wookhalla ettalla yawoopiha, sika naari munyepu woochiha eziweto khawiiwo. Pepaani, apwiya, munaakhullelle oorumeyellaanyu wi nikhalle mu ellapo ya Gosheni.”

Yohane 17:2

Vawi mookivaha olamulello va athu attheene wi kaavahe okumi woohimalla athu attheene mwakivahilleenyu.

Miyambo 21:1

Murima wa mwene tti wonanko muhinje wa maaddi m'mattani mwa Apwiya, ennawutthoonyihella nko enapaalliiwa.

1 Samuele 21:7

Nllapo nenno muthu mmodda mwa allupa mutteko a Saulo aari vaavo vawi aaphwanella waallapellana Apwiya. Muthooyo nnddina naye aari Doegi a o Edomu. Aari mbusa muullupalli a Saulo.

Eksodo 9:21

Koma enduna ddimodda kheddaapwathille mawu a Apwiya nave yaarimoona waahiya akaporwiiwa vaatte ni eziweto ddiwa ddene.

Eksodo 9:10

Vano Mose ni Aroni yaavahulla ntuuranno viikho nave yahiimella vamiitthoni va Farao. Nave Mose aanivokhella ntuuranno muddullu nave va athu ni enama vaakhuma etthuku nnddo ddaphulleya.

Genesis 47:16

Yosefe ahaakhulla wi, “Makobiraanyu yaarimi emanlle, muweena eziweto ddanyu wi naakakhanihe ni ddoocha.”

Genesis 34:10

Ddeeddiiddo muneerekokhalla ni hiyaano mwiillaponi mwahummu. Mukeraattheye mwamurendelle orive weko munapaalleenyuwo, mukulliheke malondaanyu mwamurendelle nave mukulleke mapuro oomakavo enyumba moopaalla mwanyu.”

Genesis 20:15

Aamulleella Abrahamu wi, “Ellapo ettheeneella tti yaaka, ttuuwora okhalla orive weko onapaalleewewo.”

Genesis 13:9

Ethiyo ellapo ettheene kheri m'mattani mwawo? Hanko nihiyane, otthoolle embali ya ellapo eyo onapaalleewe. Watthoolla onnatta noonyottho, miyaano kinaaye onnattanatta nave watthoolla onnattanatta, miyaano kinaaye onnatta noonyottho.”

Genesis 13:10

Vano Loti awehillewehille, ahoona wi ntapo nittheene na muhinje wa Yordani ophiyera o Zowari naakhalla ni maaddi manchichi. Ntaponno naari wonanko Edeni, emata ya Apwiya apaallettho wonanko ellapo ya Iguputo. Enthawi yeeyo Apwiya yaari ehinoononge mizinda dda Sodomu ni Gomora.

Genesis 45:10

Ttuuwora okhalla mu echigawo ya Gosheni wi mukaatamelle miyaano. Mukhalle wuno nyuwaano, aniinyu, edduullu ddanyu, enkhosa ddanyu ni epuri ddene, eng'ombe ddanyu ni ddittheddene muriinyuna.

Genesis 46:34

Nyuwaano mwamulleelle wi, ‘Hiyaano apwiya, tti abusa a eziweto waambeella enamwanaahu, wonanko mmo yeerella makhollwaahu.’ Mweeddiiddo, sika muneerokhalla mu ellapo ya Gosheni ekaamba yawi a Iguputo ennananariwa ni abusa.”

Genesis 47:5

Vano Farao aamulleella Yosefe wi, “Attiittho ni asinno ewiille wa weyaano.

1 Mamwene 11:28

Yerobowamooyo aari muthu oollipihella mutteko nave Solomoni amoonilleeye wi aari oollipihella aamuvaha okapitawo woowehera mutteko wathangata mu echigawo ya anamwani a Yosefe.

Yeremiya 40:4

Koma weyaano Yeremiya, ollello kinimuuttaphulla onyolo m'mattanimu. Hanko o Babiloni waarimi opaallaka nave kineerewuuwehera phaama. Koma waahipaallaka, kheviri ello. Ngoona, ellapo ettheene eri vamiitthoni vawo. Oye nko onooneewe wi tti waphaama.