Genesis 46:34 - Mawu a Mulluku

³⁴ Nyuwaano mwamulleelle wi, ‘Hiyaano apwiya, tti abusa a eziweto waambeella enamwanaahu, wonanko mmo yeerella makhollwaahu.’ Mweeddiiddo, sika muneerokhalla mu ellapo ya Gosheni ekaamba yawi a Iguputo ennananariwa ni abusa.”

Genesis 46:34 ပူးပေါင်းရင်းမြစ်များ

Eksodo 8:26

Koma Mose ahaakhulla wi, “Kheddikhalla phaama weera ddennddo kaambiiwa mikutho nnddo ninaavelleelleehu wa Apwiya Mullukwaahu, ddinnaananara Aiguputo. Ethiyo alliwaayo khenivokhaka malluku ophiyera oniipha naavelleellaka mikutho nnddo ddinaananara m'mwiitthoni mwiwa?

Genesis 43:32

Yosefe achella va yeekha nave asinnaayo yachella vaweekhiiwattho. Aiguputo aariiyena nimodda mpammo ni alliwa yachella va weekhiiwa ekaamba yawi alliwa yaananariwa ochella nimodda ni Aheberi

Genesis 46:32

Athu yaalla tti abusa, enachiha eziweto. Aawa ni eziweto ddiwa ni ddeko ddiwa ddittheddene.

Genesis 37:12

Nllapo nimodda asinne a Yosefe yaaya o Shekemu woochiha eziweto dda attiitthiiwa.

Genesis 45:10

Ttuuwora okhalla mu echigawo ya Gosheni wi mukaatamelle miyaano. Mukhalle wuno nyuwaano, aniinyu, edduullu ddanyu, enkhosa ddanyu ni epuri ddene, eng'ombe ddanyu ni ddittheddene muriinyuna.

Genesis 30:35

Koma nllapo nenno Labani ahaatthaamiha anankhoro attheene amadonthomadontho, owaakattho epuri ddeetthiyana ddamankhaangamankhaanga, ddittheddene ddamankhaanga aweella. Aadditthaamihattho enkhosa ddittheddene ddooripa, ahaalleella anaaye wi eddichiheke eziweto ddittheddenennddo.

Genesis 34:5

Yakobo ahiiwa dda ddoowulliha muru nnddo ddamweereyelle mwanaye Dina voopharelliwani koma vawi anaaye aallopwana yaari obusani woochiha eziweto, khaaweerillevo ello ophiyera alliwaayo ewiille.

Genesis 13:7

Sika abusa a Abramu ni abusa a Loti yahaamba okangana. Enthawi yeeyo Akanani ni Aperezi yaari ekhallakave mwiillaponimmo.

Genesis 13:8

Sika Abramu aamulleella Loti wi, “Hiyaano niri voobaleni, sika vihikhalle okangana variyari va weyaano ni miyaano, emoddamoddave yeeyo variyari va abusaawo ni abusaaka.

Genesis 26:20

Koma abusa o Gerari yahaamba okangana ni abusa a Isaki wi, “Maaddaalla tti aahu.” Sika Isaki ayiromolla ehimeeyo “Okangana,” ekaamba yawi yaakangana ni olliye.

Genesis 37:2

Ella sika epilli ya nibanja na Yakobo. Yosefe ari musombwe a miyakha 17, achiha enkhosa ni epuri nimodda ni asinne, anamwani a Biliha ni a Zilipa, awariwa ang'onong'ono a attiitthinnya. Vano Yosefooyo aanaalleella attiitthinnya ddoonanara ddittheddene yeera asinnaayo.

Genesis 45:18

Vano wenko yaakuse attiitthiiwa ni mabanjiiwa nave ewe wuno. Kineerewuuvahani ellapo ya ethaya yaphaama ya Iguputo nave muneerekoocha ddaphaama dda mwiillaponimmu.

Genesis 47:3

Sika Farao ahaakoha asinne a Yosefe wi, “Ethiyo munaphara mutteko wawiidde?” Alliwa yahaakhulla wi, “Apwiya, oorumeyellaayu tti abusa, wonanko mmo yeerella makhollwaahu.”

Genesis 47:4

Nave yaallota wa Farao wi, “Niwiille wi nikhallena mwiillaponimmu ekaamba yawi o Kanani wookhalla ettalla yawoopiha, sika naari munyepu woochiha eziweto khawiiwo. Pepaani, apwiya, munaakhullelle oorumeyellaanyu wi nikhalle mu ellapo ya Gosheni.”

Genesis 47:6

Ellapo ya Iguputo eri m'mattani mwawo. Sika waakeraatthihe attiittho ni asinno mu ellapo ya ethaya yaphaama, yakhalle o Gosheni. Nave waarimi waadduwenlle oororomelleya variyari viwamvo, owinnye okapitawo woochiha eziweto ddaka.”

Genesis 47:11

Yosefe ahaakeraatthiha mu ellapo ya Iguputo attiitthinnyaalle ni asinne attheenaalle nave ahaavaha nipuro na ethaya yaphaama, o echigawo yooromolliwa Ramsesi, wonanko mmo Farao alamulalleeye.

Eksodo 8:22

Va nllapo nenno, kineerohiyaniha ellapo ya Gosheni yookhallamo athwaaka, mwawi yeeyove khekhalla ni miikaanga wi weyaano odduwelle wi mi Apwiya kiri mu ellapo yeella.