Genesis 47:18 - Mawu a Mulluku

¹⁸ Omallille muyakha yooyo, athwaayo yaayattho wa Yosefe emulleella wi, “Apwiya, moohikhuwa erive ello, hiyaano makobiraahu ni eziweto ddahu ddene, ddoonimallella. Kheyiivo eyo ehanlle yawi ttuuwinnyani, nikhulle miivelleella hiyaano ni emata ddahunndda.

Genesis 47:18 ပူးပေါင်းရင်းမြစ်များ

Yeremiya 38:9

“Amwene apwiyaaka, athwaalla yoomweerella ddoonanara wunchichi namallotella Yeremiya. Aamuvokhella mwiihimeni nave vawi buledi oomalla mu muzinda anaakhwelle mwemmo ni ettalla.”

2 Mamwene 6:26

Nllapo nimodda mwene aviraka va mpanda wa muzinda, mutthiyana mmodda aamukhuwella wi, “Nyu apwiya, kikavihereni!”

Genesis 47:17

Sika yaawaana eziweto ddiwa monga akavalo, enkhosa, epuri, eng'ombe ni abulu wa Yosefe, yaakakhaniha ni ddoocha. Muyakha yooyo Yosefe aawinnya ddoocha athwaayo mwawaakakhaniha ni eziweto ddiwannddo.

Genesis 47:19

Apwiya, ethiyo ddawoona nikhwelle vamiitthoni vanyu nave nihiye emata ddahu? Munikulle hiyaano ni emata ddahu vawaakakhanihani ni ddoocha. Ninaakhalle akaporo a Farao nave olliye aneerokusa emata ddahu wi ddikhalle ddaaye. Munivahe mmiddo wi nihikhwe ni ettalla navettho wi emata ddahu ddihikhalle ddoohillima.”