Genesis 46:7 - Mawu a Mulluku

⁷ Ahaakusa anaaye aallopwana ni edduullu ddeellopwana navettho anaaye aatthiyana ni edduullu ddeetthiyana. Attheenaayo aayaana o Iguputo.

Genesis 46:7 ပူးပေါင်းရင်းမြစ်များ

Genesis 46:6

Yaakusa eziweto ddiwa ddittheddene ni ddeko ddittheddene nnddo yaariiwana o Kanani nave yaaya o Iguputo. Yakobo aakusa edduullu ddaye ddittheddene.

Genesis 46:8

Nave alla sika manddina a Aisraele, ayo ayiilleeyena o Iguputo. Vaari Rubeni, mwaana awaamba a Yakobo,

Yoswa 24:4

Nave Isakooyo kaamuvaha Yakobo ni Esau. Kaamuvaha Esau ellapo yamiyaango ya Seiri wi ekhalle yoohallanaaye koma Yakobo ni anaaye yaakitthella o Iguputo.

Genesis 34:7

Va enthawi yeeyo anamwani a Yakobo yaari yiikimaphiya wene ovenyera obusani wulle. Anamwanaayo yiiwalle ddennddo, yaasha murima wunchichi. Yaananariwa wunchichi vawoonani wi Shekemu aheera ello yoonanara wunchichi eyo tti yoowulliha muru mu Israele, voomupharellani Dina.

Numeri 20:15

Makhollwaahu yaaya o Iguputo nave naakhalla wenko miyakha ddinchichi. Aiguputo yaanihoosa hiyaano vamodda ni makhollwaahu.

Deuteronomo 23:7

“Muhaavevulleke Aedomu vawi alliwa tti abalaanyu. Muhaavevullekettho Aiguputo vawi khalle mwaakhalla mu ellapwiiwa.

Deuteronomo 26:5

Nave vamiitthoni va Apwiya Mullukwaawo, ollote wi, ‘Nikhollo naka naari Muaramu, muthu aweeteeta oyo ayiille akhalla o Iguputo ni nibanja naye. Vooyaani wenko athu yaari ooyeva koma vatulli viwa yahaata etthattuwa mutundu muullupalli ni wamasiva.

Masalimo 105:23

Vano Israele aaphiya o Iguputo, Yakobo aakhalla mulleto mu echigawo ya Hamu.

Yesaya 52:4

Khalle nyu athwaaka mwaaya o Iguputo mwakhalla wenko monga alleto nave Aasiriya yuuhooselleni nivuddo.