Genesis 47:31 - Mawu a Mulluku

³¹ Yakobo aamulleellattho Yosefe wi, “Llupella vamiitthoni vaka wi oneereweera ddenndda.” Sika Yosefe aallupella nave Yakobo aawaramella moollapella omuruni wa bedaaye.

Genesis 47:31 ပူးပေါင်းရင်းမြစ်များ

1 Mamwene 1:47

Navettho oomurumeyella mwene yaamuriiha pwiihu mwene Davide voollotani wi, ‘Mullukwaanyu avuwihe nnddina na Solomoni okhwaranya naanyu nave mpandwaaye woomwene wunnuwe okhwaranya waanyu.’ Nave mwene aakokhora vabedini vaye avekella wi,

Aheberi 11:21

Ekaamba ya echikhulupililo, Yakobo ari vakhuviru okhwa, aamudalisa arive mwaana a Yosefe. Eera ddenndda ahameelle mutootwaaye, amullapellaka Mulluku.

Genesis 24:3

Kinapaalla wi ollupelle vamiitthoni va Apwiya Mulluku ooddullu ni vatthi wi khomwaashera mutthiyana mwanaka variyari va anamwalli a Akanani wuno niriihunngu.

Genesis 47:29

Vano ari vakhuviru okhwa, aamwiithana Yosefe amulleella wi, “Waarimi okikondaka, okiphare muwari mwa kasambaraakammu nave ollupelle wi oneerokeerella echifundo ni ororomelleya navettho wi mutembwaaka ohivitthiwe o Iguputo wuno.

Genesis 24:26

Vano mulletoolle aakokhora vatthi nave ahaallapella Apwiya.

Genesis 21:23

Sika vano llupella vamiitthoni va Mulluku wi khokilleka miyaano apaalle anaaka apaallettho edduullu ddaka. Miyaano kookhalla oororomelleya vamiitthoni vawo nave weyaanottho olonjeze wi oneeroromelleya vamiitthoni vaka, mu ellapo eyo onakhalleewemo wonanko mulleto.”

Genesis 21:24

Abrahamu aallota wi, “Kinimallupella.”

Genesis 31:53

Mulluku a Abrahamu, Mulluku a Nahori, Mulluku a attiitthiiwa, sika anaaneeruze eellihi.” Sika Yakobo aallupella vamiitthoni va Mulluku oyo attiitthinnya Isaki yamooviiwa.

Genesis 50:25

Eerilleeye ddiiddo Yosefe ahaaveka anamwani a Yakobo wi ellupelle vawaalleellani wi, “Llupellani wi Mulluku uuweherani phaama muneerotukhulla makhuvaaka mwaatthaamaka wuno.”

Genesis 24:2

Nllapo nimodda aamulleella mullupa muttekwaaye muullupalli oyo awehera eyuumaaye ettheene wi, “Ngakiphare vatthi va kasambaroolla nave ollupelle.

Genesis 50:5

‘Attiitthaaka eri vakhuviru okhwa, yaakillupelliha wi kaavitthe mu mahame ayo yiikatenlliiwa weekhiiwa mu ellapo ya Kanani. Sika kinimuuvekani wi mukaakhullelle wi kaavitthe attiitthaaka, vatulli viwa kineerohokollowattho.’ ”