Genesis 46:5 - Mawu a Mulluku

⁵ Vano Yakobo aatimulla olendwaaye ovenyera o Beeresheba. Anamwani a Israelaalle yahaawelliha attiitthiiwa, Yakobo ni atthiyana ni anamwani, va magareta ayo Farao aarumihalleeye.

Genesis 46:5 ပူးပေါင်းရင်းမြစ်များ

Genesis 45:21

Anamwani a Yakobo yaheera ddennddo. Yosefe ahaavaha magareta moollikana ni mmo Farao alamulelleeye nave ahaavaha pooso a voolendoni.

Genesis 45:19

Waalamulettho wi ekuse magareta a wuno o Iguputo wi awariwa yawellevo ni aniiwa nave attiitthiiwa ewe wuno.

Genesis 45:27

Koma emulleelle ddittheddenennddo Yosefe aalleelleeye nave oonille magareta ayo Yosefe arumihalleeye wi olliye awellevo vooyaani o Iguputo, murima wa Yakobo wahaamba ohokollweella m'mapuroni.

Eksodo 10:26

Koma nineerokusa eziweto ddahu nave wuno khohalla naari echiweto emodda. Vawi ninaphwanella wi natthoolle eziweto ddawaarumeyellana Apwiya Mullukwaahu. Nave khaninadduwella ddoophwanella ophariha mutteko vawaallapellani Apwiya ophiyera niphiyalle wenko.”

Eksodo 10:24

Vano Farao aamwiithana Mose amulleella wi, “Khaweni mwaallapelle Apwiya. Muyeenawottho awarinyu ni aniinyweene. Koma enkhosa ddanyu, epuri ddanyu, abulwaanyu ni eng'ombe ddanyu ddene ddineerosungiwa weewuno.”

Mitteko 7:15

Yakobo aayaawo o Iguputonko, akhwenlle wenko olliye ni anaaye, makhollwaahu.

Genesis 21:14

Sika osaka wene, ohinase, Abrahamu aamuvaha Hagara yoocha ni nthumba na nttapara na maaddi. Vatulli viwa aamutukhulla mwaanooyo amuyaariha Hagara, enre ddiiddo aamulleella wi aroweke. Sika Hagara aatimulla ddawoona, aneeteeta mu echipululu ya Beeresheba.

1 Samuele 12:8

Yakobo ni nibanja naye yayiilliiwa o Iguputo, Aiguputwaayo enaallaka, makhollwaanyu yaavekella wa Apwiya. Nave Apwiya yahaaruma Mose ni Aroni wi yaakhumihe o Iguputo ni oweeriha wi ekeraattheye o nipuro nenna.